YOSUA 10:40 - WUKE SUSI WATTI'U AL᷊AL᷊USASSA

⁴⁰ Ahewallu wanua udde niaṛṛon Yosua. I tou namaddon manga ratu su wageangngu panenteanna, manga welem buidda samba'an ra'i, su manga wawal᷊annu wowone samba'an baṛṛatta, wuṛṛu su manga wadda'a samba'an timukka. Tawe saran sangkatou apan niwalane wiakka; sarangkanambone nipate. Udde wuassu parenta Mawu, Ruatan Israel.

YOSUA 10:40 Iomraidhean Croise

1 MARARATU 15:29

Tawe nal᷊annu napawe i Baesa naola'e ratu, i tou namate anambon amonanni Yerobeam. Uasul᷊ungngu apa apan buatte niwal᷊on Mawu su allang-Nge, i Nabi Ahia wuassu Silo, ne anambon amonanni i Yerobeam niapate, tawe saran sangkatou apan naatal᷊angnga.

NEHEMIA 9:24

Papapulunni mangitou namaddon leta'u Kanaan; tumanangnge poiaroddi niapasuṛṛubawa-Nu. Uman-Nu I'o nangonggollu taṛṛino walate apulun naungnge su saruannu manga walahanna Kanaan wuṛṛu manga ratune.

DARALO 9:17

Mawu buatte napal᷊iatta'u watangan-Ne ana waugu raṛṛawen-Ne apan matul᷊idda. Taumata lal᷊eo nawontolla sulal᷊ummu inolaanne sassane.

SASABANGNGA 34:12

Imbaṛṛangnga ma'ola'a pa'aire ringannu manga taumata apan rantanni yamiu, ana waugu olangnge udde wotongnge maola'a wal᷊ati'a apan maapate si yamiu.

REENGANNA 13:17

Su tempo i Musa nandolokki mangitou, i tou nananata si mangitou, “Amatte watukku sawannakka, mattuddan wageangngu timukku leta'u Kanaan, ana see nassukka watukku wageangngu wuidda.

TAHIUL᷊E 1:7

Orassa indi hohaṛṛa'e paddasanannu wuṛṛu roote watukku wageangngu panenteannu taumatan Amori wuṛṛu su ahewallu wageangngu leta'a maranine, eteudde Wawal᷊annu Yordan, wageangngu wuidda wuṛṛu leta'a ratakke, wageangngu leta'a su samba'an timukka wuṛṛu su apannu Tahal᷊oangngu Tangngane. Inaite pamanua su leta'u Kanaan wuṛṛu Panenteannu Libanon maddatingngu sal᷊ukka wahewalla Efrat.

TAHIUL᷊E 2:34

Su tempo udde lai i ite nangaṛṛo wuṛṛu naṛṛimunsa'a anambon soa, wuṛṛu namate anambon tumanangnge, esakka, wawine wuṛṛu al᷊aṛṛana'a. Taweddu niwala ta'e wiakka.

TAHIUL᷊E 7:24

I Tou sarun manantillu manga ratun mangitou si yamiu. I mangitou sarun pateanni yamiu, wuṛṛu aranni mangitou sarun timbul᷊iananna. Tawe saran sangkatou apan botongnge maataṛṛangnga sumaruanna si yamiu; i mangitou sarangkanambone sarun pateanni yamiu.

YOSUA 10:35

Su allo udde lai i mangitou naapangaṛṛo Eglon, wuṛṛu namate anambon taumata isudde ere lai niola'i mangitou su Lakhis.

YOSUA 10:37

wuṛṛu nangaṛṛo soa udde. Ratune wuṛṛu suapan taumata sulal᷊ummu soa udde wuṛṛu su manga soa waine maranine isudde, sarangkanambone nipate. I Yosua nakkimunsa'a soa udde ere lai niola'i tou su soa Eglon. Tawe saran sangkatou apan niwala wiakka isudde.

YOSUA 10:39

Soa udde wuṛṛu ratune see lai anambon soa waine maranine isudde niaṛṛon Yosua. Anambon taumata isudde nipate. Yosua namarikka Debir wuṛṛu ratune ere lai i tou namarikka Hebron wuṛṛu Libna wuṛṛu ratune.

YOSUA 11:16

I Yosua nangaṛṛo ahewallu wanua udde – wageangngu panenteanna, wageangngu welen bowone, mawae ete su sawannaka ara'e lai su timukka; see lai ahewallu leta'u Gosyen wuṛṛu wageangngu wadda'a mamara su samba'an timukku Gosyen, see lai wawal᷊annu Yordan.

YOSUA 12:8

Wageangngu leta'a udde eteudde wageangngu panenteanna, wageangngu wawal᷊annu wuidda su samba'an baṛṛatta, Wawal᷊annu Yordan ringannu wageangngu wawal᷊annu wuidda, wageangngu welene su samba'an ra'i, wageangngu wadda'a su samba'a timukka. Manga wageangngu leta'a eteudde wua niatanaannu walahannu Het, Amori, Kanaan, Feris, Hewi wuṛṛu Yebus.

YOSUA 18:21

Manga soa apan tatahuanannu manga amonanna su lal᷊ummu ṛuanganni Benyamin, soa sarangkanambone mapul᷊o dua ringannu manga ampungnga maranine, eteudde: Yerikho, Bet-Hogla, Emek-Kezis, Bet-Araba, Zemaraim, Betel, Haawim, Para, Ofra, Kefar-Haamonai, Ofni wuṛṛu Geba.

YOSUA 6:17

Ahewallu soa ma'oman sara lal᷊oṛṛone ṛinone ṛimunsaanna tawe lambene maola'a sambau sasamba su Mawu. Tumba'u i Rahab wawine masandaga udde wuṛṛu lal᷊oṛṛon bal᷊ene niwala wiakka, ana waugu i tou buatte nantul᷊ungngu matataṛṛaso'on kite.

YOSUA 8:2

Ai wuṛṛu ratune ṛinone olaanna ere lai i'o na'ola'a Yerikho wuṛṛu ratune rorone. Arawe paassa indi manga saranapane wuṛṛu manga winatange wotongnge anuanni yamiu maola'a pussa'anu. Pandiahite inai mamangalo soa udde ringannu paṛṛindu'anna wuassu liudde.”

YOSUA 8:27

Winatanga wuṛṛu manga saranapa apan niaaṛṛo su soa udde, nianu manga taumatan Israel maola'a pussa'a mangitou, ere buatte niwal᷊o Mawu si Yosua.

YOSUA 9:24

I mangitou sinumimbakka, “Yami nangawusu aroddi ana waugu yami naaringikka manungku Mawu Ruata apan sassubbanni Tuanga udde buatte nandolokki Musa, allang-Nge udde, nangonggola si Tuangnga ahewallu wanua indi wuṛṛu iapapate anambon tumanange su tempo i Tuanga manganu leta'a udde. I yami mangke matta'utta amungkangu i yami lai pateanna, ana waugu udde i yami na'ola'a sarangkanambone udde.