YOSUA 11:15 - WUKE SUSI WATTI'U AL᷊AL᷊USASSA

¹⁵ Sarangkanambone apan nirolokku Mawu si Musa, allang-Nge, buatte niwal᷊on Musa si Yosua, wuṛṛu niola'i Yosua; tawe saran sambau apan tawe niolangnge.

YOSUA 11:15 Iomraidhean Croise

2 TAWARIKH 30:12

Su Yehuda lai Ruata nammanara wuṛṛu nangaukku naungngu tumanangnge tadea'u atonna-tonna tumuṛṛutta apulun Duata ringannu tuttuṛṛutta lai manga parentan datu wuṛṛu mamanaran araratuanne.

REENGANNA 33:50

Su ratakku Moab udde, su wiwikku Sal᷊ukku Yordan, maranin soan Yerikho, Mawu nangonggola si Musa

REENGANNA 33:52

i yamiu ṛinone mallimbuakka anambon tumana'u wanua udde. Ṛimunsa'e anambon paal᷊uanni mangitou wuassu watu wuṛṛu atta'a see lai manga tampa patataṛṛamawuanni mangitou.

MATIUS 23:23

Nasilakate i yamiu manga hurun agama wuṛṛu manga taumatan Farisi! I yamiu lilangkamal᷊e'a. Rampa-rampa ere selasi, adassa matemangnga, wuṛṛu jintan, nionggoli yamiu sambau wuassu mapul᷊o wageangnge su Ruata. Arawe apa apan nangillembo wua isudde sulal᷊ummu al᷊aṛṛa'u agama ere tul᷊adane: Atatul᷊idda, darangngu, wuṛṛu tatuṛṛutta tawe olaanni yamiu. Sumbal᷊i eteudde apan ṛinone olaanni yamiu, ringannu tawe manantangngu al᷊aṛṛa'a waine lai.

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.

WATTI'U MANGA RASUL 20:20

Tuṛṛangnga masingkatta manungku i ya'u tawe illol᷊one mammasingkatta si yamiu apa apan mahuna si yamiu. I ya'u mangngaṛṛa'a si yamiu su tampa pasasombannu awadaalla wuṛṛu su manga wal᷊e.

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

TAHIUL᷊E 12:32

Tuṛṛutte sarangkanambone apan ta'u nirolokka si yamiu; arie pattambai ara'e hainganna.

TAHIUL᷊E 31:3

Mawu Ruatanu sassane sarun umamatta malliu ṛoro wuṛṛu mamate manga walahanna apan uatana'a isudde, ma'oman sara i yamiu wotongnge mamanua su leta'i mangitou. I Yosua sarun maola'a piaṛṛa'i yamiu, ere buatte niwal᷊on Mawu.

TAHIUL᷊E 31:5

Mawu sarun mangonggolu auntunganna si yamiu, ana see i yamiu ṛinone ma'ola'a si mangitou ere lai buatte ta'u niwal᷊o si yamiu.

TAHIUL᷊E 31:7

Ana see i Musa namago si Yosua, wuṛṛu su saruannu anambon walahannu Israel i tou nabbisara si Yosua, “Ṛinone naungngu matammudda wuṛṛu waṛṛani, Yosua! Ete i'o apan sarun mamiaṛṛa'u walahanna indi inai matana'a su wanua apan pina'iren Mawu su iupungngu al᷊amona mangitou.

TAHIUL᷊E 4:2

Apa apan nirolo'u, arie pattambai ara'e hainganna sarangkadio'a. Paatuṛṛute manga parentan Mawu Ruatanu apan ta'u nionggola si yamiu.

TAHIUL᷊E 4:5

Anambon tita udde ta'u niaṛṛa'a si yamiu ere buatte nirolokku Mawu Ruatanu. Tuṛṛute sarangkanambone udde su wanua apan sarun suttanna wuṛṛu atanaanna udde.

TAHIUL᷊E 7:2

Napawe Mawu Ruatanu manantillu manga walahanna udde sulal᷊ummu taṛṛinonu wuṛṛu i yamiu mamaddon mangitou, patete i mangitou sarangkanambone. Imbaṛṛangnga umakkanni mangitou ara'e makkiinnu pa'aire ringanni mangitou.

YOSUA 1:7

Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.

YOSUA 11:12

Anambon manga soa udde niaṛṛon Yosua, manga ratune nisametta wuṛṛu nipate uasul᷊ungngu parentan Musa, allangngu Mawu udde.

YOSUA 11:14

Anambon tumana'u manga soa udde nipate; tawe saran sangkatou apan niwala wiakka. Arawe anambon manga saranapane apan maarega wuṛṛu winatangnga papadul᷊iananne nianun taumatan Israel maola'a pussa'a mangitou.

YOSUA 11:16

I Yosua nangaṛṛo ahewallu wanua udde – wageangngu panenteanna, wageangngu welen bowone, mawae ete su sawannaka ara'e lai su timukka; see lai ahewallu leta'u Gosyen wuṛṛu wageangngu wadda'a mamara su samba'an timukku Gosyen, see lai wawal᷊annu Yordan.

1 SAMUEL 15:11

“I ya'u sinumassilla nanenegi Saul naola'a ratu, ana waugu i tou buatte tinumal᷊iudda si Ya'u, wuṛṛu tawe tumuṛṛutta parenta-U.” I Samuel mangke nasusa, wuṛṛu su al᷊o'engngu ṛabbi i tou sussal᷊ande Mawu.