YOSUA 10:8 - WUKE SUSI WATTI'U AL᷊AL᷊USASSA

⁸ Mawu nabbisara si Yosua, “Arie pa'ata'utti mangitou. Auntunganna buatte Ta'u nionggola si'o, ana waugu tawe sangkatou wuassi mangitou maaro'appa si'o.”

YOSUA 10:8 Iomraidhean Croise

1 MARARATU 20:13

Tantal᷊anna udde, sangkatou nabi inaite ringanni Ahab wuṛṛu nabbisara, “Mawu nabbisara: ‘I'o maasilo tantara apan manambo udde? I Ya'u sarun mangonggollu auntunganna si'o si mangitou su allo indi. I'o sarun maasingkatta manungku ete i Ya'u Mawu.’ ”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

TAHIUL᷊E 3:2

Arawe Mawu nabbisara si ya'u, ‘Arie pa'ata'utti tou, Musa. I Ya'u sarun manantilli tou, tantarane wuṛṛu ahewallu wageangngu letangnge si'o. Ola'e i tou ere lai buatte Ta'u niola'a si Sihon, ratun Amori apan uaparenta su Hesybon.’

TAHIUL᷊E 7:24

I Tou sarun manantillu manga ratun mangitou si yamiu. I mangitou sarun pateanni yamiu, wuṛṛu aranni mangitou sarun timbul᷊iananna. Tawe saran sangkatou apan botongnge maataṛṛangnga sumaruanna si yamiu; i mangitou sarangkanambone sarun pateanni yamiu.

YOSUA 10:25

Wua'udde i Yosua nabbisara su manga tembonannu tantarane, “Arie passinggawanga wuṛṛu arie pa'ata'utta. Ṛinone i yamiu mangimanna wuṛṛu waṛṛani, ana waugu ete arendi olangnge Mawu sarun ma'ola'a manga seennu.”

YOSUA 10:9

Saṛṛabbi tu'udda i Yosua wuṛṛu tantarane u'amatta wuassu Gilgal watukku Gibeon, ana see namangalote taumatan Amori ringanu namaṛṛindu'a.

YOSUA 11:6

Mawu nabbisara si Yosua, “Arie pa'ata'utti mangitou. Su allo ere indi lai tiṛṛabbi, i mangitou sarangkanambone buatte Ta'u nipate ana waugu Israel. Awal᷊on mangitou sarun Ta'u iapaallome, wuṛṛu manga keretan pangalo mangitou ṛinone soṛṛowanna.”

YOSUA 8:1

Mawu nabbisara si Yosua, “Ammul᷊a'e tantaranu wuṛṛu roote ringanni mangitou watukku Ai. Arie suminggawanga wuṛṛu arie mata'utta! I Ya'u sarun mangonggolu auntunganna si yamiu su ratun Ai. Tumanangnge, soane wuṛṛu wanuane sarun Ta'u anuanna.

MAL᷊AṚṚUUNGNGA 6:16

“I'o wotongnge!” unnu Mawu, “ana waugu i Ya'u sarun massumbala si'o. Manga taumata Midian wotongnge ṛimunsaannu ringannu mal᷊uassa, i'o naal᷊ihidda tumba'u uasaruanna sangkatou.”

MAL᷊AṚṚUUNGNGA 7:9

Ṛabbi udde Mawu nabbisara si Gideon, “Apu'ote, Gideon! Inaite pamangalo paddasanannu taumata Midian. I Ya'u sarun mapaauntungi yamiu wuassi mangitou.

1 SAMUEL 17:47

wuṛṛu anambo taumata isindi sarun maasilo manungku Mawu tawe mappandumma hal᷊ele ara'e sambeangnga ipanal᷊amatta alaṛṛanang-Nge. Ete i Tou apan manantunnu lal᷊annu pangalo wuṛṛu i Tou sarun manantilli yamiu sulal᷊ummu liman kami.”