YOSUA 22:34 - WUKE SUSI WATTI'U AL᷊AL᷊USASSA

³⁴ Panginsueanne ṛuanganni Ruben wuṛṛu i Gad udde nabbisara, “Meddan sasamba indi maola'a tatialan kite sarangkanambone manungku Mawu eteudde Mawu Ruata.” Ne i mangitou nanagon mezbah udde “Tatiala”.

YOSUA 22:34 Iomraidhean Croise

PANDARIADDI 31:47

Watu ua'ombo udde nissagon i Laban i Yegar-Sahaduta, arawe si Yakub nissago Galed.

PANDARIADDI 31:48

Unnu i Laban si Yakub, “Ombon batu indi sarun maola'a pananaunganna siaddua.” Ana waugu udde tampa udde nissago Galed.

1 MARARATU 18:39

Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

YESAYA 19:19

Sutempo udde su al᷊imboi banua Mesir sarun pia sambau mezbah Mawu, wuṛṛu su passaranne sambau diṛṛi watu apan niṛṛae hunan Mawu.

YESAYA 43:10

Ei uma-U, ete i yamiu manga tiala-U, i yamiu Ta'u nipile maola'a manga allang-Ku, tadea'u masingka-U wuṛṛu mangngimanna si Ya'u, wuṛṛu maasunna manungku ete i Ya'u Ruata. I Ya'u Ruata Apan Tinggassa taweddu wal᷊ine ro'en al᷊amonane wuṛṛu piate i Ya'u.

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

YOSUA 22:27

arawe udde maola'a tatiala si ite ruan ba'a, wuṛṛu su papapulunni ite su allo addantane, manungku atonna yami indi mattaṛṛamawu Mawu su Rasannu Daranta-Ne ringannu uaapiddu sasamba itattambunna, manga sasamba wuṛṛu sasamba pagahahawe. Ringannu aroddi papapulunni yamiu tawe mabbisara manungku papapulunni yami tawe pa'a'aukku ringannu Mawu.

YOSUA 24:27

Wua'udde i Yosua nabbisarate anambon taumata udde, “Watu indi maola'a tialan kite. Anambon bisara apan niwisaran Mawu si ite, buatte niwisara su saruannu watu indi. Nariadi ete watu indi apan maola'a tiala su saruanni yamiu, mapaanaungngi yamiu tadea'u tawe lumawanna Ruatanu.”