YOSUA 2:18 - WUKE SUSI WATTI'U AL᷊AL᷊USASSA

¹⁸ Tumba'u indi apan ṛinone olaannu. Amungkangu yami mamangalote wanuanu, ṛinone i'o mangiitu tal᷊i maṛṛamu su sungketa indi su tampa iambua nisossoka. Hagurangngu, tuṛṛa-tuṛṛangu anambon ṛuangannu amonannu iamangu ṛinone iammula su wal᷊enu indi.

YOSUA 2:18 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 7:1

Ana see Mawu nabbisarate si Nuh, “I ya'u naasilo manungku tumba'u i'o sangkatou apan tuttuṛṛutta apulu-U. Nariaddi, suttate sulal᷊ummu apalla udde suadio'a ringannu anambon amonannu.

ESTER 8:6

Ereapa wotongnge allangnga ma'ellega walahanna wuṛṛu manga tuṛṛangngu allangnga masue ṛatanna?”

SASABANGNGA 12:13

Daṛṛa su ngaran bal᷊enu sarun maola'a tiala wuassu manga wal᷊en atatanaannu. Amungkangngu i Ya'u maasilo daṛṛa udde, i yamiu Ta'u sabbianna wuṛṛu tawe pateanna su tempo i Ya'u makkuumannu Mesir.

ANTARI MAWANTUGA 4:3

Wiwikku naal᷊ihidda sambua pita maṛṛamutta, wuṛṛu maṛṛansangnga moṛṛongngu. Wambalanu naal᷊ihidda wuan delima niwa'a, uawuni sulal᷊ummu tatindungngu.

IMAMATTA 14:4

imam mandolokki tou mangapiddu darua manu'u winalanganna apan ta'e wiakka wuṛṛu tawe ipappalli, ringannu sampoto alu cemara, sambua tal᷊i maṛṛamu wuṛṛu sandanna hisop.

REENGANNA 19:6

Wua'udde imam ṛinone manganu addio'a alu aras wuṛṛu tal᷊i maṛṛamu sambua, ana see ituntungnga sulal᷊ummu putungnga apan tantal᷊anna mannutungnga sapi maṛṛamu udde.

REENGANNA 4:8

I mangitou ṛinone manaappa sarangkanambone udde ringannu sambau mal᷊aṛṛenessa maṛṛamu, ana see mamataddu sangkul᷊appa pisi al᷊ussa su wowone, wuṛṛu manuṛṛin alu papasannu medda udde.

LUKAS 19:9

See Mawu Yesus nabbisara, “Su allo indi i'o wuṛṛu lal᷊oṛṛon bal᷊enu maasomba asasal᷊amatta wuassu Ruata wuṛṛu onggol᷊annu wiakka apan bakku, ana waugu i'o lai papapulunni Abraham.

WATTI'U MANGA RASUL 10:27

Tantal᷊anna uahahatton Kornelius, i Petrus sinumutta sulal᷊ummu wal᷊e. Isudde i tou naasilo manambote taumata uaammulla.

WATTI'U MANGA RASUL 10:33

Ana waugu udde i ya'u nasasaṛṛawutta nandolokku taumata inai namaggo si Tuangnga. Wuṛṛu i Tuangnga naungnge mapia atonna nirumanta isindi. Orassa indi yami nambo uaammulle isindi su saruannu Ruata madaringikka apa apan niapasilon Ruata si Tuangnga iapa'asingkatta si yami.”

WATTI'U MANGA RASUL 11:14

I tou sarun mamasingkatta si'o watti'a apan ma'asal᷊amatta si'o wuṛṛu lal᷊oṛṛon bal᷊enu.’

2 TIMOTIUS 1:16

Arawe lal᷊oṛṛon bal᷊en Onesiforus masokkate malluassa naungku. Doronganna Mawu mapaal᷊iatta'u darangngu-Ne si mangitou. Salaiwe i ya'u sulal᷊ummu tuttupanna, Onesiforus tawe masilin inolaangku udde.

IBRANI 9:19

Paarorone atonna i Musa namasingkatu anambon titan Ruata su walahannu Israel. Wua'udde i Musa nanganu ṛaṛṛan ana'u sapi wuṛṛu ṛaṛṛang kambinga esakka, see nillo'annu ua'e, wua'udde nialassa su Wuke Manga Titan Ruata wuṛṛu su anambon walahannu Israel ringannu nappaattu nannal᷊o hisop wuṛṛu wambul᷊un domba lihidde ere ate.

YOSUA 2:21

I Rahab mappuluten olangnge udde ana see namalaten tarua niumamatta. Wua'udde i tou nangiittu tal᷊i maṛṛamu udde su sungketu wal᷊ene.

YOSUA 6:23

Ne ruan katou matataṛṛaso'o udde inaite, wuṛṛu nangapiddi Rahab wuṛṛu hagurangnge, see lai tuṛṛa-tuṛṛange wuṛṛu ṛuangannu amonanne apan baine. Anambon amonanni Rahab udde wuṛṛu manga allange niapidda su liudde su tampa apan mal᷊annaba marani paddasanannu Israel.

YOSUA 6:25

Arawe i Rahab wawine masandaga udde ringannu amonanne niwalan Yosua, wiakka, ana waugu i tou buatte nantulungu ruan katou matataṛṛaso'o apan nirolokki Yosua watukku Yerikho. (Na'oman sara allo indi papapulunni Rahab ta'e uatana'a su Israel.)