YOSUA 1:4 - WUKE SUSI WATTI'U AL᷊AL᷊USASSA

⁴ Leta'a sarun mawannada wuassu wadda'a su timukka ma'oman sara watukku wowonen Libanon su sawannaka wuṛṛu wuassu Sal᷊ukku Efrat apan bahewalla udde masassukka mamal᷊iwutta wanuan balahannu Het ma'oman sara watukku Tahal᷊oangnga Tangngane su waṛṛata.

YOSUA 1:4 Iomraidhean Croise

1 MARARATU 10:29

wuṛṛu manga keretan pangalo niranta wuassu Mesir. Awal᷊o sambau aregane 150 roitta sal᷊a'a, wuṛṛu sambau keretan pangalo aregane 600 roitta sal᷊a'a. Wua'udde wuassu manga maddaragangnga udde lai manga awal᷊o wuṛṛu manga keretan pangalo udde niwalu'a apia su manga ratun Het wuṛṛu manga ratun Siria.

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

1 TAWARIKH 18:3

Wua'udde i Daud namaddon Hadadezer, ratu su Zoba maranin leta'u Hamat su wanuan Siria. Sutempo udde i Hadadezer tantal᷊anna sulal᷊ummu amatanna inai mamangalo leta'a maranin ul᷊une su Sal᷊ukku Efrat.

1 TAWARIKH 5:9

I mangitou uapadul᷊i manambo winatangnga su wageangngu Gilead. Ana waugu udde, i mangitou namanua su wageangngu samba'an ra'i na'oman sara su wadda'a apan uapannatta araune naddatingngu Sal᷊ukku Efrat.

EZRA 4:20

Su paassa buatte manga ratu apan matohassa namarenta poiaroddi wuṛṛu uataṛṛino ahewallu propinsi Efrat Waṛṛatta see napaamattu wose wuṛṛu aonggolla.

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

TAHIUL᷊E 1:7

Orassa indi hohaṛṛa'e paddasanannu wuṛṛu roote watukku wageangngu panenteannu taumatan Amori wuṛṛu su ahewallu wageangngu leta'a maranine, eteudde Wawal᷊annu Yordan, wageangngu wuidda wuṛṛu leta'a ratakke, wageangngu leta'a su samba'an timukka wuṛṛu su apannu Tahal᷊oangngu Tangngane. Inaite pamanua su leta'u Kanaan wuṛṛu Panenteannu Libanon maddatingngu sal᷊ukka wahewalla Efrat.

TAHIUL᷊E 11:24

Suapan wageangngu leta'a apan amatanni yamiu sarun mabbal᷊i pussaanu. Letangngu mawannadda wuassu wadda'a su samba'an timukka maddatingngu Panenteannu Libanon su samba'an sawannakka, wuṛṛu wuassu Sal᷊ukku Efrat su samba'an da'i maddatingngu Tahal᷊oangngu Tangngane su samba'an baṛṛatta.

TAHIUL᷊E 3:25

Wala'awe i ya'u inai malliu Sal᷊ukku Yordan, oh Mawu, inai ma'ellega wanua apan masuwukka su samba'ane, leta'u panenteanna apan maṛṛamaga wuṛṛu Panenteannu Libanon.

SONDAPPA 9:14

Tingikka udde nabbisara su mala'ekatta aiannume udde, “Pallosa'a sire appata mala'ekatta apan raṛṛapusanna su Sal᷊ukku Efrat udde!”