YOSUA 2:11 - WUKE SUSI WATTI'U AL᷊AL᷊USASSA

¹¹ Aroddi yamiu naaringkka manga watti'a udde, yami mangke nata'utta. Anambon taumatan kami nawul᷊i awawaṛṛanine ana waugu i yamiu. Mawu Ruatanu atonna Mawu Ruata Apan Lembon Taṛṛino su langitta wuṛṛu su runia.

YOSUA 2:11 Iomraidhean Croise

1 MARARATU 8:60

Ringannu aroddi al᷊awo'u walahanna su runia sarun maasingkatta manungku tumba'u Mawu sassane Ruata, tawe baine.

2 MARARATU 5:15

Ana see i tou wuṛṛu anambon mallal᷊aṛenggene nabelengke ringanni Elisa. “Orassa indi ya'u masingkatte,” unni Naaman si Elisa, “manungku su ahewallu runia tumba'u pia sambau Ruata, eteudde Ruata apan sassubbannu taumatan Israel. Ana waugu udde, antimanna i Tuanga manengkamma aonggola wuassia'u.”

NEHEMIA 6:16

Sutempo manga seetti yami suwallattu manga walahanna maranine isudde naaringikka olangnge udde, i mangitou matta'utta awul᷊iannu hati, ana waugu anambon taumata masingkatta manungku manara udde niola'a ringannu tul᷊ungannu Ruata.

ESTER 8:17

Wuṛṛu lai suapan soa see propinsi, su al᷊awo'u tampa suratta parentan datu niwasa, manga taumatan Yahudi lullala'a, mallal᷊umanna'a wuṛṛu naandeangnga. Ewe'e lai manambo wuassu tumana'a apan naola'a walahannu Yahudi, ana waugu i mangitou matta'uttu walahanna udde.

DARALO 102:15

Ana waugu manga allang-Ngu mandangngu si tou, salaiwe i tou nabbal᷊ite nallambe manga tuidda. I mangitou u'akkanni tou, salaiwe i tou nabbal᷊ite awu.

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

DARALO 58:7

Oh Ruata, paddite manga isin mangitou, sawutte isin manga singa saṛṛen tumuwo udde, Mawu.

DARALO 83:18

Wala'ewe i mangitou sarangkal᷊o'engnge pansilianna wuṛṛu matta'utta, wala'ewe i mangitou mate sulal᷊ummu asasili.

SASABANGNGA 15:14

Manga walahanna naaringikka wuṛṛu mangngindo; taumatan Filistin wuṛṛu manga piaṛṛa'u Edom nata'utta. Taumatan Moab apan matohassa mangngiladda, taumatan Kanaan naungnge naadio'a.

YESAYA 13:7

Suapan taumata sarun maapendamma lome limane wuṛṛu awul᷊iannu awawaṛṛanine.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

YEHEZKIEL 21:15

I tou na'ola'a walahang-Ku matal᷊o wuṛṛu maddamangnga iattara. I Ya'u namansaggu soa mangitou ringannu hal᷊ele udde apan lullendappa ere sawallo, wuṛṛu nasaddiate mamate.

NAHUM 2:10

Niniwe naṛṛimunsa'e, mal᷊annabba wuṛṛu nal᷊ol᷊okka. Naungnga nabbal᷊i maammi ana waugu matta'utta. Wantiṛṛanna nabbal᷊i lome wuṛṛu mangngindo. Ne anambon taumata nabbal᷊i namikkassa mawira-wira.

TAHIUL᷊E 1:28

Nariaddi, ipa'ura i ite mai poiaroddi? Manga taumata apan nirolokki ite poiaroddi ewe'e naata'utta si ite ringannu nabbal᷊o manungku walahanna udde mattohasanna wuṛṛu mabbaṛṛanianna wuassi ite, wuṛṛu manungku i mangitou uatana'a su manga soa pia darandungnge atanggakke sara langitta. I mangitou naasilo wawalla poiaroddi!’

TAHIUL᷊E 20:8

Manga tembonannu tantara lai ṛinone mamasingkattu indi si yamiu, ‘Apa suwallati yamiu pia taumata apan itattangngone wuṛṛu matal᷊o? Amungkangngu pia, i tou wotongngete mapul᷊e, tadea'u i tou tawe maaurangnga naungngu taumata wal᷊ine.’

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.

YOSUA 14:8

Manga taumata apan uarundinganna si ya'u, naata'utta ṛuangannu Israel. Arawe i ya'u sidutu uatatana'a tuttuṛṛuta Mawu Ruata'u.

YOSUA 2:24

Wua'udde i mangitou nabbisara, “Atonna Mawu nangonggolu ahewallu wanua udde si ite; manga taumata poiaroddi matta'utti ite.”

YOSUA 5:1

Anambon ratun Amori su samba'an baṛṛatu Sal᷊ukku Yordan, wuṛṛu anambon ratun Kanaan su winggin Tahal᷊oangngu Tangngane naaringikka manungku Sal᷊ukku Yordan niapaamara Mawu al᷊annune ṛuangannu Israel tuttumbe sal᷊ukka udde. Ne i mangitou nata'utta wuṛṛu nangilladda waugu taumatan Israel.

YOSUA 7:5

Manga taumatan Ai nangenggena si mangitou wuassu ngara pasallangannu Soan Ai, na'oman sara leta'u Syebarin, ana see iraṛṛangngo namate tallu pul᷊o annumma su atoune su wallati mangitou su welen wuidda. Ne manga taumatan Israel sussinggawangke wuṛṛu matta'utta.

YOSUA 9:24

I mangitou sinumimbakka, “Yami nangawusu aroddi ana waugu yami naaringikka manungku Mawu Ruata apan sassubbanni Tuanga udde buatte nandolokki Musa, allang-Nge udde, nangonggola si Tuangnga ahewallu wanua indi wuṛṛu iapapate anambon tumanange su tempo i Tuanga manganu leta'a udde. I yami mangke matta'utta amungkangu i yami lai pateanna, ana waugu udde i yami na'ola'a sarangkanambone udde.

SONDAPPA 6:16

Su manga wowone wuṛṛu su manga watu udde, i mangitou u'ui, “Aema'e si yami! Wunia'awe i yami wuassu aellegi Tou apan ua'ianna su adderan araratuanna, wuṛṛu wuassu asasa'un Ana'u Domba udde!