YOSUA 24:2 - WUKE SUSI WATTI'U AL᷊AL᷊USASSA

² Wua'udde i Yosua nabbisara si mangitou sarangkanambone, “Paddaringikka apa apan iapaasingkattu Mawu, Ruatan Israel si yamiu, ‘Su runia dorone, iupungngu al᷊amonanu uatana'a su samba'an Sal᷊ukku Efrat, wuṛṛu massubba manga monganna. Sangkatou wuassi mangitou eteudde i Terah, iamangngi Abraham wuṛṛu i Nahor.

YOSUA 24:2 Iomraidhean Croise

PANDARIADDI 11:22

Su tempo i Serug uukke 30 su tonnane, i tou naasomba ana'a esakka, aranne i Nahor.

PANDARIADDI 11:24

Su tempo i Nahor uukke 29 su tonnane, i tou naasomba ana'a esakka, aranne i Terah.

PANDARIADDI 11:26

Napawe i Terah uukke 70 su tonnane, i tou naasomba siri tallu ana'a esakka, eteudde i Abram, i Nahor wuṛṛu i Haran.

PANDARIADDI 11:27

Ete indi papapulunni Terah: i Terah iamangngi Abram, i Nahor wuṛṛu i Haran. I Haran pia sangkatou ana'a esakka aranne i Lot.

PANDARIADDI 31:19

Tempo udde i Laban su wadda'a tantal᷊anna mammol᷊o wambul᷊un manga dombane, wuṛṛu ete su tempo udde i Rahel nanna'o paal᷊uanna mallal᷊u'adda amonanna darotongngu iamangnge.

PANDARIADDI 31:30

I ya'u masingkatta manungku i'o nangingkatta udde ana waugu i'o maapulu mapul᷊e. Arawe anio i'o nanna'o paal᷊uanna mallal᷊u'adda amonangku?”

PANDARIADDI 31:32

Su ola'u paal᷊uanna udde, amungkangu i Papa naasangkalla sangkatou isindi apan buatte nanna'o, i tou sarun iṛṛuumanna pateanna. Parikisete, tanne pia manga saranapa darotongngi Papa isindi. Amungkangu pia, ore anute. Wuṛṛu manga taumatang kite wotongnge maola'a matatatialane.” I Yakub wagga manungku i Rahel apan nanna'o paal᷊uanna udde.

PANDARIADDI 31:53

Ruata apan sassubbanni Abraham wuṛṛu sassubannu iamangku i Nahor sarun maola'a mallaṛṛuungnga su wallati yaddua.” Ana see i Yakub nassalu ringannu arannu Ruata apan sassubanni Ishak, iamangnge, tadea'u masuungnga pa'airene.

PANDARIADDI 35:4

Ana see i mangitou manantillu anambon paal᷊uannu monganna si Yakub apan sasahipunanni mangitou wuṛṛu lai ngante-ngante mangitou. Anambon saranapa udde nial᷊in i Yakub su al᷊ungngu alu wahewalla maranin soan i Sikhem.

YESAYA 51:2

Naungete iupungngu al᷊amonanu i Abraham wuṛṛu i Sara apan nanungkangngi yamiu; sutempo i Ya'u namaggo si Abraham, i tou tawe ana'a; wua'udde i Ya'u nangal᷊amatta si tou wuṛṛu Ta'u nionggol᷊annu pallaṛṛite apan manambo.

YEHEZKIEL 16:3

Mawu Apan Atanggaṛṛanne nandolo'u niapapasingkattu tanata indi su Yerusalem, “Ei Yerusalem, i'o nasungkangnga su leta'u Kanaan. Iamangngu taumatan Amori wuṛṛu inangngu taumatan Het.

LUKAS 3:34

ana'i Yakub, ana'i Ishak, ana'i Abraham, ana'i Terah, ana'i Nahor,

TAHIUL᷊E 26:5

Wua'udde su saruannu Mawu Ruatanu, i'o ṛinone mabbisara manga wisara indi: ‘Oh Mawu, iupungngu al᷊amona'u sangkatou taumatan Aram apan lullalele. I tou nangapiddu amonanne watukku Mesir natana'a poiaroddi ere tumatal᷊angnga. Su tempo inai poiaroddi reenganni mangitou tumba'u addio'a, arawe i mangitou naola'a walahanna apan bahewalla wuṛṛu matohassa.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”