YOSUA 20:9 - WUKE SUSI WATTI'U AL᷊AL᷊USASSA

⁹ Eteudde sarangkanambone manga soa tatal᷊anganna apan tinantunnu hunan anambon ṛuangannu Israel wuṛṛu lai su taumata raho apan uatana'a su pattangnganni mangitou. Suapan taumata apan namate taumata waine ringannu tawe nipattatudda, wotongnge maasomba aambangnga su manga soa udde wuassu aenggennu taumata apan ma'apulu mabbal᷊issa si tou; i tou tawe wotongnge pateanna amungkangu taambe niparikisanna su saruannu awadaalla.

YOSUA 20:9 Iomraidhean Croise

REENGANNA 35:13

Tantuna'e annumma soa pattillindumanna,

REENGANNA 35:15

Annumma soa udde mabbal᷊i soa pattillindummanni yamiu, taumatan Israel, wuṛṛu su taumata raho ara'e apan uatana'a suwallati yamiu. Isai-sai apan buatte namate taumata waine ringannu tawe nipattatudda, wotongnge tumal᷊angngu watanganne suwallatu sambau soa udde.

YOSUA 20:4

I tou wotongnge tumal᷊angnga su wallatu sambau wuassu manga soa udde; wuṛṛu inai su tampa pamarikisanna su ngaran soa wahewalla udde, ana see manal᷊a'a su manga piaṛṛangnge isudde apa apan buatte nariaddi. Manga piaṛṛangnge udde sarun mamalan tou sumutta su soa udde, wuṛṛu i tou onggol᷊annu tampa atatanaanne.

YOSUA 20:6

I tou wotongnge matana'a su soa udde ma'oman sara i tou buatte niparikisanna su saruannu awadaalla, wuṛṛu ma'oman sara taumata uaagassa Imam Bahewa su tempo udde mate. Wua'udde, wotongngete taumata udde mapul᷊e su ampungnga atatanaanne wuassuapa i tou tinumal᷊angnga.”

YOSUA 20:8

Su wageangngu ra'in Sal᷊ukku Yordan su penenteannu wadda'u anne samba'a ra'in Yerikho, i mangitou nanantunnu manga soa manansunna indi maola'a soa tatal᷊anganna: Soa Bezer su wageangngu leta'i Ruben, soa Ramot su Gilead su leta'a wageangngi Gad, wuṛṛu soan Golan su Basan, leta'a wageangngi Manasye.