YOSUA 13:14 - WUKE SUSI WATTI'U AL᷊AL᷊USASSA

¹⁴ Ṛuanganni Lewi tawe nanengkamma wageangnge leta'a wuassi Musa, ana waugu Mawu buatte nabbal᷊o si Musa manungku wageangngu ṛuanganni Lewi eteudde wuassu manga sasamba itattambunna su mezbah apan ionggola su Mawu Ruatan Israel.

YOSUA 13:14 Iomraidhean Croise

YEHEZKIEL 44:28

Manga imam nanengkamma manara imam udde maola'a wageangnga si mangitou wuassuapa apan Ta'u nionggolla su Israel maṛṛana'a mappulunna. I mangitou imbaṛṛangnga manahuanna manga apa su Israel: Ete i Ya'u darotongngi mangitou.

YEHEZKIEL 44:29

I mangitou ṛinone mabbiakka wuassu aonggolla gandumma, sasamba papappassa rosa, wuṛṛu manga sasamba wawaekka arugianna; wuṛṛu manga al᷊awo'a apan buatte niṛṛae si Ya'u, ṛinone ionggolla si mangitou.

TAHIUL᷊E 10:9

Ana waugu udde ṛuanganni Lewi tawe nanengkamma leta'a pussa'a ere manga ṛuanganna wal᷊ine, ana waugu ete Mawu wageangnga pussa'an mangitou, ere buatte niwal᷊on Mawu Ruatanu si mangitou.)

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

TAHIUL᷊E 12:19

Paatehamma tadea'u arie i yamiu ma'oman sara mamalan ṛuanganni Lewi uawala aroddi tantal᷊anna i yamiu mabbiakka su wanua udde.

YOSUA 13:13

Arawe tumana'u Gesur wuṛṛu Maakha tawe nilimbuaṛṛannu taumatan Israel; i mangitou ta'e uatana'a su Israel.

YOSUA 13:15

Sambageanganna wuassu leta'a apan pinadiandi Mawu su ṛuangannu Israel udde buatte nionggoli Musa su manga ṛuanganna su lal᷊ummu ṛuanganni Ruben, tadea'u maola'a leta'a pussa'a mangitou.

YOSUA 13:33

Arawe ṛuanganni Lewi tawe naasomba leta'a saran kadio'a wuassi Musa. I Musa nabbisara si mangitou manungku tahia apan nionggola si mangitou eteudde wuassu manga sasamba apan nionggola su Mawu Ruatan Israel.

YOSUA 18:7

Tumba'u ṛuanganni Lewi tawe maassomba tahia leta'a suadio'a ringanni yamiu, ana waugu wageangngi mangitou eteudde maola'a manga imam mangangimbe Mawu. Wuṛṛu suola'u ṛuanganni Gad, i Ruben wuṛṛu sangkawageanganna ṛuanganni Manasye, i mangitou buatte nanengkamma wageangnge su samba'a ra'in Sal᷊ukku Yordan. I Musa allangu Mawu, buatte nangonggolu leta'a udde si mangitou.”