YOSUA 20:3 - WUKE SUSI WATTI'U AL᷊AL᷊USASSA

³ Taumata apan namate taumata waine ringannu tawe nipatatudda, wotongnge tumal᷊angnga su soa udde tadea'u mal᷊iu wuassu taumata apan mabbal᷊issa inolaanne udde.

YOSUA 20:3 Iomraidhean Croise

2 SAMUEL 14:11

Wawine udde nabbisara, “Antimanna Tuangku umal᷊iomanna su Mawu Ruatan Tuangku, tadea'u taumata apan pia pandumma mabbal᷊issa apapaten ana'u allangngu udde arie ma'oman sara ma'ola'a al᷊al᷊eo apan ahewal᷊anne lai ringannu mamate ana'u apan ete sangkatou udde lai.” I Daud sinumimbakka, “Ringannu arannu Mawu apan biakka, anangngu udde tawe pitanna saran addio'a.”

REENGANNA 35:12

Su manga soa udde taumata sarun matammuda wuassu manga tuṛṛangngu taumata nipate apan ma'apulu mabbal᷊issa. Ana waugu taumata apan niansilanna namate taumata waine tawe wotongnge pateanna amungkangngu hattone taambe niparikisanna su mallaṛṛuungngu awada'alla.

REENGANNA 35:19

Manga tuṛṛangnga maranine wuassu taumata apan nipate udde wotongnge mapaamattu ṛuumanna pateanna udde. Amungkangngu i tou nasangkala iapa namate udde, i tou wotongnge mamate taumata udde.

REENGANNA 35:22

Arawe wotongnge mariaddi sangkatou ringannu tawe nipattatudda namate taumata waine apan tawe ipaddantinne, tanne ringannu namal᷊attu taumata udde ara'e ringannu nanuntungngu sambau saranapa si tou.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

YOSUA 20:2

nabbisara arendi su taumatan Israel, “I Ya'u buatte nandolokki Musa tadea'u i tou mamasingkata si yamiu su ola'u manga soa tatal᷊anganna, eteudde manga soa suapan taumata wotongnge tumal᷊angngu watanganne tadea'u maasomba pattillindumanna. Orassa indi pamilete manga soa udde.

YOSUA 20:4

I tou wotongnge tumal᷊angnga su wallatu sambau wuassu manga soa udde; wuṛṛu inai su tampa pamarikisanna su ngaran soa wahewalla udde, ana see manal᷊a'a su manga piaṛṛangnge isudde apa apan buatte nariaddi. Manga piaṛṛangnge udde sarun mamalan tou sumutta su soa udde, wuṛṛu i tou onggol᷊annu tampa atatanaanne.