YOSUA 14:12 - WUKE SUSI WATTI'U AL᷊AL᷊USASSA

¹² Ana waugu udde, onggol᷊a'e orassa indi leta'u panenteanna apan nipa'ire Mawu si ya'u, su tempo i ya'u wuṛṛu manga taumata uaṛundinganna si ya'u nabelengnga uaapiddu watti'a. Su tempo udde i'o sassane naaringikka, manungku poiaroddi pia balahannu wawalla apan isassago walahannu Enak. I mangitou uatana'a su lal᷊ummu manga soa wahewalla apan pia darandunge. Asinungka Mawu nantul᷊ungku na'oman sara i ya'u wotongnge nallimbuakka si mangitou, ere buatte niwal᷊o Mawu.”

YOSUA 14:12 Iomraidhean Croise

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

DARALO 44:3

I'o sassane nallimbuakka manga walahanna tadea'u al᷊aṛṛanang-Ngu mamanua su wanuan mangitou. Manga walahanna waine nisilaka-Nu, arawe al᷊aṛanang-Ngu niwalanu mabbalaga.

DARALO 60:12

Oh Ruata, I'o talawe tumantalonga suadio'a ringanni yami? I'o talawe inai suadio'a ringannu tantaran kami?

REENGANNA 13:28

Arawe tumana'u wanua udde mangkatohassa. Manga soan mangitou wahahewalla wuṛṛu pia tatandangnge. Ana see lai, yami naasilo manga taumata papapulunnu wawalla poiaroddi.

REENGANNA 13:33

Ewe'e lai yami naasilo manga taumata udde naal᷊ihidda wawalla, eteudde papapulunnu taumatan Enak. Isumandingnga si mangitou, yami uapendamma naal᷊ihidda saṛṛampalanna, wuṛṛu atonna etearoddi sunna mangitou si yami.”

REENGANNA 21:34

Mawu nabbisara si Musa, “Arie pa'ata'utta si tou. I Ya'u sarun mangonggolu auntunganna si'o. I'o sarun mamaddon tou, anambon tumanangnge wuṛṛu wanuane. Ola'awe i tou ere lai i'o namangalo si Ratun Sihon apan uaparenta su Hesybon.”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

TAHIUL᷊E 1:28

Nariaddi, ipa'ura i ite mai poiaroddi? Manga taumata apan nirolokki ite poiaroddi ewe'e naata'utta si ite ringannu nabbal᷊o manungku walahanna udde mattohasanna wuṛṛu mabbaṛṛanianna wuassi ite, wuṛṛu manungku i mangitou uatana'a su manga soa pia darandungnge atanggakke sara langitta. I mangitou naasilo wawalla poiaroddi!’

TAHIUL᷊E 9:1

“Paddaringikkawe manga tuṛṛangnga! Allo indi yamiu lumewesse Sal᷊ukku Yordan inai matana'a su wageangngu leta'u walahanna apan magewal᷊anna wuṛṛu mattohasanna wuassi yamiu. Manga soan mangitou wahahewalla ringannu manga darandunge matanggakka sara langitta.

TAHIUL᷊E 9:3

Arawe orassa indi yamiu sarun maasilo sassane ereapa Mawu Ruatanu u'amatta su saruanni yamiu naal᷊ihidda putungnga apan mannoṛṛobba. I Tou sarun mamaddon mangitou su saruannu matanu, na'oman sara i yamiu wotongnge mallimbuakka wuṛṛu mamate si mangitou ringannu mal᷊ihakka ere buatte pina'iren Mawu.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

IBRANI 11:33

Ana waugu mangngimanna, ne i mangitou suete napaarugi manga araratuanna. I mangitou ma'ola'a apa apan su ṛinone, na'oman sara naasengkamma apa apan suete pina'iren Ruata. I mangitou nanggattumu manga moṛṛongu singa,

YOSUA 15:14

Papapulunni Enak eteudde taumatan Sesai, Ahiman wuṛṛu Talmai. I Kaleb nallimbuakka si mangitou sarangkanambone wuassu Hebron.

MAL᷊AṚṚUUNGNGA 1:20

Ere buatte nirolokki Musa, Hebron ionggola si Kaleb, ana waugu dorone tatalluamonanna wuassu pappapulunni Enak buatte nilimbuaṛanni Kaleb wuassu soa udde.

1 SAMUEL 14:6

Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”