YOSUA 1:7 - WUKE SUSI WATTI'U AL᷊AL᷊USASSA

⁷ Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.

YOSUA 1:7 Iomraidhean Croise

1 MARARATU 2:2

“Nia'omante tempone i ya'u nate. Ṛinone i'o mangngimanna wuṛṛu waṛṛani.

1 MARARATU 2:3

Pammanarate apa apan niparentan Mawu Ruatanu si'o. Paatuṛṛutte su anambon manga tita wuṛṛu manga parenta-Ne apan uawoṛṛetta sulal᷊ummu Wuke Musa, tadea'u watukkuapa i'o inai i'o sarun mahessi sulal᷊umu al᷊awo'u manaranu.

2 MARARATU 22:2

I Yosia pallal᷊agune maal᷊uassa naungngu Mawu. I tou nangaṛṛussa pallal᷊agun Ratu Daud al᷊amonane, wuṛṛu mappaamattu titan Duata ringannu ahewallu naungnge.

1 TAWARIKH 22:13

Amungkangu i'o matuṛṛutta su anambon tita apan nionggolu Mawu si Musa su walahannu Israel, i'o sarun maasomba auntunganna. I'o ṛinone pia pangangimanna wuṛṛu waṛṛani. Imbaṛṛangnga mata'utta sumaruanna al᷊awo'u hal᷊ahe.

2 TAWARIKH 15:7

Arawe i yamiu ṛinone matammudda wuṛṛu waṛṛani. Inasaharannu sarun pia gessine.”

2 TAWARIKH 26:5

Zakharia eteudde sangkatou mananantiro su pangangimanne. Su al᷊o'engngu i Zakharia ta'e mabbiakka, Uzia ringannu matuṛṛutta mattaṛṛamawu Mawu na'oman sara Mawu nangal᷊amatta si tou.

AYUB 1:8

Ana see Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu apiane ere i tou. I tou massubba si Ya'u wuṛṛu tawe saran paassa ma'ola'a al᷊al᷊eo.”

DARALO 80:19

Ne i yami tate lai sumewadda wuassu lal᷊an-Nu; riagaite wiakki yami, ne i yami sarun maddalo Si'o.

AMSAL 4:27

Pangindauten al᷊al᷊eo, wuṛṛu pabbiakke ringannu matul᷊idda. Imbaṛṛangnga sumewadda wuassu lal᷊anna apan atonna.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

REENGANNA 27:23

Ana see i tou nangandangngu limane su wowon puan Yosua wuṛṛu namasingkatta manungku i Yosua pinallol᷊ossa si tou, ere buatte niwal᷊on Mawu si tou.

TAHIUL᷊E 11:8

“Paatuṛṛutte anambon tita apan ta'u niapasingkatta si yamiu allo indi, ya'u wotongnge lumewessa sal᷊ukka wuṛṛu maasutta watukku wanua apan tate malannu lai atanaanni yamiu.

TAHIUL᷊E 12:32

Tuṛṛutte sarangkanambone apan ta'u nirolokka si yamiu; arie pattambai ara'e hainganna.

TAHIUL᷊E 28:14

Arawe imbaṛṛangnga saran paassa maabul᷊in manga parenta udde salaiwe ringannu ereapa olangnge. Imbaṛṛangnga lai massubba wuṛṛu mattaṛṛamawu su manga mawu waine.”

TAHIUL᷊E 29:8

Leta'i mangitou niaṛṛon kite wuṛṛu tinahian kite su ṛuanganni Ruben, i Gad wuṛṛu sambageanganna ṛuanganni Manasye.

TAHIUL᷊E 29:9

Ne i yamiu ṛinone matammuda tuttuṛṛuta al᷊awo'u pa'aire-Ne indi tadea'u i yamiu mahessi su al᷊awo'u inasaharannu.

TAHIUL᷊E 31:7

Ana see i Musa namago si Yosua, wuṛṛu su saruannu anambon walahannu Israel i tou nabbisara si Yosua, “Ṛinone naungngu matammudda wuṛṛu waṛṛani, Yosua! Ete i'o apan sarun mamiaṛṛa'u walahanna indi inai matana'a su wanua apan pina'iren Mawu su iupungngu al᷊amona mangitou.

TAHIUL᷊E 4:2

Apa apan nirolo'u, arie pattambai ara'e hainganna sarangkadio'a. Paatuṛṛute manga parentan Mawu Ruatanu apan ta'u nionggola si yamiu.

TAHIUL᷊E 5:32

Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.

YOSUA 1:1

Napawe i Musa natete, allangngu Mawu udde, Mawu nabbisara su tepelli Musa eteudde Yosua ana'i Nun.

YOSUA 1:8

Wuken tita udde ṛinone masokka iwasanu su al᷊aṛṛana'-U. Wasa'e wuke udde allo wuṛṛu ṛabbi, tadea'u i'o sidutu tuttuṛṛuta manga tita apan uawoṛṛetta sul᷊alumme. Amungkangu i'o tuttuṛṛuta sarangkanambone udde, ne wiakku sarun mal᷊uassa wuṛṛu maaola'a sarangkanambone.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

YOSUA 11:15

Sarangkanambone apan nirolokku Mawu si Musa, allang-Nge, buatte niwal᷊on Musa si Yosua, wuṛṛu niola'i Yosua; tawe saran sambau apan tawe niolangnge.

YOSUA 23:6

Ana waugu udde, paatehamma tadea'u i yamiu sidutu tuttuṛṛuta wuṛṛu mapaamattu al᷊awo'a apan uawoṛṛeta su lal᷊ummu Wuken Tita Musa. Imbaṛṛangnga lumawanna saran sambau wuassu manga tita udde.