YOSUA 22:22 - WUKE SUSI WATTI'U AL᷊AL᷊USASSA

²² “Apan Lembon Taṛṛino eteudde Mawu! Apan Lembon Taṛṛino eteudde Mawu! I tou masingkatta anio yami na'ola'a inolaanna indi, wuṛṛu yami maapulu tadea'u i yamiu lai maasingkatta! Unnu wisara na'ola'a inolanna indi ringannu pandumma lumawangnga Mawu ara'e ana waugu yami tate lai mangimanna si Tou, wala'e yami mate orassa indi!

YOSUA 22:22 Iomraidhean Croise

1 MARARATU 8:39

antimanna I'o wuassu atatanaan-Nu su surga maddaringikka see mangampungnga wuṛṛu mantul᷊ungngi mangitou. Tumba'u I'o apan masingkattu lal᷊ummu manga inolaanne,

AYUB 10:7

Ṛinone I'o masingkatta wuṛṛu maatutukka, manungku i ya'u tawe sal᷊ane, arawe naṛṛino. I'o masingkatta manungku saran sangkatou tawe maatottolla manal᷊amatta si ya'u wuassu lima-Nu.

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

AYUB 31:22

ne wala'ewe ta'iakka ruan ba'a mapaddi na'oman sara mattal᷊ei wuassu wambangku.

DARALO 136:2

Paadiangkamante su Ruata Apan Atanggaṛṛanne; darangngu-Ne tawe panguddusanne.

DARALO 37:6

I Tou sarun mapal᷊iatta'u tatuṛṛunnu ere asasemakka, wuṛṛu pallal᷊agunu ere allo.

DARALO 40:9

I ya'u mal᷊uassa tuttuṛṛuta apulu-Nu, oh Ruata, tita-Nu ta'u sinahipunna sulal᷊ummu naungnga.”

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

DARALO 44:22

Ruata sarun maasingkata, ana waugu i Tou maatutukka addapingu naungngi yami.

DARALO 50:1

Daralon Asaf. Mawu, Ruata Apan Lembontaṛṛino, nabbisara, I Tou nassinaukka su ahewallu runia wuassu ra'i naddatingngu waṛṛatta.

DARALO 82:1

Daralon Asaf. Ruata uapiaṛṛa'u ammul᷊anna susi su surga, ana see i Tou lai nakkawessa;

DARALO 95:3

Ana waugu Mawu uddewe Ruata apan mawantuga, Ratu matohassa apan uataṛṛino su al᷊awo'u monganna.

DARALO 97:7

Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

YEREMIA 12:3

Arawe I'o, oh Mawu, masingka'u. I'o ma'asilo inolaangku, wuṛṛu I'o masingkattu ereapa apendammu naungku Si'o. Apira'e manga taumata lal᷊eo udde sumabbangnga, apira'e i mangitou ere domba su pamamototanna. Riagaite i mangitou maddatingngu tempone i mangitou ṛatanna.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

WATTI'U MANGA RASUL 1:24

See i mangitou inumal᷊iomanna. I mangitou nabbisara, “Mawu, I'o masingkattu naungngu awadaalla. Yudas suete niaddo wuassu manarane sangkatou rasul wuṛṛu see natete. Nariaddi pantingira'a si yami isai wuassu wallattu ruang katou indi apan pileannu Mawu onggol᷊annu manara ipallol᷊ossa si Yudas.”

WATTI'U MANGA RASUL 25:11

Amungkangngu i ya'u suete nilumawangnga tita wuṛṛu ma'ola'a inolaanna apan maaṛṛuumanna ma'oman sara pateanna, i ya'u mal᷊uassa pateanna. Arawe amungkangngu alae mangitou udde awusu, tawe saran sangkatou wotongnge manantillu riri'u si mangitou. I ya'u madorongnga parikisanna su saruannu mallaṛṛuungngu Kaisar!”

2 KORINTUS 11:11

Anio i ya'u mabbisara aroddi? Apa ana waugu i ya'u tawe mandangngu si yamiu? Ruata masingkata manungku i ya'u marangngu!

2 KORINTUS 11:31

Ruata, Iamangngu Mawu Yesus masingkata manungku i ya'u tawe mangawusu. Aranne raloanna saran mal᷊annu-l᷊annu.

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

YOSUA 22:21

Ana see manga taumatan ṛuanganni Ruben, i Gad wuṛṛu i Manasye su samba'a ra'i udde sinumimbakka,

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

1 SAMUEL 15:23

Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

1 SAMUEL 2:3

Illol᷊oa'e tal᷊imoṛṛongannu apan tawe loṛṛone! Insuete hattonu apan mawunga! Ana waugu Mawu udde Ruata apan lembon masingkatta; apan makkuungngu al᷊awo'u inolaannu taumata.