YOSUA 17:16 - WUKE SUSI WATTI'U AL᷊AL᷊USASSA

¹⁶ Papapulunni Yusuf sinumimbakka, “Wageangngu panenteanna udde tawe mattiudda si yami, arawe walahannu Kanaan apan uatana'a su leta'a ratakke uatahuanna manga keretan pangalo wuassu atta'a – mawae i mangitou apan uatana'a su Bet-Sean wuṛṛu manga ampunga maranine, ara'e lai i mangitou apan uatana'a su Wawal᷊annu Yizreel.”

YOSUA 17:16 Iomraidhean Croise

1 MARARATU 18:45

Tumba'u sangkaṛṛondapa langitta nabbal᷊i marandumma, wuṛṛu anginna ma'ikkatta tinumiuppe see uranna wahewalla nangansalle. I Ahab sinuma'e keretane see napul᷊ete watukku Yizreel.

1 MARARATU 18:46

Orassa udde i Elia naasomba atatohassa wuassu Mawu. I tou nangal᷊aissa jubane ire'e wuṛṛu niwa'issa su lawassa ana see tinumal᷊angnga nalliuṛṛoro si Ahab su al᷊o'engngu lal᷊anna naddatingngu ngaran passalangannu soan Yizreel.

1 MARARATU 21:1

Maranin Bal᷊en araratuanni Ahab su Yizreel pia santampa waillu anggore tatahuanne sangkatou aranne i Nabot.

1 MARARATU 21:23

Su ola'i Izebel, Mawu nabbisara manungku waddangnge sarun inasannu asu sulal᷊ummu soa Yizreel.

2 MARARATU 9:10

I Izebel tawe ilabbinga. Winal᷊unanne sarun inasannu asu su leta'u Yizreel.’ ” Napawe buatte namasingkattu sarangkanambone udde, nabi saṛṛentumuwo udde sinumabbanga ana see tinumal᷊angnga.

2 MARARATU 9:37

wuṛṛu manga lamben binal᷊unanne udde uasal᷊iawukka ere tain binatangnga, na'oman sara tawe saran sangkatou apan wotongnge maaillal᷊a tanne winal᷊unanni sai udde.’ ”

YEREMIA 49:2

Arawe sarun a'omanna tempone i Ya'u ma'ola'a tumana'u Raba, inangngu soa Amon udde, maaringikka hahuressan pangalo. Soa udde maola'a winal᷊alanna wuṛṛu manga soa maranine masoṛṛobba abbi. Wua'udde Israel sarun mangul᷊e apia letangnge wuassu manga taumata apan dorone nangaṛṛo.

YOSUA 17:11

Su lal᷊ummu wageangngu leta'i Isakhar wuṛṛu i Asyer udde, pia manga leta'a pussa'a Manasye, eteudde: Bet-Sean, wuṛṛu Yibleam ringannu manga ampungnga maranine. See lai: Dor (soa apan addone su winggin sahatta), En-Dor, Taanakh, Megido wuṛṛu manga ampunga maranine.

YOSUA 17:15

I Yosua sinumimbakka, “Ana waugu i yamiu tumaniten manambo, wuṛṛu wageangngu panenteanni Efraim tate mattiudda si yamiu, roote watukku leta'u taumatan Feris wuṛṛu Refaim. Pamaṛṛete manga tatanaanna wakku su manga mahurangngi mangitou udde.”

YOSUA 17:17

Ne i Yosua nabbisara su ṛuanganni Efraim wuṛṛu Manasye waṛṛata udde, “Atonna, i yamiu manambo atonna wuṛṛu matohassa, wuṛṛu su lal᷊anne walungannu sambageanganna lai leta'a.

YOSUA 17:18

Panganute leta'u panenteanna, ana waugu salaiwe leta'a udde ta'e mahurangnge, i yamiu wotongnge mamaṛṛe leta'a udde wuṛṛu manahuanna sarangkanambone. Wuṛṛu su ola'u manga taumatan Kanaan udde, i yamiu wotongnge mallimbuakka si mangitou, salaiwe i mangitou matohassa wuṛṛu uatahuanna manga kereta pangalo wuassu atta'a.”

YOSUA 19:18

Su lal᷊ummu wageangngi mangitou nasutta lai: Yizreel, Khesulot, Sunem, Hafaraim, Sion, Anaharat,

MAL᷊AṚṚUUNGNGA 4:13

i tou nangammulu sio ṛasutta keretan pangalone apan niola'a wuassu atta'a udde, su sambau ringannu anambon tantarane ana see nangapiddi mangitou wuassu Haroset-Hagoyim watukku Sal᷊ukku Kison.

MAL᷊AṚṚUUNGNGA 4:3

I Yabin uatahuanna 900 keretan pangalo wuassu atta'a. Ruan pul᷊o su tonnane al᷊annune i tou uaparenta taumatan Israel ringannu maṛaggissa. Wua'udde i mangitou sinumal᷊ande maiontolla su Mawu.

MAL᷊AṚṚUUNGNGA 6:33

Su tempo udde anambon taumata Midian, Amalek wuṛṛu manga walahanna waine nasemodde su wadda'u annen Yordan samba'an ra'i. I mangitou tinumumbe Sal᷊ukku Yordan, wuṛṛu naddasanna su Wawal᷊annu Yizreel.

1 SAMUEL 29:1

Taumatan Filistin nangammulu anambon tantarane su Afek, ewe'e taumatan Israel naddasanna maranin al᷊imatan kua'e su Wawal᷊annu Yizreel.