YOSUA 12:2 - WUKE SUSI WATTI'U AL᷊AL᷊USASSA

² Iapa sangkatou aranne i Sihon, ratun Amori apan uaparenta su Hesybon. Wageangngu leta'a paparentanne eteudde samba'a wuassu wageangngu leta'u Gilead: eteudde wuassu Aroër (su winggin Bawal᷊annu Arnon) wuṛṛu soa apan su pattangngannu wawal᷊anne udde ma'oman sara araune su Sal᷊ukku Yabok su passarannu wageangngu leta'u walahannu Amon;

YOSUA 12:2 Iomraidhean Croise

PANDARIADDI 32:22

Su ṛabbi udde lai i Yakub napu'ote ana see nangapiddu ruan katou awingnge, awingnge su liudde wuṛṛu siri mapul᷊o assa anangnge, tinumumbe Sal᷊ukku Yabok.

1 TAWARIKH 5:8

wuṛṛu i Bela ana'i Azas, pulunni Sema wuassu amonanni Yoel. Ruanganni Ruben uatana'a su Aroër wuṛṛu su wageangngu leta'a apan nanattakka wuassu Aroër watukku sawannakka maddatingngu Nebo wuṛṛu Baal-Meon.

NEHEMIA 9:22

I'o mangonggollu auntunganna si mangitou su anambon araratuanna wuṛṛu walahanna su passarannu leta'i mangitou. Hesybon wanuan Ratu Sihon, niwanuanni mangitou; Basan wanuan Ratu Og, niatanaanni mangitou.

DARALO 135:11

Sihon ratun Amori wuṛṛu i Og ratun Basan, see lai anambon ratu su Kanaan.

YEREMIA 48:19

I yamiu apan uatana'a su Aroër, darisikke su winggin dal᷊anna wuṛṛu panutukke! Pa'iwal᷊ote si mangitou apan tinumal᷊angngu watanganne, wuṛṛu naal᷊asso'a, ‘Apate apan nariaddi?’

TAHIUL᷊E 1:4

Udde nariaddi napawe i Musa mamaddon Sihon, ratun taumatan Amori, apan uaparenta su soa Hesybon, wuṛṛu Og, ratun Basan, apan uaparenta su manga soa Asytarot wuṛṛu Edrei.

MAL᷊AṚṚUUNGNGA 11:13

Ratun balahannu Amon sinumimbakka manga daroloṛanna udde, “Su tempo ruangannu Israel nirumanta wuassu Mesir, i mangitou nanganu leta'i yami, nanattakka wuassu Sal᷊ukku Arnon naddatingngu Sal᷊ukku Yabok wuṛṛu Sal᷊ukku Yordan. Orassa indi ul᷊la'e leta'a udde ringannu paddarame.”

MAL᷊AṚṚUUNGNGA 11:22

Leta'u Amori apan niwanuanni mangitou nanattakka wuassu Arnon samba'a timukka, naddatingngu samba'an sawannakku Sal᷊ukku Yabok, wuṛṛu wuassu wadda'u anne su samba'an ra'i, maddatingngu Yordan su samba'an waṛṛata.