YOSUA 17:4 - WUKE SUSI WATTI'U AL᷊AL᷊USASSA

⁴ I mangitou inaite ringanni Imam Eleazar, i Yosua ana'i Nun see lai manga piaṛṛangnge, wuṛṛu nabbisara, “Mawu namasingkatta si Musa manungku yami lai ṛinone maasomba wuatta leta'a ere lai manga tuṛṛangngi yami esakka.” Ana waugu udde, nassul᷊ungngu parenta Ruata, manga ana'i Zelafehad wawine udde nionggol᷊annu leta'a su sambau ringannu manga tuṛṛangngi mangitou esakka.

YOSUA 17:4 Iomraidhean Croise

REENGANNA 27:1

I Zelafehad pia siri lima ana'a wawine, eteudde i Mahla, i Noa, i Hogla, i Milka wuṛṛu i Tirza. Iamangngi Zelafehad eteudde i Hefer, iamangngi Hefer eteudde i Gilead. Iamangngi Gilead eteudde i Makhir, iamangngi Makhir eteudde i Manasye, wuṛṛu iamangngi Manasye eteudde i Yusuf.

REENGANNA 27:4

Arawe anio aranne ṛinone mawul᷊i wuassu walahannu Israel tumba'u ana waugu i tou tawe papapulunna esakka? Yami onggol᷊ewe leta'a pussa'a suadio'a ringannu manga tuṛṛangngu iamangngi yami.”

REENGANNA 36:10

Nariaddi uasul᷊ungngu parentan Mawu si Musa, siri lima ana'i Zelafehad wawine udde, eteudde i Mahla, i Tirza, i Hogla, i Milka wuṛṛu i Noa na'awingngu manga taumata apan ta'e tuṛṛangnga wuassu iamangnge.

GALATIA 3:28

Sulal᷊ummu olangnge indi tate lai paṛṛalane su wallatu taumatan Yahudi wuṛṛu taumata wal᷊ine Yahudi, su wallatu allangnga wuṛṛu tawe allangnga, su wallatu esakka wuṛṛu wawine. I yamiu sarangkanambone sambau ana waugu Kristus Yesus.

YOSUA 14:1

Manansunna indi eteudde watti'a su ola'u ereapa wanua Kanaan su samba'an baṛṛatu Sal᷊ukku Yordan nitahia su ṛuangannu Israel. Nattahia leta'a udde su ṛuangannu Israel eteudde i Imam Eleazar, i Yosua ana'i Nun, wuṛṛu manga tembonannu amonanna su lal᷊ummu manga ṛuangannu Israel.

YOSUA 17:5

Nariaddi, wal᷊ine tumba'u papapulunnu esakka wuassi Manasye apan naasomba tahia leta'a, arawe papapulunne lai wawine. Ana waugu udde anio ṛuanganni Manasye niwalungannu mapul᷊on tampa, wai'o lai leta'u Gilead wuṛṛu Basan su samba'a ra'in Sal᷊ukku Yordan. Leta'u Gilead nionggola su papapulunni Manasye waine.

YOSUA 21:1

Su sambau allo manga tembonannu amonanna su lal᷊ummu ṛuanganni Lewi inaite watukku Silo su wanua Kanaan, wuṛṛu sinumaruanna si Imam Eleazar, Yosua ana'i Nun, wuṛṛu manga tembonannu anambon amonanna su manga ṛuangannu Israel. I mangitou nabbisara, “Wuassi Musa, Mawu buatte nandolokka tadea'u yami, manga taumatan Lewi, onggol᷊annu manga soa pamanuanni yami wuṛṛu manga wadda'a maranin manga soa apan pappadul᷊iananna winatangngi yami.”