YOSUA 10:41 - WUKE SUSI WATTI'U AL᷊AL᷊USASSA

⁴¹ I Yosua namaddon manga wageangngu leta'a wuassu Kades-Barnea su samba'an timukka maddatingngu Gaza maranin apanne, nasutta lai ahewallu leta'u Gosyen, masal᷊a watukku Gibeon su sawannaka.

YOSUA 10:41 Iomraidhean Croise

PANDARIADDI 10:19

na'oman sara manga passarannu wanua i mangitou niatambanna wuassu Sidon watukku timukka mattudan Gerar, maddatingngu maranin Gaza, wuṛṛu watukku ra'i mattudan Sodom, Gomora, Adma wuṛṛu Zeboim, maddatingngu maranin Lasa.

1 MARARATU 3:5

Rabbi udde Mawu naipasilon batangan-Ne si tou sulal᷊ummu waliawa wuṛṛu nabbisara, “Salomo, paddorongke apa apan ipaapulunu, iddi sarun Ta'u ionggila si'o!”

ZAKARIA 9:5

Soa Askelon wuṛṛu Gaza sarun maasilo si Tou wuṛṛu mabbal᷊i mata'utta. Ekron sarun maasilo si Tou lai wuṛṛu sarun awul᷊iannu al᷊awo'u pangangantimme. Gaza sarun awul᷊iannu ratunne, wuṛṛu Askelon sarun mabbal᷊i mal᷊annabba tawe tumatanangnge.

REENGANNA 13:26

wuṛṛu namasingkatta si Musa, si Harun wuṛṛu anambon ṛuangannu Israel apan tantal᷊anna uaammula su Kades, su wadda'u Paran. I mangitou nabbatti'u sarangkanambone apan buatte niasiloanni mangitou wuṛṛu namasilo manga wua apan uaapidda si mangitou.

REENGANNA 32:8

Manga iamangngu inolaanne aroddi lai, su tempo i ya'u nandolokki mangitou watukku Kades-Barnea niapapal᷊intaddu wanua udde.

REENGANNA 34:4

mabbeṛṛo watukku timukka mattuddan Lal᷊annu Akrabim wuṛṛu masal᷊a watukku Zin maddatingngu Kades-Barnea su timukka. Wua'isudde mabbeṛṛo watukku pal᷊onna ma'oman sara Hazar-Adar, wuṛṛu masal᷊a watukku Azmon.

WATTI'U MANGA RASUL 8:26

Sangkatou mala'ekattu Mawu nabbisara si Filipus, “Ote amata'e! Roote watukku timukka su lal᷊anna apan uasampa'u Yerusalem wuṛṛu Gaza.” Lal᷊anna udde mal᷊annaba tawe damene.

TAHIUL᷊E 1:19

“Ana see uasul᷊ungngu parentan Mawu Ruatan kite, i ite manantangngu Wowon Sinai wuṛṛu umamatta sumabbi wadda'a apan mal᷊alangnga wuṛṛu masahadda mattuddan wageangngu panenteannu taumatan Amori. Su tempo i ite na'omate su Kades-Barnea,

TAHIUL᷊E 2:23

Leta'a su al᷊o'engngu Tahal᷊oangngu Tangngane wawanuannu manga taumata wuassu taṛṛanusan Kreta. I mangitou buatte namate taumatan Awi, tumana'u leta'a udde tutune, ana see natana'a su leta'a udde naddatingngu timukka araune sara soa Gaza.)

TAHIUL᷊E 9:23

Ana see su tempo i yamiu nirolokku Mawu nanantangngu Kades-Barnea inai umamatta wuṛṛu mamanua su leta'a apan sarun ionggoli Tou si yamiu, i yamiu nilumawangnga parenta Mawu Ruatanu; i yamiu maddiri mangimanna ara'e tumuṛṛutta si Tou.

YOSUA 10:12

Su allo udde napawe Mawu nangonggulu auntunganna su taumatan Israel su saruannu taumatan Amori, i Yosua nabbisara Mawu. Wuṛṛu su saruannu taumatan Israel, i Yosua nabbisara, “Ei matannallo! Patta'ale su Gibeon. Wuṛṛu i'o wul᷊anna! Ariete pangingkatta wuassu Wawal᷊annu Ayalon.”

YOSUA 10:2

Tumana'u Yerusalem mangke matta'utta, ana waugu Gibeon udde soa wahewalla; ahewalle uasul᷊ungngu manga soa apan pia ratune, ewe'e lai maggewal᷊anna wuassu Ai. Manga taumatane lai uddewe atumannaṛṛanne apan masingkatta mapapangalo.

YOSUA 11:16

I Yosua nangaṛṛo ahewallu wanua udde – wageangngu panenteanna, wageangngu welen bowone, mawae ete su sawannaka ara'e lai su timukka; see lai ahewallu leta'u Gosyen wuṛṛu wageangngu wadda'a mamara su samba'an timukku Gosyen, see lai wawal᷊annu Yordan.

YOSUA 11:22

Tawe saran sangkatou wuassu walahannu Enak udde nallambe su wageangngu leta'u Israel, tumba'u su Gaza, Gat, wuṛṛu Asdod ta'e pia lambene.

MAL᷊AṚṚUUNGNGA 16:1

Su allo sambau i Simson inaite watukku Gaza. Poiaroddi i tou nassomban sangkatou wawine masandaga, ana see i tou inaite natiilla ringannu wawine udde.

MAL᷊AṚṚUUNGNGA 16:21

Ne manga taumatan Filistin nanamette si tou wuṛṛu nallasso'a matane. I mangitou nangapiddi i Simson watukku Gaza wuṛṛu niṛapussu darua ṛate witu'a, ana see nitaṛo su tatupanna. Poiaroddi i tou niapamanara manggilinga.

1 SAMUEL 6:17

Ringannu aroddi taumatan Filistin buatte nangonggolla su Mawu sasamba aampungnga rosan tumana'u lima soa apan paparentannu siri lima ratun Filistin. Manga soa udde eteudde; Asdod, Gaza, Askelon, Gat wuṛṛu Ekron. Suwallattu manga soa udde pia tanda'a watune, piaddu lai tawe. Suapan soa udde napaapiddu sangkangkumma wul᷊awanna wuṛṛu sambau wal᷊awo wul᷊awanna. Tatialan arariadianna udde eteudde watu wahewalla tampan mangitou nangaddon Wantallu Paairen Mawu. Naddatingngu allo indi watu udde ta'e su wailli Yosua taumatan Bet-Semes udde.