YOSUA 22:6 - WUKE SUSI WATTI'U AL᷊AL᷊USASSA

^6-9 Wua'udde i Yosua nangimpal᷊ukka wuṛṛu nandolokki mangitou mabelengnga watukku leta'a wageangngi mangitou ringannu nangonggolu tanata indi, “I yamiu orassa indi naalate wuṛṛu i yamiu mabelengnga ringannu uaapiddu manambo winatangnga, sal᷊a'a, wul᷊awanna, witu'a, atta'a wuṛṛu laubba. Tahiate lai manga hessin inasaharannu su manga taumata waine ṛuanganna sambau.” Ne ṛuanganni Ruben, i Gad wuṛṛu ṛuanganna Manasye su samba'an ra'in Yordan udde nanantangngu taumatan Israel waine, wua'udde inaite watukku Silo su Kanaan mattudda leta'i mangitou sassane su wageangngu Gilead. I mangitou namanua su leta'a udde wuassu parenta Mawu si Musa. (Sambageanganna ṛuanganni Manasye buatte nanengkamma wuassi Musa, leta'a su samba'an ra'in Sal᷊ukku Yordan, wuṛṛu sambageanganna ṛuanganni Manasye waine, nanengkamma wuassi Yosua leta'a su samba'an baṛṛatu Sal᷊ukku Yordan su sampunna ringannu manga ṛuanganna waine.)

YOSUA 22:6 Iomraidhean Croise

PANDARIADDI 14:19

ana see nangal᷊amatta si Abram, wisarane, “Antimanna Mawu Ruata Apan Atanggaṛṛanne, apan buatte nandiaddi langitta wuṛṛu runia, mangal᷊amatta si Abram!

PANDARIADDI 47:10

Wua'udde i Yakub nadorongke napul᷊e wuṛṛu nangonggolu al᷊amattu patatal᷊ei.

PANDARIADDI 47:7

I Yusuf namasingkattu iamangnge lai su ratu. I Yakub nangal᷊amatta ratu,

2 SAMUEL 6:18

Ana see i tou nangal᷊amatta tumana'u Israel ringannu arannu Mawu Apan Lembontaṛṛino.

2 SAMUEL 6:19

Wua'udde nattahia anna si mangitou sarangkanambone. Suapan taumata isudde mawae ete esakka ara'e wawine nionggol᷊annu sanduru ṛemessa apan buatte nitapa, roti wuṛṛu kukisse kismis. Wua'udde i mangitou sarangkanambone napul᷊ete su wal᷊ene sangkatou-sangkatou.

2 SAMUEL 6:20

Sutempo i Daud napul᷊ete su wal᷊en araratuanne mangonggollu tabea su lal᷊oṛṛon bal᷊ene, i Mikhal sinumabbangnga naisasomban Daud wuṛṛu nabbisara, “Allo indi ratun Israel atonna-tonna na'ola'a watanganne a'addatanna! I tou buatte tinumantol᷊e naal᷊ihidda taumata longonna apan wagga masili su saruannu manga allangnga wawine tatahuanannu manga mamanaran araratuanna!”

1 MARARATU 8:66

Su allo aual᷊une i Salomo nandolokku manga taumata nabbelengke su wal᷊en mangitou ringannu naungnga apan lullala'a, ana waugu anambon al᷊amatta apan buatte nionggollu Mawu su allang-Nge i Daud wuṛṛu su walahannu Israel uman-Ne.

2 TAWARIKH 30:18

Wal᷊ine wuassu udde lai, suwallattu manga taumatan Efraim, manasye, Isakhar, wuṛṛu Zebulon, manambo apan nirumanta ringannu tawe napasusin batanganne asuene. Nariaddi, i mangitou mallaghun Paskah udde ringannu tawe suṛṛinone. Ana waugu udde i Ratu Hizkia niumal᷊iomanni mangitou, wisarane,

SASABANGNGA 39:43

I Musa namarikissa sarangkanambone wuṛṛu naasilo manungku i mangitou buatte na'ola'a uasul᷊ungngu parentan Mawu. Ana see i Musa nangal᷊amatta si mangitou.

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

LUKAS 24:50

Wua'udde Mawu Yesus nangapidde mangitou sinumabangnga wuassu soa nadatingngu Betania. Isudde i Tou namatten lima-Ne, see nangal᷊amatta si mangitou.

YOSUA 14:13

Ne i Yosua naddaringikke darorongngi Kaleb ana'i Yefune, ana see i tou nionggol᷊annu soan Hebron maola'a leta'a pusaane.

YOSUA 24:28

Panginsueanne i Yosua nandolokku manga taumata udde niapaapul᷊e; wua'udde i mangitou sarangkanambone nabelengke su leta'i mangitou sambau-sambau.

1 SAMUEL 10:25

Wua'udde i Samuel nanal᷊a'a su walahanna udde su ola'u taṛṛino wuṛṛu manaran datu, ana see niwoṛṛetti tou sulal᷊ummu wuke apan niaddo su tampa susi. Wua'udde i Samuel nandolokku walahanna udde niapaapul᷊e su wal᷊en sangkatou-sangkatou.

1 SAMUEL 13:2

i tou namile 3.000 su atoune taumatan Israel; suwallatti mangitou 2.000 su atoune uatana'a ringanni tou su Mikhmas wuṛṛu su panenteannu Betel, wuṛṛu 1.000 su atoune inaite lai ringanni Yonatan anangnge esakka su Gibea, su wageangngu leta'u ruanganni Benyamin. Lambene wua' isudde tumanangnge niwala niapaapul᷊e su wal᷊en sambau-sambau.

1 SAMUEL 2:20

Ne i Eli nangal᷊amatta si Elkana wuṛṛu awingnge, wuṛṛu i tou nabbisara si Elkana, “Antimanna Mawu mangonggollu ana'a apia si'o wuassu awingngu indi, ipallol᷊ossa ana'a apan buatte nionggolli raddua su Mawu.” Wua'udde itarua napul᷊ete watukku Rama.