YOSUA 11:20 - WUKE SUSI WATTI'U AL᷊AL᷊USASSA

²⁰ Mawu napaattiku naungngi mangitou ana see sidutu mapapangalon taumatan Israel, tadea'u i mangitou insueanna, wuṛṛu pateanna abbi ringannu tawe ampunge ere buatte nirolokku Mawu si Musa.

YOSUA 11:20 Iomraidhean Croise

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

1 MARARATU 12:15

Darorongngu tumana'a tawe niraringiṛṛanne. Arawe udde atonna apulun Mawu. Apa apan niwisara Mawu si Nabi Ahia wuassu Silo su ola'i Yerobeam ana'i Nebat ṛinone matipussa.

2 TAWARIKH 22:7

Ruata buatte nanantunna manungku i Ahazia sarun aratingannu papatene sutempo i tou mattembo si Yoram. Su patatembo udde Ahazia wuṛṛu i Yoram naasomba lal᷊awangnga wuassu sangkatou esakka aranne i Yehu ana'i Nimsi, apan buatte nipilen Mawu iapapate amonanni Ratu Ahab.

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

SASABANGNGA 10:1

Mawu nabbisara si Musa, “Roote sumaruanna ratu. I Ya'u buatte na'ola'a si tou wuṛṛu manga mammamanaran araratuanne naungnge maattikka, tadea'u i Ya'u wotongnge ma'ola'a manga al᷊aṛṛindu'a su pattangnganni mangitou,

SASABANGNGA 11:10

I Musa wuṛṛu i Harun na'ola'a anambon al᷊aṛṛindu'a udde su saruannu ratu, arawe Mawu na'ola'a si tou naungnge maattikka, na'oman sara i tou maddiri mamalan taumatan Israel manantangngu wanuane.

SASABANGNGA 14:17

Taumata Mesir sarun Ta'u olaanna naungnge maatikka na'oman sara i mangitou sidutu mangenggenna taumatan Israel, wuṛṛu i Ya'u sarun mapal᷊iatta'u taṛṛino-U su ratu Mesir, tantarane, manga kereta wuṛṛu manga sumasa'ene.

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 14:8

Atonna Mawu na'ola'a ratu naungnge maattikka, na'oman sara i tou nangenggenna taumatan Israel tatantal᷊anna sulal᷊ummu amatanna manantangngu wanua udde sulal᷊ummu lu'addu Mawu.

SASABANGNGA 4:21

Mawu nabbisara si Musa, “I Ya'u buatte nangonggolu taṛṛino si'o ipa'ola'a manga al᷊aṛṛindu'a. Nariaddi amungkangngu i'o nabelengke su Mesir, ola'e manga al᷊aṛṛindu'a udde su saruannu ratu Mesir. Arawe i Ya'u sarun ma'ola'a si tou maatikka puane, na'oman sara i tou maddiri mamalan balahanna udde mangingkatta.

SASABANGNGA 9:12

Arawe Mawu na'ola'a ratu naungnge maattikka, wuṛṛu ere buatte niwal᷊o Mawu, ratu maddiri maddaringikka wisara i Musa ruan i Harun.

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

YESAYA 14:24

Mawu Apan Lembontaṛṛino nassalu: “Apan buatte Ta'u nihol᷊aga sarun matipussa.

YESAYA 34:2

Mawu massa'u su anambon walahanna wuṛṛu al᷊awo'u tantaran mangitou. I Tou sarun makkuumanna wuṛṛu makkadda'a si mangitou.

ROMA 9:18

Nariaddi Ruata mandangngu sangkatou, amungkangngu Ruata maapulu aroddi. Ruata mammalan sangkatou taumata mal᷊awangnga, amungkangngu Ruata maapulu aroddi lai.

TAHIUL᷊E 2:30

Arawe i Ratu Sihon tawe namalan kite sumabbi wanuane udde. Mawu Ruatanu napa'aattiku naungnge wuṛṛu mappandumma tadea'u i ite wotongnge mamaddon i tou. Wageangngu letangnge ta'e datanaanni ite naddatingngu orassa indi.

TAHIUL᷊E 7:16

Suapan balahanna apan itantillu Mawu Ruatanu sulal᷊ummu taṛṛinonu ṛinone pateanna; arie umakkanni mangitou. Imbaṛṛangnga massubba manga Mawu mangitou, ana waugu pallal᷊aghu udde mandantan asasilaka si yamiu.

MAL᷊AṚṚUUNGNGA 14:4

Hagurangngi Simson wagga manungku eteudde Mawu apan nagal᷊oren Simson ma'ola'a inolanna udde. Ana waugu Mawu, maddea'a lal᷊anne mamangalo taumatan Filistin. Su tempo udde taumatan Filistin uaparenta taumatan Israel.

1 SAMUEL 2:25

Amungkangu pia taumata nassal᷊a su taumata waine, Ruata wotongnge manamba'a si tou; arawe amungkangu taumata na'ola'a rosa su Mawu, isai wotongnge mangontolla si tou?” Arawe i mangitou tawe maddaringikka tatantiron Eli iamangngi mangitou, ana waugu Mawu buatte nakkawessa sarun mamate si mangitou.