YOSUA 2:4 - WUKE SUSI WATTI'U AL᷊AL᷊USASSA

^4-6 “Atonna pia taumata nirumanta su wal᷊e'u,” sasimbaki Rahab, “arawe i ya'u wagga i mangitou wuassuapa. I mangitou inaitearoddi tanginna su tempo pa'aillal᷊annu rua sangkatuṛṛangnga tantal᷊anna ngaran soa taambe niṛṛuuda. Wuṛṛu i ya'u tawe naiwal᷊o watukku apa amatanni mangitou, arawe amungkangu i mangitou mal᷊ihakka enggenanna, asinungka ta'e wotongnge aratinganna.” (Wutte'e i Rahab buatte namuni ngana dua matataṛṛaso'o udde niommboannu laṛṛami su pangketu wal᷊ene.)

YOSUA 2:4 Iomraidhean Croise

2 MARARATU 6:19

I Elisa nirumanta ringanni mangitou wuṛṛu nabbisara, “I yamiu nilamammiṛanne. Indi wal᷊ine soa apan raddeaanni yamiu. Wette tantalongke si ya'u, mantewe ta'u iuntudda ringannu taumata apan raddeaanni yamiu.” Ana see i Elisa nanguntuddi mangitou su Samaria.

SASABANGNGA 1:19

Itarua sinumimbakka, “Wawinen Ibrani wal᷊ine ere wawine Mesir. I mangitou mal᷊uassa atonna mangunsiwe. Tantal᷊anna biangnga taambe nirumanta, anangnge niasungkangke.”

YAKOBUS 2:25

Pa'ellega lai si Rahab, wawine masandaga udde. I tou tinarimmattu Ruata ringannu mapia ana waugu pallal᷊agune, eteudde su tempo i tou nanarimmattu matataṛṛa so'o taumatan Israel su wal᷊ene wuṛṛu nantul᷊ungi mangitou tinumal᷊angnga su lal᷊anna waine.

YOSUA 2:3

E ratu nandolokku taumata ringanni Rahab niapapasingkattu parenta indi, “Paasabanga'a manga taumata apan ua'iantal᷊a su wal᷊enu udde. Ete i mangitou matataṛṛaso'o apan nirumanta mamarikissa ahewallu leta'u Yerikho!”

YOSUA 6:17

Ahewallu soa ma'oman sara lal᷊oṛṛone ṛinone ṛimunsaanna tawe lambene maola'a sambau sasamba su Mawu. Tumba'u i Rahab wawine masandaga udde wuṛṛu lal᷊oṛṛon bal᷊ene niwala wiakka, ana waugu i tou buatte nantul᷊ungngu matataṛṛaso'on kite.

YOSUA 6:25

Arawe i Rahab wawine masandaga udde ringannu amonanne niwalan Yosua, wiakka, ana waugu i tou buatte nantulungu ruan katou matataṛṛaso'o apan nirolokki Yosua watukku Yerikho. (Na'oman sara allo indi papapulunni Rahab ta'e uatana'a su Israel.)