YOSUA 23:7 - WUKE SUSI WATTI'U AL᷊AL᷊USASSA

⁷ Ringannu aroddi yamiu tawe mallal᷊o'an manga walahanna apan ta'e uatana'a su sampunna ringanni yamiu. I yamiu tawe maasagon arannu manga monganni mangitou ara'e massalu sulal᷊ummu aranna udde. Wuṛṛu lai yamiu tawe mattaṛṛamawu ara'e massubba su manga monganna udde.

YOSUA 23:7 Iomraidhean Croise

2 MARARATU 5:18

Amungkangu su allo addantane, i ya'u ṛinone mandinganna ratu inai umal᷊iomanna su wal᷊en Rimon mongannu Siria, antimanna Mawu mangampunga si ya'u.”

2 TAWARIKH 7:19

Arawe amungkangu i'o wuṛṛu tumanangngu lumawangnga manga tita wuṛṛu manga parenta-U, see lai massubba mawu waine,

DARALO 16:4

Wala'ewe taumata apan massubba manga monganna aatambanna asasusane. I ya'u maddiri mangonggolu sasamba su manga monganna, ewe'e lai maddiri managon aranni mangitou.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

SASABANGNGA 23:33

Arie pabbala'a manga taumata udde matana'a su wanuanu, tadea'u i yamiu tawe massubba manga mawun mangitou wuṛṛu ma'ola'a rosa su saruang-Ku. Amungkangngu i yamiu massubba manga mawun mangitou, i yamiu nanawote sulal᷊ummu loṛṛangngu papate.”

AMSAL 4:14

Arie manantuṛṛutta lal᷊annu pabbiaṛṛannu taumata lal᷊eo wuṛṛu arie pattanno inolaanni mangitou.

YEREMIA 12:16

Amungkangngu i mangitou ringannu ahewallu naungnga mappulu manengkamma agaman uma-U wuṛṛu mappulu massalu ringannu mabbisara, ‘Riangannu arannu Mawu apan biakka,’ – ere lai dorone i mangitou mangngaṛṛa'a uma-U massalu ringannu aranni Baal – ne i mangitou lai sarun mareengnga uma-Ku wuṛṛu maola'a ala.

YEREMIA 5:7

Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

HOSEA 2:17

I Ya'u sarun tate mamalan tou managgon aranni Baal apia, ma'oman sara aranna udde sarun timbul᷊ianannu taumata.

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

REENGANNA 32:38

Nebo, Baal-Meon, wuṛṛu Sebam. Manga soa apan niapararisiki mangitou apia udde nihantianni mangitou aranne.

REENGANNA 33:55

Arawe amungkangngu tumana'u wanua udde tawe limbuaṛṛanni yamiu, manga taumata apan sidutu uatana'a isudde sarun mapaasusanu ere anne su matanu wuṛṛu ere larangnga su leddanu. Ne ete i mangitou udde mamangalo si yamiu.

1 KORINTUS 15:33

Arie awahianna! Pagahahawe apan lal᷊eo, mandal᷊eo pallal᷊agu mapia.

EFESUS 5:11

Arie ma'ola'a inolaanna apan tawe gunane apan a'olaannu manga taumata apan mabbiakka su lal᷊ummu araranduma. Arawe ṛinone i yamiu mannualaga inolaanna ereudde. (

TAHIUL᷊E 10:20

Pangaddata Mawu Ruatanu wuṛṛu tumba'u pattaṛṛamawu si Tou sassane. Ṛinone i yamiu sidutu matuṛṛutta si Tou wuṛṛu massalu ringannu aran-Ne sassane.

TAHIUL᷊E 6:13

Pangaddate Mawu Ruatanu, wuṛṛu tumba'u pattaṛṛamawu si Tou, wuṛṛu amungkangngu i yamiu massalu, passalute tumba'u sulal᷊ummu aran-Ne.

TAHIUL᷊E 6:14

Imbaṛṛangnga massubba manga Mawu waine apan sassubbannu manga walahanna apan uatana'a maraninu.

YOSUA 23:12

Amungkangu i yamiu tawe matuṛṛuta wuṛṛu i yamiu maammulu manga walahanna apan ta'e uatana'a ringanni yamiu, wuṛṛu i yamiu ma'awingngi mangitou,

YOSUA 23:8

Arawe i yamiu ṛinone sidutu matuṛutta Mawu, ere lai buatte niola'i yamiu naddatingngu orassa indi.