YOSUA 24:12 - WUKE SUSI WATTI'U AL᷊AL᷊USASSA

¹² Su tempo i yamiu inaite mamangalo si mangitou i Ya'u napaatingnganga wuṛṛu napaata'utti mangitou, na'oman sara ruan katou ratun Amori udde tinumal᷊angngi yamiu. Wal᷊ine hal᷊elenu wuṛṛu wal᷊ine anaannu apan naauntungnga si yamiu.

YOSUA 24:12 Iomraidhean Croise

DARALO 135:11

Sihon ratun Amori wuṛṛu i Og ratun Basan, see lai anambon ratu su Kanaan.

DARALO 80:10

I'o nangonggolu leta'a si tou; ne i tou nakkamutta malal᷊u-lal᷊umma wuṛṛu uapannata su ahewallu wanua.

DARALO 80:9

Uman-Nu naahil᷊idda punnu anggore apan niingkan-Nu wuassu Mesir. Manga walahanna waine nilimbuaṛṛan-Nu, ana see alu udde nisuan-Nu su wanuan mangitou.

SASABANGNGA 23:28

Manga seennu sarun Ta'u isongkakka, wuṛṛu manga walahannu Het Ta'u limbuaṛṛanna wuassu saruannu tadea'u i yamiu wotongnge umamatta.

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

REENGANNA 21:31

Ringannu aroddi walahannu Israel namanuate su wageangngu leta'u taumatan Amori.

REENGANNA 21:32

Wua'udde i Musa nandolokku manga taumata inai maddea'a lal᷊anna apan apianne pamangaloanne soan Yaezer. Ana see taumatan Israel nangaṛṛo soa udde see lai manga soa maradio'a maranine wuṛṛu nallimbuakka taumatan Amori apan uatana'a poiaroddi.

TAHIUL᷊E 31:4

Mawu sarun mamate manga walahanna udde, ere lai i Tou namaddon Sihon wuṛṛu i Og, ratun taumatan Amori, lapiddu nakkimunsa'a wanuan mangitou.

TAHIUL᷊E 4:47

I mangitou natana'e su leta'i Ratu Sihon udde, see lai leta'i Ratu Og wuassu Basan, sangkatou ratun Amori waine apan uatana'a su samba'an da'in Sal᷊ukku Yordan.

TAHIUL᷊E 7:20

Ewe'e lai Mawu Ruatanu sarun mandantan atata'utta suwallati mangitou na'oman sara manga taumata apan botongnge tumal᷊angngu watanganne wuṛṛu ma'imbuni lai sarun mate.

YOSUA 2:10

Yami buatte naaringkka watti'a su ola'u ereapa Mawu napaamaran Tahal᷊oangngu Gelagah su saruanni yamiu, su tempo i yamiu nanantangngu Mesir. Yami lai naaringikke ereapa i yamiu namate si Sihon wuṛṛu si Og, ratun balahannu Amori udde su samba'an da'in Sal᷊ukku Yordan.