YOSUA 11:8 - WUKE SUSI WATTI'U AL᷊AL᷊USASSA

⁸ Wuṛṛu Mawu napa'auntungngu ṛuangannu Israel wuassi mangitou. Taumatan Israel namangalo wuṛṛu nangenggenna si mangitou araune sara Misrefot-Maim wuṛṛu Sidon su samba'an sawannaka, wuṛṛu araune sara Wawal᷊annu Mizpa su samba'an ra'i. Pangalo udde sidutu maggewalla na'oman sara tawe saran sangkatou apan nallambe wuassu seenne-sarangkanambone nate.

YOSUA 11:8 Iomraidhean Croise

PANDARIADDI 10:15

Al᷊aṛṛana'i Kanaan, eteudde i Sidon pahul᷊une, wuṛṛu i Het.

PANDARIADDI 49:13

I Zebulon sarun mamanua su winggin tahal᷊oangnga; manga apalla sarun mabbal᷊ango su appanne; naddatinggu Sidon passarannu wageangnge.

2 SAMUEL 24:6

ana see nasal᷊a watukku Gilead wuṛṛu Kades su wageangngu leta'u taumatan Het. Wua'udde i mangitou inaite watukku Dan, ana see wuassu Dan nabbeṛṛo watukku waṛṛatta, su Sidon.

YESAYA 23:4

Ei soan Sidon, awawantugu nawul᷊ite! Tahal᷊oangnga apan mal᷊al᷊umma tate manga'u si'o lai, wisarane, “I ya'u taambe saran paassa niṛṛumana'a, taambe saran paassa namaddul᷊i ana'a esakka ara'e wawine.”

ZAKARIA 9:2

Hamat apan uasasara ringannu Hadrakh udde tatahuanan-Ne, aroddi lai manga soan Tirus wuṛṛu Sidon ringannu al᷊awo'u asingkattu tumanangnge.

TAHIUL᷊E 7:2

Napawe Mawu Ruatanu manantillu manga walahanna udde sulal᷊ummu taṛṛinonu wuṛṛu i yamiu mamaddon mangitou, patete i mangitou sarangkanambone. Imbaṛṛangnga umakkanni mangitou ara'e makkiinnu pa'aire ringanni mangitou.

TAHIUL᷊E 9:3

Arawe orassa indi yamiu sarun maasilo sassane ereapa Mawu Ruatanu u'amatta su saruanni yamiu naal᷊ihidda putungnga apan mannoṛṛobba. I Tou sarun mamaddon mangitou su saruannu matanu, na'oman sara i yamiu wotongnge mallimbuakka wuṛṛu mamate si mangitou ringannu mal᷊ihakka ere buatte pina'iren Mawu.

YOSUA 10:20

I Yosua wuṛṛu taumatan Israel namate manga taumatan Amori udde, arawe piaddu lai suwallati mangitou tinumal᷊angnga su soa mangitou naddea'a pa'imbunianna, na'oman sara tawe niapate.

YOSUA 11:3

I tou lai nandolokku taumata inai ringannu taumatan Kanaan su samba'an baṛṛatta wuṛṛu samba'an da'in Yordan, ringannu taumatan Amori, Het, Feris, wuṛṛu taumatan Yebus su wageangngu panenteanna, see lai taumatan Hewi su wawal᷊annu Wowo Hermon su leta'u Mizpa.

YOSUA 11:7

Ne i Yosua ringannu anambon tantarane namangalote seetta udde ringannu namaṛṛindu'a maranin ana'u Sal᷊ukku Merom.

YOSUA 13:6

Nasutta lai ahewallu leta'u taumatan Sidon, apan uatana'a su panenteanna su wallatu manga Wowon Libanon wuṛṛu Misrefot-Maim.” “Anambon manga walahanna udde sarun Ta'u limbuaṛṛanna, su tempo ṛuangannu Israel mamangalo si mangitou,” unnu Mawu lai si Yosua. “Leta'a udde ṛinone tahiannu su ṛuangannu Israel maola'a leta'a pussa'a mangitou, ere lai Ya'u buatte namarenta si'o.

YOSUA 19:28

Ebron, Rehob, Hamon, wuṛṛu Kana, araune maddatingngu Sidon.

YOSUA 21:44

Ne ere buatte pina'ire Mawu su iupungngu al᷊amonan mangitou, wanua udde matammudda ana waugu lal᷊u'arannu Mawu. Manga seetti mangitou tawe saran sangkatou maaroappa si mangitou, ana waugu Mawu nangonggolu auntunganna su taumatan Israel su al᷊awo'u seetti mangitou.