YOSUA 18:21 - WUKE SUSI WATTI'U AL᷊AL᷊USASSA

^21-24 Manga soa apan tatahuanannu manga amonanna su lal᷊ummu ṛuanganni Benyamin, soa sarangkanambone mapul᷊o dua ringannu manga ampungnga maranine, eteudde: Yerikho, Bet-Hogla, Emek-Kezis, Bet-Araba, Zemaraim, Betel, Haawim, Para, Ofra, Kefar-Haamonai, Ofni wuṛṛu Geba.

YOSUA 18:21 Iomraidhean Croise

1 MARARATU 3:4

Tampa patataṛṛamawuanna apan lembon tinumelengnge poi su Gibeon. I Salomo masokka mangonggollu sasamba poiaroddi. Su allo sambau, ere inanaramanne, i tou inaite poiaroddi apia.

YEHEZKIEL 48:23

Leta'a su samba'a timukka wuassu leta'a niṛṛae udde, eteudde ionggolla su manga ṛuanganna waine. Ahewallu leta'a udde manattakka wuassu passarannu ra'i maddatingngu samba'a waṛṛatta masal᷊a watukku Tahal᷊oangnga Tangngane, wuṛṛu nitahia tumuṛṛuttu atokke indi wuassu sawannakka maddatingngu timukka: i Benyamin i Simeon i Isakhar i Zebulon i Gad

LUKAS 10:30

Mawu Yesus sinumimbakka, “Pia sangkatou esakka sinumossokka wuassu Yerusalem watukku Yerikho. Su tangngan dal᷊anna i tou niampangannu maṛṛarampassa, niaṛṛo al᷊awo'u darotongnge, nipuulla na'oman sara maranite mate, see tinantangnga ual᷊allowangnga su lal᷊anna ringannu nal᷊al᷊essa.

LUKAS 19:1

Napawe Mawu Yesus na'omate su Yerikho, i Tou nanassukku amatanne sinumabbi soa udde.

YOSUA 15:6

suma'a watukku Bet-Hogla, wua'udde masal᷊a watukku passarannu Wawal᷊annu Yordan. Wua'isudde passarannu sawannakka udde masasukka suma'a watukku sawannakka ma'oman sara su Watu Bohan (Bohan eteudde ana'i Ruben),

YOSUA 18:12

Su samba'a sawannakka, manga passarannu leta'i mangitou manattakka wuassu Sal᷊ukku Yordan, ana see suma'a su sendekke samba'an sawannakku Yerikho, wua'udde watukku waṛṛata sumabbi panenteanna ma'oman sara araune su wadda'u Bet-Awen.

YOSUA 18:19

sumabbi sawannakku manga wawal᷊annu wowon Bet-Hogla, wuṛṛu masue su wageangngu sawannakku Tahal᷊oangnga Nate su mamoṛṛongannu Sal᷊ukku Yordan. Eteudde passaranne su samba'an timukka.

YOSUA 18:20

Sal᷊ukku Yordan naola'a passaranna su samba'an timukka. Etearoddi manga passarannu leta'a apan niwalungnga su manga ṛuanganna su lal᷊ummu ṛuanganni Benyamin apan maola'a pussa'a mangitou.

YOSUA 2:1

Wua'udde wuassu paddasananna su Sitim, i Yosua nanddolokku ruan katou matataṛṛaso'o watukku Kanaan. Itarua nirolokka iapaparikissa wanua Kanaan ringannu ma'imbuni, nangillembo lai su soan Yerikho. Ne inaite itarua watukku soa, wuṛṛu nanaṛṛabbi su wal᷊en sangkatou wawine masandaga, aranne i Rahab.

YOSUA 6:1

Su soan Yerikho manga ngara pasellanganna rariagante ringannu matohassa wuṛṛu niṛṛuudda masaga-sagada tadea'u taumatan Israel tawe maasutta. Tawe saran sangkatou apan iwala sumutta ara'e sumabbanga su soa udde.

MAL᷊AṚṚUUNGNGA 1:16

Papapulunnu iamangngu la'iananni Musa, eteudde manga taumatan Keni, tinumantalonga taumatan Yehuda sinumabbanga wuassu Yerikho, soam kurma, wuṛṛu inaite watukku wageangngu leta'a apan maṛṛasa alu su samba'an timukku Arad su Yehuda. Poiaroddi i mangitou namanua suwallatu walahannu Amalek.