YOSUA 13:31 - WUKE SUSI WATTI'U AL᷊AL᷊USASSA

³¹ Wua'udde nasutta lai samba'a wuassu leta'u Gilead, see Asytarot wuṛṛu Edrei, darua inangngu soa wageangngu leta'a paparentanni Ratu Og su Basan. Ahewallu leta'a udde nionggola su sambageanganna wuassu ṛuanganna papapulunni Makhir, ana'i Manasye.

YOSUA 13:31 Iomraidhean Croise

1 TAWARIKH 6:71

Manga amonannu ṛuanganni Gerson naasomba tahia manga ampungnga manansunna indi ringannu manga wadda'u nannal᷊o maranine: Su wageangngu leta'u ṛuanganni Manasye, samba'an timukku Sal᷊ukku Yordan: Golan su Basan wuṛṛu Asytarot.

DARALO 60:7

Sal᷊amatewe i yami ringannu taṛṛino-Nu, simbaṛṛewe aal᷊iomanni yami, tadea'u manga taumata apan arangnguan-Nu iapasal᷊amatta.

YOSUA 12:4

Ratu waine apan mawaddon taumatan Israel eteudde i Ratu Og wuassu wanua Basan, apan uatana'a su Asytarot wuṛṛu Edrei. I tou suwallatu sangkatou apan nallambe wuassu walahannu Refaim.

YOSUA 13:12

Wageangngi mangitou lai nasutta leta'a paparentanni Ratu Og, taumatan Refaim apan panginsueanne naparenta su Asytarot wuṛṛu Edrei. I Musa buatte namaddo manga balahanna udde wuṛṛu nallimbuakka si mangitou niapassabangnga wuassu leta'i mangitou.

YOSUA 13:32

Etearoddi i Musa nattahia leta'a su samba'a ra'in Yerikho, su samba'an Sal᷊ukku Yordan, su tempo i tou uatana'a su leta'u Moab.

YOSUA 17:5

Nariaddi, wal᷊ine tumba'u papapulunnu esakka wuassi Manasye apan naasomba tahia leta'a, arawe papapulunne lai wawine. Ana waugu udde anio ṛuanganni Manasye niwalungannu mapul᷊on tampa, wai'o lai leta'u Gilead wuṛṛu Basan su samba'a ra'in Sal᷊ukku Yordan. Leta'u Gilead nionggola su papapulunni Manasye waine.

YOSUA 9:10

wuṛṛu su ola'u apa apan niolange su saruannu ruan katou ratun Amori su samba'an da'in Yordan eteudde i Sihon ratun Hesybon wuṛṛu i Og ratun Basan apan uatana'a su Asytarot.

MAL᷊AṚṚUUNGNGA 10:6

Walahannu Israel na'ola'e rosa apia su Mawu. I mangitou tate mappandumma Mawu wuṛṛu tate lai massubba si Tou. I mangitou massubbate manga mongannu Baal wuṛṛu Asytoret, wuṛṛu mongannu manga walahannu Siria, Sidon, Moab, Amon wuṛṛu Filistin.

MAL᷊AṚṚUUNGNGA 5:17

Tantal᷊anna i Zebulon wuṛṛu i Naftali mangke mattinsahadda uapapangalo, ruanganni Dan uawanua su apalla, wuṛṛu ruanganni Gad sidutu uatana'a su Yordan samba'a ra'i, wuṛṛu ruanganni Asyer matammudda wuṛṛu maddiri massal᷊iu wuassu tampan mangitou su al᷊o'engngu apanne.

1 SAMUEL 12:10

Wua'udde i mangitou niumal᷊iomanna su Mawu wuṛṛu nanga'u rosan mangitou; wisarane, ‘Yami narosate ana waugu tinumal᷊iudda Si'o, oh Mawu, wuṛṛu yami lai massubba manga paal᷊uannu Monganni Baal wuṛṛu Asytoret. Arawe, orassa indi, sal᷊amatewe yami wuassu manga seetti yami, ne yami sidutu mattaṛṛamawu Si'o!’

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”