YOSUA 2:24 - WUKE SUSI WATTI'U AL᷊AL᷊USASSA

²⁴ Wua'udde i mangitou nabbisara, “Atonna Mawu nangonggolu ahewallu wanua udde si ite; manga taumata poiaroddi matta'utti ite.”

YOSUA 2:24 Iomraidhean Croise

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

AMSAL 25:13

Daroloṛṛanna apan matuṛṛutta, maal᷊uassa mandarolokke, naal᷊ihidda ua'e masunge su mangangitingnga wailla.

YOSUA 1:8

Wuken tita udde ṛinone masokka iwasanu su al᷊aṛṛana'-U. Wasa'e wuke udde allo wuṛṛu ṛabbi, tadea'u i'o sidutu tuttuṛṛuta manga tita apan uawoṛṛetta sul᷊alumme. Amungkangu i'o tuttuṛṛuta sarangkanambone udde, ne wiakku sarun mal᷊uassa wuṛṛu maaola'a sarangkanambone.

YOSUA 2:23

Ana see ruan katou matatarṛṛaso'on Israel udde sinumossokke wuassu panenteanna wuṛṛu tinumumbete sal᷊ukka, wua'udde nabelengnga ringanni Yosua. Sarangkanambone apan nariaddi sitarua niwatti'a si tou.

YOSUA 5:1

Anambon ratun Amori su samba'an baṛṛatu Sal᷊ukku Yordan, wuṛṛu anambon ratun Kanaan su winggin Tahal᷊oangngu Tangngane naaringikka manungku Sal᷊ukku Yordan niapaamara Mawu al᷊annune ṛuangannu Israel tuttumbe sal᷊ukka udde. Ne i mangitou nata'utta wuṛṛu nangilladda waugu taumatan Israel.

YOSUA 6:2

Mawu nabbisara si Yosua, “Orassa indi Ta'u itantilla si'o Yerikho wuṛṛu ratune wuṛṛu manga tantarane apan baṛṛani udde.

YOSUA 8:1

Mawu nabbisara si Yosua, “Ammul᷊a'e tantaranu wuṛṛu roote ringanni mangitou watukku Ai. Arie suminggawanga wuṛṛu arie mata'utta! I Ya'u sarun mangonggolu auntunganna si yamiu su ratun Ai. Tumanangnge, soane wuṛṛu wanuane sarun Ta'u anuanna.

MAL᷊AṚṚUUNGNGA 1:2

Mawu sinumimbakka, “Walahanni Yehuda. I mangitou buatte nionggol᷊annu taṛino iapaaṛo wanua udde.”

MAL᷊AṚṚUUNGNGA 7:9

Ṛabbi udde Mawu nabbisara si Gideon, “Apu'ote, Gideon! Inaite pamangalo paddasanannu taumata Midian. I Ya'u sarun mapaauntungi yamiu wuassi mangitou.