YOSUA 14:1 - WUKE SUSI WATTI'U AL᷊AL᷊USASSA

¹ Manansunna indi eteudde watti'a su ola'u ereapa wanua Kanaan su samba'an baṛṛatu Sal᷊ukku Yordan nitahia su ṛuangannu Israel. Nattahia leta'a udde su ṛuangannu Israel eteudde i Imam Eleazar, i Yosua ana'i Nun, wuṛṛu manga tembonannu amonanna su lal᷊ummu manga ṛuangannu Israel.

YOSUA 14:1 Iomraidhean Croise

EZRA 7:5

i Abisua i Pinehas i Eleazar i Imam Mawantuga Harun

YEHEZKIEL 45:1

Tantal᷊anna manga leta'a udde taambe nitahia maola'a leta'a pussa'a suapan ṛuanganna, ṛinone sambau iṛṛae huna Mawu. Leta'a udde al᷊o'engnge ṛinone 12,5 kilometere, wuṛṛu al᷊alakke 10 kilometere. Ahewallu leta'a udde niapasingkatta na'ukkassa.

REENGANNA 34:13

I Musa nabbisara su walahannu Israel, “Eteudde leta'a apan sarun sengkamanni yamiu ringannu iundi, leta'a apan tumuṛṛuttu parentan Mawu ṛinone tahianna su ṛuanganna sio mattangnga ṛuangannu su walahannu Israel.

REENGANNA 34:16

Mawu nabbisara si Musa,

WATTI'U MANGA RASUL 13:19

Pitu walahanna nipaten tou su wanua Kanaan tadea'u maatahia wanua udde su walahannu Israel tadea'u wanua udde maola'a pussa'an mangitou.

TAHIUL᷊E 12:10

Napawe i yamiu buatte nilumewessa Sal᷊ukku Yordan, Mawu Ruatanu sarun mantul᷊ungngi yamiu matana'a wuṛṛu mamanua su leta'a samba'an sal᷊ukka udde. I Tou sarun mallu'adda si yamiu wuassu al᷊awo'u seetta, wuṛṛu i yamiu sarun mabbiakka ringannu matammamudda wuṛṛu mal᷊uassa.

YOSUA 13:6

Nasutta lai ahewallu leta'u taumatan Sidon, apan uatana'a su panenteanna su wallatu manga Wowon Libanon wuṛṛu Misrefot-Maim.” “Anambon manga walahanna udde sarun Ta'u limbuaṛṛanna, su tempo ṛuangannu Israel mamangalo si mangitou,” unnu Mawu lai si Yosua. “Leta'a udde ṛinone tahiannu su ṛuangannu Israel maola'a leta'a pussa'a mangitou, ere lai Ya'u buatte namarenta si'o.

YOSUA 19:51

Etearoddi i Imam Eleazar, i Yosua ana'i Nun wuṛṛu manga tembonannu amonanna su lal᷊ummu manga ṛuangannu Israel nattahia leta'a su wanua udde ringannu niundi tadea'u ipadorongnga tatantiro wuassu Mawu. Olangnge udde niola'i mangitou su Silo su saruannu ngaran Rasannu Mawu. Ne nasuete patattahia leta'a udde.

YOSUA 21:1

Su sambau allo manga tembonannu amonanna su lal᷊ummu ṛuanganni Lewi inaite watukku Silo su wanua Kanaan, wuṛṛu sinumaruanna si Imam Eleazar, Yosua ana'i Nun, wuṛṛu manga tembonannu anambon amonanna su manga ṛuangannu Israel. I mangitou nabbisara, “Wuassi Musa, Mawu buatte nandolokka tadea'u yami, manga taumatan Lewi, onggol᷊annu manga soa pamanuanni yami wuṛṛu manga wadda'a maranin manga soa apan pappadul᷊iananna winatangngi yami.”