YOSUA 1:5 - WUKE SUSI WATTI'U AL᷊AL᷊USASSA

⁵ Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

YOSUA 1:5 Iomraidhean Croise

PANDARIADDI 39:2

Mawu nantul᷊ungngi Yusuf na'oman sara i tou sidutu ma'auntunga sulal᷊ummu al᷊awo'u manarane. I tou uatana'a su wal᷊en mawune, taumatan Mesir udde.

1 MARARATU 1:37

Su ereapa Mawu buatte nakkundinganna si Tuangnga, antimanna i Tou lai makkundinganna si Salomo. Antimanna Mawu ma'ola'a pamamarentane lembon tumelengnga wuassu pamamarentan Tuangnga.”

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 MARARATU 6:13

I Ya'u sarun matana'a su wal᷊en apan niolangngu indi su pattangngannu uma-U Israel. I Ya'u tawe manantangngi mangitou.”

1 MARARATU 8:57

Antimanna Mawu Ruatan kite uaṛundinganna si ite su ereapa i Tou lai uaṛundinganna al᷊amonan kite. Antimanna i Tou tawe manantangngi ite.

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YEREMIA 1:8

Arie paata'utti mangitou, ana waugu i Ya'u sarun maṛṛundinganna si'o tadea'u mallu'adda si'o. Ya'u, Mawu, buatte nabbisara!”

DANIEL 11:16

Ratun banua sawannakka udde sarun ma'ola'a walate apulun naungnge ringannu tawe naasomba tatompolla sarang kaddio'a. I tou lai sarun matana'a su leta'a apan maṛṛansangnga wuṛṛu anuanna abbi.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

TAHIUL᷊E 20:1

“Amungkangngu i yamiu inai mapapangalo mandoappa manga seennu, imbaṛṛangnga mata'utta maasilo keretan pangalo wuṛṛu awal᷊on mangitou apan manambo see lai tantaran mangitou apan reenganne nilumebbe wuassu reenganni yamiu. Mawu Ruatanu apan namallossi yamiu wuassu Mesir sarun mantul᷊ungngi yamiu.

TAHIUL᷊E 20:4

Mawu Ruatanu sarun tumantalongnga mantul᷊ungngi yamiu, wuṛṛu i Tou sarun mangonggolu auntunganna si yamiu.’

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

TAHIUL᷊E 4:31

Mawu Ruatanu eteudde Mawu apan maakkanna. I Tou tawe manantangnga ara'e mamate si yamiu, ara'e maabul᷊im pa'aire apan niolang-Nge sassane ringannu al᷊amonanu.

TAHIUL᷊E 7:24

I Tou sarun manantillu manga ratun mangitou si yamiu. I mangitou sarun pateanni yamiu, wuṛṛu aranni mangitou sarun timbul᷊iananna. Tawe saran sangkatou apan botongnge maataṛṛangnga sumaruanna si yamiu; i mangitou sarangkanambone sarun pateanni yamiu.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

YOSUA 1:17

Yami sarun matuṛṛutta si'o, ere lai yami sidutu tuttuṛṛuta si Musa. Antimanna Mawu Ruatanu maṛundingannu ere i Tou uaṛṛundinganna si Musa!

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

YOSUA 10:8

Mawu nabbisara si Yosua, “Arie pa'ata'utti mangitou. Auntunganna buatte Ta'u nionggola si'o, ana waugu tawe sangkatou wuassi mangitou maaro'appa si'o.”

YOSUA 21:44

Ne ere buatte pina'ire Mawu su iupungngu al᷊amonan mangitou, wanua udde matammudda ana waugu lal᷊u'arannu Mawu. Manga seetti mangitou tawe saran sangkatou maaroappa si mangitou, ana waugu Mawu nangonggolu auntunganna su taumatan Israel su al᷊awo'u seetti mangitou.

YOSUA 3:7

Mawu nabbisara si Yosua, “Manattaka allo indi i'o sarun Ta'u olaanna taumata wahewa ma'oman sara anambon ṛuangannu Israel mangaddata si'o wuṛṛu maatutukka manungku i Ya'u su sandiṛṛannu ere lai Ya'u su sandiṛṛanni Musa.

YOSUA 6:27

Mawu uaṛundinganna si Yosua, wuṛṛu aranni Yosua tinumelengke su ahewallu wanua udde.

MAL᷊AṚṚUUNGNGA 2:18

Amungkangngu Mawu mangonggolu sangkatou piaṛṛa'a su walahannu Israel, Mawu sidutu ual᷊u'adda piaṛṛa'a udde. Su al᷊o'engngu piaṛṛa'a udde mabbiakka, Mawu sidutu mapal᷊iun mangitou wuassu manga seetti mangitou. I Tou u'akkanni mangitou napawe I Tou maaringikka i mangitou sussal᷊iomanna ana waugu pappateanna ara'e tawe maal᷊ore.

MAL᷊AṚṚUUNGNGA 6:16

“I'o wotongnge!” unnu Mawu, “ana waugu i Ya'u sarun massumbala si'o. Manga taumata Midian wotongnge ṛimunsaannu ringannu mal᷊uassa, i'o naal᷊ihidda tumba'u uasaruanna sangkatou.”

1 SAMUEL 10:7

Napawe sarangkanambone udde matipusse, ola'e manara tumuṛṛuttu apendammu mapia, ana waugu Ruata uaṛundinganna si'o.