YOSUA 14:8 - WUKE SUSI WATTI'U AL᷊AL᷊USASSA

⁸ Manga taumata apan uarundinganna si ya'u, naata'utta ṛuangannu Israel. Arawe i ya'u sidutu uatatana'a tuttuṛṛuta Mawu Ruata'u.

YOSUA 14:8 Iomraidhean Croise

REENGANNA 13:31

Arawe manga taumata apan nabelengnga suadio'a ringanni Kaleb udde nabbisara, “Tawe, i ite tawe maapangalo si mangitou. Tumana'u soa udde mattohasanna wuassi ite.”

REENGANNA 14:1

Su al᷊o'engngu ṛabbi ṛuangannu Israel mangintul᷊i wuṛṛu lulluai.

REENGANNA 14:24

Arawe tawe aroddi su allang-Ku i Kaleb. I tou sidutu matuṛṛutta si Ya'u. Ana waugu udde i Ya'u sarun mangapiddi tou watukku wanua apan buatte nisuttanni tou. Orassa indi taumatan Amalek wuṛṛu taumatan Kanaan uatana'a su ratakke udde. Arawe wageangngu leta'a udde sarun maola'a pussa'a walahanni Kaleb, allang-Ku udde. Tiṛṛabbi yamiu ṛinone mabelengnga wuṛṛu inai su wadda'a watukku Tongokku Akaba.”

REENGANNA 32:12

Anambon taumata niaṛṛinoannu ṛuumanna udde tabbene i Kaleb ana'i Yefune, taumatan i Kenas, wuṛṛu i Yosua ana'i Nun, ana waugu itarua sidutu matuṛṛutta su Mawu.

TAHIUL᷊E 1:28

Nariaddi, ipa'ura i ite mai poiaroddi? Manga taumata apan nirolokki ite poiaroddi ewe'e naata'utta si ite ringannu nabbal᷊o manungku walahanna udde mattohasanna wuṛṛu mabbaṛṛanianna wuassi ite, wuṛṛu manungku i mangitou uatana'a su manga soa pia darandungnge atanggakke sara langitta. I mangitou naasilo wawalla poiaroddi!’

TAHIUL᷊E 1:36

Tumba'u i Kaleb, ana'i Yefune sarun maasutta, ana waugu i tou sidutu matuṛṛutta si Ya'u. Si Kaleb wuṛṛu papapulunne sarun Ta'u onggol᷊annu wanua apan buatte niamatanne udde.’

YOSUA 14:14

Na'oman sara orassa indi soa udde ta'e naola'a pussa'a papapulunni Kaleb ana'i Yefune, taumatan Kenas, ana waugu i tou satia wuṛṛu matuṛṛuta Mawu, Ruatan Israel.

SONDAPPA 14:4

I mangitou udde manga taumata apan sidutu na'ukkassa ere maṛṛuala susi, ana waugu tawe uaaukka suadio'a ringannu wawine. I mangitou uatantalongnga Ana'u Domba udde suapan tampa i Tou inai. Wuassu wallatu anambon taumata, tumba'u i mangitou apan suete nipallosa maola'a sasamba apan paarorone su Ruata wuṛṛu su Ana'u Domba.