YOSUA 14:15 - WUKE SUSI WATTI'U AL᷊AL᷊USASSA

¹⁵ Dorone Hebron isassago soa Arba. (Arba eteudde taumata ahewal᷊anne wuassu walahannu Enak.) Ne wanua udde mal᷊annaba tawe gione ana waugu tate lai pangalo apan mannal᷊awa'a.

YOSUA 14:15 Iomraidhean Croise

PANDARIADDI 23:2

i tou nate su Hebron su leta'u Kanaan. I Abraham nasusa wuṛṛu lullal᷊on awingnge udde.

PANDARIADDI 35:27

Ana see i Yakub na'omate ringanni Ishak iamangnge, su tampa atatanaanne su Mamre maranin Hebron. (Dorone i Abraham iupungnge, uataana'a lai poiaroddi).

PANDARIADDI 37:14

Iamangnge nabbisara, “Ellehete ereapa olangnge manga iaangngu wuṛṛu ammul᷊annu ambinga domba, ana see pabbelengke pabbal᷊o si ya'u.” Ne i tou namallosen i Yusuf inaite nanantangngu Wawal᷊annu Hebron. Tawe nal᷊annu i Yusuf na'omate su Sikhem.

1 TAWARIKH 6:4

Atokku sinossoṛanni Eleazar eteudde ere manansunna indi, i Pinehas, i Abisua,

NEHEMIA 11:25

Manambo suwallatu tumana'a uatana'a su manga soa apan maranin manga wawail᷊anni mangitou. Manga siri pira wuassu ṛuanganni Yehuda natana'a su wageangngu leta'a suwallattu Bersyeba samba'a timukka wuṛṛu Wawal᷊annu Hinom samba'a sawannakka. I mangitou natana'a su manga soa manansunna indi ringannu manga ampungnga maranine: Kiryat-Arba, Dibon, Yekabzeel Yesua, Molada, Bet-Pelet Hazar-Sual, Beryeba Ziklag, Mekhona En-Rimon, Zora, Yarmut, Zanoah, Adulam, Azeka, Lakhis.

YOSUA 11:23

Ahewallu wanua udde niaṛṛon Yosua ere buatte nirolokku Mawu si Musa, ana see nionggola su walahannu Israel maola'a pussa'a mangitou. Wanua udde nitahia, wuṛṛu suapan ṛuanganna naasomba sambau wageangnge. Walahannu Israel nangillol᷊ote napapangalo wuṛṛu wanuane lai mal᷊anganna wuṛṛu su al᷊al᷊uassa.

YOSUA 14:14

Na'oman sara orassa indi soa udde ta'e naola'a pussa'a papapulunni Kaleb ana'i Yefune, taumatan Kenas, ana waugu i tou satia wuṛṛu matuṛṛuta Mawu, Ruatan Israel.

YOSUA 15:13

Nassul᷊ungngu parentan Mawu si Yosua, sambageanganna wuassu leta'u Yehuda ionggola si Kaleb ana'i Yefune wuassu ṛuanganni Yehuda. I tou niwalungannu Hebron, eteudde soa tatahuananni Arba, iamangngi Enak.

MAL᷊AṚṚUUNGNGA 1:20

Ere buatte nirolokki Musa, Hebron ionggola si Kaleb, ana waugu dorone tatalluamonanna wuassu pappapulunni Enak buatte nilimbuaṛanni Kaleb wuassu soa udde.

MAL᷊AṚṚUUNGNGA 3:11

Ne wanua udde matammude appatu pul᷊o su tonnane al᷊annune. Wua'udde i Otniel natete.

MAL᷊AṚṚUUNGNGA 3:30

Allo udde Moab nawaddo su Israel, ne wanua udde matammudde ual᷊un pul᷊o su tonnane al᷊annune.

MAL᷊AṚṚUUNGNGA 5:31

Antimanna manga seen-Nu, oh Mawu, mate ere i Sisera, arawe anambon manga hawe-Nu mabbal᷊i wahewalla naal᷊ihidda matannallo su winalanganna! Wua'udde, wanua udde matammude appatu pul᷊o su tonnane al᷊annune.

MAL᷊AṚṚUUNGNGA 8:28

Taumata Midian tawe naal᷊ore; i mangitou niawadon taumatan Israel. Ne wanua udde mal᷊angngante appatu pul᷊o su tonnane al᷊annune sutempo i Gideon ta'e wiakka.