YOSUA 16:1 - WUKE SUSI WATTI'U AL᷊AL᷊USASSA

¹ Manga akkitu passarannu leta'a apan nita'e su papapulunni Yusuf, manattakka wuassu Sal᷊ukku Yordan maranin Yerikho, samba'an ra'i wuassu manga al᷊imatan ua'e, su Yerikho maddatingngu wadda'u anne. Wuassu Yerikho, akkita udde suma'a watukku Betel su panenteanna.

YOSUA 16:1 Iomraidhean Croise

PANDARIADDI 35:24

Manga ana'i Rahel eteudde i Yusuf wuṛṛu i Benyamin.

YOSUA 15:61

Su leta'u wadda'a, pia annumma soa manansunna indi suadio'a ringannu manga ampungnga maranine; Bet-Araba, Midin, Sekhakha, Nibsan, Soa Asimma wuṛṛu En-Gedi.

YOSUA 18:12

Su samba'a sawannakka, manga passarannu leta'i mangitou manattakka wuassu Sal᷊ukku Yordan, ana see suma'a su sendekke samba'an sawannakku Yerikho, wua'udde watukku waṛṛata sumabbi panenteanna ma'oman sara araune su wadda'u Bet-Awen.

YOSUA 18:5

Leta'a udde ṛinone tahianna maola'a pitun kaddoanna. I Yehuda sidutu su wageangngi mangitou su samba'a timukka, wuṛṛu i Yusuf su wageangnge samba'an sawannakka.

YOSUA 8:15

I Yosua wuṛṛu tantarane na'ola'a paṛṛimau napa i mangitou sinumoṛṛota; i mangitou tinumal᷊angnga nattudan wadda'a mamara.

MAL᷊AṚṚUUNGNGA 1:22

Ruanganni Efraim wuṛṛu Manasye papapulunni Yusuf, inaite namangalo soa Betel, apan su tempo udde aranne Lus. Ne Mawu nantul᷊ungngi mangitou. Su tempo matataṛaso'o nirolokka mattuddan soa udde,

1 SAMUEL 30:27

Manga soa udde eteudde: Betel wuṛṛu Rama su wageangngu Yehuda samba'an timukka, Yatir, Aroër, Sifmot, Estemoa, Rakhal, wuṛṛu lai manga soan taumatan Keni, Horma, Bor-Asan, Atakh wuṛṛu Hebron. Anambon soa apan buatte niamatanni Daud wuṛṛu tantarane, nionggol᷊annu manga saranapa udde.