YOSUA 18:8 - WUKE SUSI WATTI'U AL᷊AL᷊USASSA

⁸ Ne i Yosua nangonggolu manga tatantiro indi su manga taumata udde, “Roote pa'ellega ahewallu wanua indi ola'ete hambarannu manga passaranne; wua'udde rantate pabelengnga apia ringangku. Mantewe i ya'u mangundi isindi su Silo tadea'u maasingkatta apa apan itantunnu Mawu si yamiu.” Napawe naasengkampe manga tatantiro udde wuassi Yosua, i mangitou inaite namarikissa leta'a udde.

YOSUA 18:8 Iomraidhean Croise

PANDARIADDI 13:17

Orassa indi, pal᷊intara'e ahewallu leta'a indi, ana waugu ya'u mangonggollu udde si'o.”

YESAYA 34:17

Ete Mawu apan nattahia wanua udde suwallatti mangitou wuṛṛu sambau-sambau nanengkamma tahiane. I mangitou sarun matana'a isudde sarangkal᷊o'enge, wuṛṛu leta'a udde sarun maola'a pussa'a mangitou marṛana'a mappulunna.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

YOSUA 13:7

Nariaddi, orassa indi tahiate leta'a udde su ṛuanganna sio su lal᷊ummu walahannu Israel, wuṛṛu sambageanganna wuassu ṛuanganni Manasye, tadea'u udde maola'a leta'a pussa'a mangitou.”

YOSUA 15:1

Manga amonanna wuassu ṛuanganni Yehuda nanarimmattu wageangngu leta'a apan passaranne ere manansunna indi: Su samba'an timukka, wageangngu leta'a udde uawannadda ma'oman sara pentakku timukka, su wageangngu leta'u wadda'u Zin su passarannu Edom;

YOSUA 18:1

Napawe naapangaṛṛote wanua apan pina'iren Mawu, su taumatan Israel sarangkanambone naammula su Silo, ana see i mangitou napararisikku Rasanna Darantan Mawu.

YOSUA 18:10

Ana see i Yosua nangundite tadea'u maasingkatta apa apan tinantunnu Mawu si mangitou. Wua'udde i Yosua nangonggolu leta'a su manga ṛuangannu walahannu Israel apan taambe naasomba tahian leta'a.

YOSUA 18:6

Hambarannu manga passarannu pitu wageangngu leta'a udde ṛinone olaanna wuṛṛu itantilla si ya'u. Ya'ute mangundi tadea'u maasingkatta apa apan itantunnu Mawu Ruata si yamiu.

YOSUA 18:9

Ahewallu wanua udde niamatanni mangitou ana see namoṛṛettu manga passarannu pitu wageangngu leta'a udde see lai namoṛṛettu manga soa apan addone su lal᷊umme. Wua'udde i mangitou nabelengnga ringanni Yosua su paddasananna su Silo.

1 SAMUEL 14:41

Wua'udde i Saul niumal᷊iomante, “Mawu, Ruatan Israel, anio allo indi I'o tawe sinumimbakka aal᷊iomangku? Mawu simbakke si ya'u wuassu manga watu apan susi indi. Amungkangu pasasal᷊a udde naṛṛina si ya'u ara'e si Yonatan, simbakke ringannu watu Urim, arawe amungkangu pasasal᷊a udde su al᷊aṛṛanang-Ngu Israel, simbakke ringannu watu Tumim.” Ne sasimbakku Mawu nata'e si Yonatan wuṛṛu si Saul; ringannu aroddi tumanangnge tawe sal᷊ane.