YOSUA 22:11 - WUKE SUSI WATTI'U AL᷊AL᷊USASSA

^11-12 Manga taumatan Israel waine naaringikka walahanna sandingananni mangitou nabbisara, “Manga taumata ṛuanganni Ruben, i Gad wuṛṛu ṛuanganni Manasye su samba'an ra'in Yordan suete napararisikku sambau mezbah su Gelilot maranin Sal᷊ukku Yordan su wageangngu leta'i ite!” Ne i mangitou sarangkanambone naammulla su Silo inai mamangalo manga ṛuangannu Israel su wageangngu ra'in Sal᷊ukku Yordan udde.

YOSUA 22:11 Iomraidhean Croise

YOHANES 1:28

Sarangkanambone udde nariaddi su Betania, samba'an ra'in Sal᷊ukku Yordan, su tampan Yohanes mannaṛṛani.

YOHANES 20:1

Su allo Misa ruaallo, su tempo ta'e marandumma, Maria Magdalena inaite watukku lal᷊abinganna. I tou naasilo watu laṛṛapingnge na'irute wuassu loṛṛangngu lal᷊abinganna udde.

YOHANES 20:12

see i tou naasilo ruang katou mala'ekatta uapedettu mawira. I mangitou udde ua'ianna su lanna'u winal᷊unannu Mawu Yesus, sangkatou su wageangngu pua, wuṛṛu waine lai su wageangngu ledda.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

YOSUA 2:7

Ne inaite manga daroloṛṛannu ratu udde nanantangu soa. Napawe i mangitou su liuddete, ngaran soa niṛṛuuda. I mangitou maddea'a ruan katou matataṛṛaso'o udde na'oman sara tatumbeanna su Sal᷊ukku Yordan.

YOSUA 22:10

Su tempo ṛuanganni Ruben, i Gad, wuṛṛu ṛuanganni Manasye su samba'an ra'in Sal᷊ukku Yordan udde na'omate su Gelilot – ta'e su samba'an baṛṛatu Sal᷊ukku Yordan – i mangitou napararisikku sambau mezbah apan bahewalla wuṛṛu maṛṛansanga maranin sal᷊ukka.

YOSUA 22:16

Ana see ringannu arannu anambon al᷊aṛṛana'u Mawu, i mangitou nabbisara su manga taumata wuassu ṛuanganni Ruben, i Gad wuṛṛu ṛuanganni Manasye udde, “Anio i yamiu na'ola'a inolaanna apan lal᷊eo indi su saruannu Mawu Ruatan Israel? Ringannu napararisikku mezbanu sassane, i yamiu nilumawangnga Mawu! I yamiu tate tumuṛṛutta manga parenta-Ne!

YOSUA 22:19

Amungkangngu wageangngu letangngu udde lal᷊eo wuṛṛu tawe su tampane olaanna tampan patataṛṛamawuanna su Mawu, pangingkate inawarendi su wageangngu leta'u Mawu, isindi pia Dasannu Mawu. Padorongke samba'a wuassu wageangngi yami, arawe ariete lumawangnga Mawu ara'e lumawangnga si yami manamban sambau mezbah waine, ewe'e piate mezbah Mawu Ruatan kite.

MAL᷊AṚṚUUNGNGA 12:5

Manga taumatan Gilead apan uapapangalo udde, namanua su tampa tatumbeanna su Sal᷊ukku Yordan, tadea'u wotongnge maasametta manga taumatan Efraim apan tumal᷊angnga. Su tempo sangkatou taumatan Efraim inaite tumal᷊angnga, maddoronga tumumbe, taumatan Gilead naiwal᷊o si tou, “Apa i'o taumatan Efraim?” Amungkangu i tou sumimbakka, “Wal᷊ine,”