YOSUA 18:25 - WUKE SUSI WATTI'U AL᷊AL᷊USASSA

^25-28 Wuṛṛu lai mapul᷊o appata soa manansunna indi ringannu manga ampungnga maranine: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (eteudde Yerusalem), Gibea wuṛṛu Kiryat-Yearim. Eteudde manga leta'a apan niwalungnga su manga amonanna su lal᷊ummu ṛuanganni Benyamin apan maola'a pussa'a mangitou.

YOSUA 18:25 Iomraidhean Croise

2 SAMUEL 2:12

Su allo sambau i Abner inaite wuassu Mahanaim watukku soan Gibeon, tatantalongannu tantaran Isyboset.

1 MARARATU 15:17

I Baesa namangalo Yehuda wuṛṛu nanohassa soan Rama tadea'u ipaṛṛapinga lal᷊anna sabbanganna wuṛṛu suttanna su Yehuda.

1 MARARATU 9:2

Mawu naipasilon batangan-Ne apia si tou ere buatte nariaddi su Gibeon.

1 TAWARIKH 8:29

Yeiel napararisikku soa Gibeon, ana see natana'e isudde. Awingnge aranne i Maakha,

NEHEMIA 11:33

Hazor, Rama, Gitaim,

YESAYA 10:29

I mangitou buatte sinumabbi pallal᷊iuanna wuṛṛu nanaṛṛabbi su Geba! Tumana'u soan Rama nata'utta, wuṛṛu tumana'u Gibea, soan Ratu Saul, tinumal᷊angken batanganne.

YESAYA 28:21

Mawu sarun dumarisikka ere su Wowone Perazim. I Tou sarun mamangalo ere su Wawal᷊annu Gibeon huna mapaamattu panduman-Ne, pandumanna apan maatiangnga taumata! I Tou sarun ma'ola'a manara-Ne apan maaherangnga.

YEREMIA 31:15

Mawu nabbisara, “Su Rama niaringiṛṛanna tingikku lal᷊allu, wuṛṛu auare apan tatilla'upannu asasusa. I Rahel lulluain anangne, i tou tawe al᷊imbatanna ana waugu mangitou tate baddi'a.

MATIUS 27:57

Ṛabbi udde nirumantate sangkatou taumata ala wuassu Arimatea, aranne i Yusuf. I tou lai sangkatou mallal᷊aṛṛenggennu Mawu Yesus.

YOSUA 10:2

Tumana'u Yerusalem mangke matta'utta, ana waugu Gibeon udde soa wahewalla; ahewalle uasul᷊ungngu manga soa apan pia ratune, ewe'e lai maggewal᷊anna wuassu Ai. Manga taumatane lai uddewe atumannaṛṛanne apan masingkatta mapapangalo.

YOSUA 19:29

Wua'isudde akkitu passaranna mabeṛṛo watukku Rama masal᷊a maddatingngu Soa Tirus, eteudde sambau soa apan pia tatandange; wua'udde akkitu passaranna mabeṛṛo apia watukku Hosa ana see masue su Tahal᷊oangnga Tangngane. Su lal᷊ummu manga passaranna udde nasutta lai Mahalab, Akhzib,

YOSUA 7:17

Ana see Yosua nandolokku ṛuanganni Yehuda inai watukku saruanne, passangkamonanna, wuṛṛu ete ṛuanganni Zerah niata'eanne. Wua'udde ṛuanganni Zerah nirolokka inai watukku saruanne, ual᷊al᷊ol᷊ossa passangkamonanna, laloṛṛon bal᷊en Zabdi niata'eanne.

YOSUA 9:3

Arawe manga taumatan Gibeon wuassu walahanni Hewi naaringike inolaanni Yosua su Yerikho wuṛṛu Ai.

MAL᷊AṚṚUUNGNGA 19:12

Arawe mawune sinumimbakka, “Tawe! I ite tawe mangillol᷊o sutampa apan tumanangnge wal᷊ine taumatan Israel. Wette i ite manassukku amatanna addio'a lai wuṛṛu manaṛabbite su Gibea ara'e Rama.”

1 SAMUEL 1:1

Pia sangkatou esakka, aranne i Elkana, wuassu ruanganni Efraim. I tou uatana'a su soa Rama, su leta'u panenteannu Efraim. Elkana udde ana'i Yeroham wuṛṛu pulunni Elihu. I tou nasutta amonanni Tohu, papapulunni Zuf.

1 SAMUEL 1:19

Tiṛṛabbine marua'allo i Elkana wuṛṛu amonanne napu'ote maṛṛanggappa, wuṛṛu napawe buatte nattaṛṛamawu su Mawu, i mangitou napul᷊ete watukku Rama. Ne i Elkana natatambaten Hana, awingnge udde.