YOSUA 13:3 - WUKE SUSI WATTI'U AL᷊AL᷊USASSA

³ wuṛṛu ahewallu leta'u Awi watukku timukka. (Wageanga wuassu Sal᷊ukku Sikhor su passarannu Mesir ma'oman sara passarannu Ekron su samba'an sawannakka, sarangkanambone udde nareengnga wageangngu leta'u walahannu Kanaan; wuṛṛu manga ratun Filistin uatana'a su Gaza, Asdod, Askelon, Gad wuṛṛu Ekron).

YOSUA 13:3 Iomraidhean Croise

PANDARIADDI 10:6

Al᷊aṛṛana'i Ham eteudde i Kus, i Mesir, i Libia wuṛṛu i Kanaan.

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

1 MARARATU 8:65

Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

1 TAWARIKH 13:5

Ne i Daud nangammulu tumana'u Israel su ahewallu wanua, wuassu passarannu Mesir su timukka naddatingngu lal᷊annu Hamat su sawannakka, inai mangal᷊appa Wantallu Pa'aire udde wuassu Kiryat-Yearim wuṛṛu iapidde su Yerusalem.

YEREMIA 2:18

Apa untungnge i'o mabbatukku Mesir? Inai ma'inumma ua'en Sal᷊ukku Nil? Apa untungnge i'o mabbatukku Asyur? Inai ma'inumma ua'en Sal᷊ukku Efrat?

TAHIUL᷊E 2:23

Leta'a su al᷊o'engngu Tahal᷊oangngu Tangngane wawanuannu manga taumata wuassu taṛṛanusan Kreta. I mangitou buatte namate taumatan Awi, tumana'u leta'a udde tutune, ana see natana'a su leta'a udde naddatingngu timukka araune sara soa Gaza.)

YOSUA 13:13

Arawe tumana'u Gesur wuṛṛu Maakha tawe nilimbuaṛṛannu taumatan Israel; i mangitou ta'e uatana'a su Israel.

MAL᷊AṚṚUUNGNGA 16:5

Ne nirumantate siri lima taumata tembonannu Filistin ringannu wawine udde wuṛṛu nabbisara, “Sal᷊oa'a i Simson tadea'u i tou maapulu mamasingkatta si'o apa addapingngu atatihanne udde, wuṛṛu ereapa olangnge mamamul᷊in atatohanne udde. Ringannu aroddi yami wotongnge maaranta wuṛṛu makkapussa si tou tadea'u i tou marugite si yami. Ne yami sangkatou-sangkatou mangonggolu 1.100 roitta sal᷊a'a si'o.”

MAL᷊AṚṚUUNGNGA 3:3

Manga walahanna apan ta'e uatana'a su wanua udde eteudde: walahanna apan uatana'a su lima soa Filistin, anambon walahannu Kanaan, walahannu Sidon, wuṛṛu Hewi apan uatana'a su panenteannu Libanon, manattakka wuassu Wowon Baal-Hermon maddatingngu lal᷊anna apan mattuddan Hamat.

1 SAMUEL 5:1

Napawe taumatan Filistin buatte nangaṛṛo Wantallu Pa'airen Duata, i mangitou nangapidda wuassu Eben-Haezer watukku soan mangitou Asdod.

1 SAMUEL 5:10

Ana see Wantallu Pa'aire udde niuntudda watukku Ekron, soan Filistin waine lai. Napawe wantalla udde na'omate isudde, tumanangnge niumui, wisarane, “Wantallu Paairen Mawun Israel udde niapidda isindi tumba'u iapapate si ite sarangkanambone.”

1 SAMUEL 5:8

Ana waugu udde i mangitou namaggo siri lima ratun Filistin tadea'u ma'ammulla, ana see maiwal᷊o, “Urante si ite Wantallu Paairen Mawu Ruatan Israel udde?” Manga ratu udde sinumimbakka, “Ingkata'e watukku soa Gat.” Nariaddi, wantalla udde niingkatte watukku soa Gat, sambau soan taumatan Filistin waine.

1 SAMUEL 6:4

“Aonggola apate apan ṛinone ionggolli ite si Tou?” aiwal᷊on manga taumata udde. Manga imam udde sinumimbbakka, “Lima su waune bau wul᷊awanna wuṛṛu lima su waune lai wal᷊awo wul᷊awanna, uasul᷊ungngu anambon reengannu ratun Filistin. Wal᷊inewe radda'a hanne buatte naṛṛia'a si yamiu sarangkanambone, mawae ete su tumanangnge aroddi lai su ratu?