YOSUA 2:19 - WUKE SUSI WATTI'U AL᷊AL᷊USASSA

¹⁹ Amungkangu su wallati mangitou piaddu sumabbanga wuassu wal᷊en indi wuṛṛu nate niapate, papatene udde sal᷊ane sassane; yami waggan hatto udde. Arawe amungkangu piaddu nasilaka sulal᷊ummu wal᷊en indi, udde singkatteng kami.

YOSUA 2:19 Iomraidhean Croise

2 SAMUEL 1:16

I Daud nabbisara taumatan Amalek udde, “I'o sassane apan nangema'u ṛuumanna pateanna indi su ririnu ringannu nanga'u manungku ratu apan nipilen Mawu buatte nipatenu!”

2 SAMUEL 4:11

Lembon awakkatanne lai ṛuumanna apan sarun ta'u iema'a su taumata lal᷊eo apan buatte namate taumata tawe sal᷊ane wuṛṛu tantal᷊anna mattiilla su wal᷊ene sassane! Orassa indi ya'u mabbal᷊issa si'o su ola'u pamamate udde, wuṛṛu manginsue si yamiu wuassu wowon dunia indi!”

1 MARARATU 2:32

Mawu sarun makkuumanni tou ana waugu pamamate apan buatte niolangnge ringannu awaganannu iamangku. I Abner tembonannu tantaran Israel, wuṛṛu i Amasa tembonannu tantaran Yehuda, itarua tawe sal᷊ane. Itarua mappianne wuassi Yoab sassane, arawe i tou namate sitarua.

SASABANGNGA 12:13

Daṛṛa su ngaran bal᷊enu sarun maola'a tiala wuassu manga wal᷊en atatanaannu. Amungkangngu i Ya'u maasilo daṛṛa udde, i yamiu Ta'u sabbianna wuṛṛu tawe pateanna su tempo i Ya'u makkuumannu Mesir.

SASABANGNGA 12:22

Panganute lai samba'issa hisop, ammoa'a sulal᷊ummu mangko apan lal᷊oṛṛoannu daṛṛa domba udde, ana see wuṛṛa'a su darua sal᷊aba'u ngara wuṛṛu pua ngara al᷊iurosone wuassu wal᷊enu. Maddatingngu marua'allo imbaṛṛangnga pia sangkatou su wallati yamiu manantangngu wal᷊en.

SASABANGNGA 12:23

Su tempo Mawu mamal᷊intaddu wanua indi mamate manga taumata Mesir, Mawu sarun ma'elega daṛṛa su sal᷊aba'u wuṛṛu su pua ngaran bal᷊enu; ne i Tou sarun sumabbi wuṛṛu tawe mamalan Mala'ekattu Papate sumutta su wal᷊enu wuṛṛu mamate si yamiu.

IMAMATTA 20:11

Sangkatou esakka apan natatamba ringannu sangkatou awingngu iamangnge, nangaṛṛo pussa'an hakku iamangnge. Esakka wuṛṛu wawine udde ṛinone iṛṛuumanna pateanna. Itarua nate ana waugu pasasalan tarua sassane.

IMAMATTA 20:9

Mawu nangonggolu manga atoranna indi, “Taumata apan mammontoga iamangnge ara'e inangnge ṛinone iṛṛuumanna pateanna. I tou nate ana waugu sal᷊ane sassane.

MATIUS 24:17

Taumata apan roso su wowon atuppu wal᷊e, arie pasossokka manganu sarannapa sulal᷊ummu wal᷊e.

WATTI'U MANGA RASUL 18:6

Arawe ana waugu manga taumata sidutu mannompolla wuṛṛu mangngal᷊uandaga si tou, ne i Paulus nangesogen awu wuassu laungnge, maola'a sambau pananaunganna si mangitou su pasasal᷊a mangitou. I tou nabbisara, “Amungkangngu i yamiu nasilaka, sal᷊anu sassane! I ya'u waggate! Manattakka orassa indi ya'u inaite ringannu manga taumata apan wal᷊ine Yahudi.”

WATTI'U MANGA RASUL 20:26

Ana waugu udde ringannu atonna i ya'u mabbisara si yamiu allo indi manungku amungkangngu su wallatti yamiu apan piaddu mate, udde wal᷊ine sal᷊a'u.

WATTI'U MANGA RASUL 27:31

Arawe i Paulus nabal᷊o su perwiran tantara wuṛṛu manga tantara su apalla udde, “Amungkangngu mammanarang apalla indi tawe matana'a su apalla, manga tuṛṛangnga sarangkanambone tawe masal᷊amatta.”

FILIPI 3:9

wuṛṛu atonna-tonna uaaukka ringanni Tou. Pasasambau apan mapia ringannu Ruata tate ta'u manaranna sassane, ringannu tuttuṛṛuta titan agama. Orassa indi ya'u pia paa'aukka apan mapia ringannu Ruata, ana waugu i ya'u mangngimanna si Kristus. Nariaddi, paa'aukka apan mapia udde darantane wuassu Ruata, wuṛṛu pinangiannne ana waugu mangngimanna si Yesus Kristus.

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

YOSUA 2:12

I ya'u mangantima i yamiu mappulu massalu sulal᷊ummu aran-Ne manungku i yamiu sarun ma'ellega amonangku ringannu mapia ere lai ta'u niola'a si yamiu Pa'irete manungku hagurangku, tuṛṛa-tuṛṛangku wuṛṛu anambon amonanni mangitou tawe pateanni yamiu, arawe lu'aranni yamiu wuṛṛu ṛingannu udde onggol᷊eten sambau wataṛṛune manungku i yamiu wotongnge apangimanangku!”

YOSUA 2:14

Ne itarua sinumimbakka, “Iambua maddiandi manungku napawe Mawu manantilu wanua indi si yami, yami sarun ma'ola'a si yamiu ringannu mapia, sawal᷊iate i'o tawe mabatti'a sisai-sai su ola'i yami. Wala'e Mawu mamontoga si yami amungkangu yami tawe manipussu pa'aire udde.”

YOSUA 2:20

Arawe, amungkangu i yamiu namasingkati yami su taumata, ne yami tate aiitannu pa'aire apan nirorongannu wussi yami.”