YOSUA 24:11 - WUKE SUSI WATTI'U AL᷊AL᷊USASSA

¹¹ Wua'udde i yamiu tinumumbete Sal᷊ukku Yordan, wuṛṛu na'omate su Yerikho. Manga taumatan Yerikho namangalo si yamiu, aroddi lai taumatan Amori, taumatan Feris, Kanaan, Het, Girgasi, Hewi wuṛṛu taumatan Yebus. Arawe i Ya'u napaauntungi yamiu wuassi mangitou sarangkanambone.

YOSUA 24:11 Iomraidhean Croise

PANDARIADDI 15:19

nasutta lai leta'u taumatan Keni, Kenas, Kadmon,

DARALO 105:44

Leta'u manga walahanna nionggolu Mawu si mangitou, manga wawail᷊anni mangitou naola'a pussa'an al᷊aṛṛanang-Nge,

DARALO 114:3

Tahal᷊oangngu Gelagah naasilo si Tou ana see tinumal᷊angnga, Sal᷊ukku Yordan nattaalla mangngelekka.

DARALO 114:5

Pia apa, ei tahal᷊oanga, na'oman sara i'o tinumal᷊anga, wuṛṛu Sal᷊ukku Yordan nattaalla nangelekka?

SASABANGNGA 13:5

Ringannu sasalu Mawu naddiandi su iupungngu al᷊amonanu tadea'u manantilla si yamiu wanuan balahannu Kanaan, Het, Amori, Hewi wuṛṛu Yebus. Napawe Mawu nangapiddi yamiu su wanua apan ala wuṛṛu masuwukka udde, suapan tonna sulal᷊ummu wul᷊anna Abib, i yamiu ṛinone ma'ola'a lal᷊aghun ramea indi.

SASABANGNGA 23:23

Mala'eka-U sarun malliu ṛoro si yamiu wuṛṛu mangapiddi yamiu watukku wanuan balahannu Amori, Het, Feris, Kanaan, Hewi wuṛṛu Yebus, wuṛṛu i mangitou sarun Ta'u pateanna.

SASABANGNGA 23:28

Manga seennu sarun Ta'u isongkakka, wuṛṛu manga walahannu Het Ta'u limbuaṛṛanna wuassu saruannu tadea'u i yamiu wotongnge umamatta.

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

SASABANGNGA 33:2

I Ya'u sarun mandolokku sangkatou mala'ekatta iapapiaṛṛa'i yamiu. I Ya'u sarun mallimbuakka walahannu Kanaan, Amori, Het, Feris, Hewi wuṛṛu Yebus.

WATTI'U MANGA RASUL 13:19

Pitu walahanna nipaten tou su wanua Kanaan tadea'u maatahia wanua udde su walahannu Israel tadea'u wanua udde maola'a pussa'an mangitou.

WATTI'U MANGA RASUL 7:45

See rasanna udde niapiddu iupungngu al᷊amonang kite su tempo i mangitou wuṛṛu i Yosua inai mangaṛṛo wanuang kite indi wuassu tatahuanannu manga walahanna apan nilimbuaṛṛannu Ruata su saruanni mangitou. Rasanna udde uaraddo isudde na'oman sara i Daud.

TAHIUL᷊E 7:1

“Mawu Ruatanu sarun mangapiddi yamiu watukku wanua apan sarun wanuanni yamiu, wuṛṛu manambo walahanna apan limbuaṛṛanna wua'isudde. Su saruannu matanu i Tou sarun mallimbuakka pitu walahanna apan maggewal᷊anna wuṛṛu mattohasanna wuassi yamiu, eteudde manga taumatan Het, Girgasi, Amori, Kanaan, Feris, Hewi wuṛṛu Yebus.

YOSUA 3:10

Amungkangu i yamiu inaite umamatta, Mawu sarun mallimbuakka taumatan Kanaan, Het, Hewi, Feris, Girgasi, Amori wuṛṛu Yebus. Wuṛṛu su tempo Wantalu Pa'aire Mawu ul᷊ilim pati'uppa tinumumbete Yordan malliu ṛoro si mangitou, i yamiu sarun maasilo manungku Mawu Ruata apan biakka, udde su pattangnganni yamiu.

YOSUA 4:1

Napawe anambon balahanna udde na'omate su samba'a, Mawu nabbiasra si Yosua,

YOSUA 4:19

ṛuangannu Israel na'omate su samba'an Yordan su allo apul᷊one wul᷊anna paarorone, wuṛṛu i mangitou naddasanna su Gilgal su samba'a ra'in Yerikho.

YOSUA 4:23

Wattia'a si mangitou manungku Mawu Ruatanu napamaran ua'en Sal᷊ukku Yordan udde si yamiu na'oman sara i yamiu sarangkanambone naddatingnga su samba'ane, ere lai i Tou napaamaran Tahal᷊oangngu Gelagah si yami,

YOSUA 9:2

Manga ratu udde na'ire wuṛṛu na'ammula inai mamangalo si Yosua wuṛṛu ṛuangannu Israel.