YOSUA 23:10 - WUKE SUSI WATTI'U AL᷊AL᷊USASSA

¹⁰ Sangkatou taumata su wallati yamiu wotongnge maal᷊uṛugu taumata su ṛiwune, ana waugu ete Mawu Ruatanu apan mamangalo hunan kamiu, ere buatte nipa'ire-Ne.

YOSUA 23:10 Iomraidhean Croise

2 SAMUEL 23:8

Eteindi arannu manga piaṛṛa'u tantaran Daud apan tinumelengnga; Paarorone eteudde i Ishbaal, taumatan Hakhmoni, piaṛṛa'u “Ammul᷊annu Tatallu” (Triwira). Buatte su sambau pangalo i tou nando'appa ual᷊u ṛasutta su atoune wuṛṛu namate si mangitou ringannu sambeangnge.

1 TAWARIKH 5:20

Manga tantara udde mangngimanna Ruata wuṛṛu ma'iontolla si Tou, ne Ruata naddaringikka darorongngi mangitou wuṛṛu nangonggolu auntunganna si mangitou su manga taumatan Hagri wuṛṛu manga hawene.

DARALO 35:1

Daralon Daud. Mawu, ro'apete taumata apan lullawangnga si ya'u, pangaloite taumata apan mammangalo si ya'u.

DARALO 46:7

Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

SASABANGNGA 14:14

Mawu sarun manahekki yamiu, wuṛṛu i yamiu manin tawe ma'ola'a apa-apa.”

YESAYA 30:17

Saṛṛiwu su atoune sarun tumal᷊angnga maasilo wawansagu sangkatou seetta, wuṛṛu wawansagu siri lima maaola'a si yamiu tumal᷊angnga abbi-abbi. Wuassu tantaranu tumba'u matantangnga sambau pul᷊on baneṛṛa su puiddu wuidda.

IMAMATTA 26:7

I yamiu sarun botongnge mamaddon manga seennu;

IMAMATTA 26:8

ringannu siri lima i yamiu wotongnge mamaddon maṛṛasutta su atoune, wuṛṛu ringannu maṛṛasutta su atoune i yamiu wotongnge mamaddon mapul᷊o ṛiwu su atoune.

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

TAHIUL᷊E 20:3

‘Tuṛṛa-tuṛṛangnga, paddaringikka! Allo indi yamiu inaite mapapangalo. Imbaṛṛangnga mata'utta ara'e maadio'a naungngu ara'e ial᷊iwune.

TAHIUL᷊E 20:4

Mawu Ruatanu sarun tumantalongnga mantul᷊ungngi yamiu, wuṛṛu i Tou sarun mangonggolu auntunganna si yamiu.’

TAHIUL᷊E 28:7

Amungkangngu i yamiu pangaloanna, Mawu sarun mamaddon seennu. I mangitou sarun mamangalo ringannu uaatokka, arawe tumal᷊angnga ringannu uasongkakka.

TAHIUL᷊E 3:22

Imbaṛṛangnga mata'utti mangitou, ana waugu Mawu Ruatanu sidutu uarundinganna si yamiu.”

TAHIUL᷊E 32:20

Wisara-Ne, ‘I Ya'u maddirite mantul᷊ungngi mangitou apia; walate Ta'u ellehanna tanne ereapa panginsueanni mangitou. Ana waugu walahanna udde maatikka puane wuṛṛu mangke tawe tumuṛṛutta.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

YOSUA 10:42

Tumba'u paassa napapangalo, i Yosua namaddon anambon datu udde wuṛṛu nangaṛṛo manga wageangngu leta'a apan paparentanni mangitou, ana waugu Mawu, Ruatan Israel, napapangalo suadio'a ringannu Israel.

YOSUA 23:11

Ana waugu udde paanaunge mandangngu Mawu Ruatanu.

YOSUA 23:3

I yamiu nasilote al᷊awo'a apan niola'u Mawu Ruatanu su saruannu anambon walahanna isindi ana waugu i yamiu. Apan nangesakki yamiu, eteudde tumba'u Mawu Ruatanu sassane.

MAL᷊AṚṚUUNGNGA 15:15

Wua'udde i tou naasangkalla sambau duṛṛin ol᷊an keledai apan ta'e wakku. I tou namurutta duṛṛi udde, ana see nipaatta pinamuulla 1.000 su atoune na'oman sara nate.

MAL᷊AṚṚUUNGNGA 3:31

Piaṛṛangnge manansunna eteudde Samgar ana'i Anat. I tou lai napapangalo wuṛṛu namallossu taumatan Israel. Ringannu ta'inna nipamiaṛṛa'u sapi, i tou namate 600 taumatan Filistin.

1 SAMUEL 14:6

Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”