YOHANES 9:34 - WUKE SUSI WATTI'U AL᷊AL᷊USASSA

³⁴ Sasimbakki mangitou, “Apa? I'o apan napenen rosa ro'e niariaddine, i'o ma'apulu mangngaṛṛa'a si yami?” Ne nanattakka orassa udde i tou isassingadde sumutta su wal᷊em pattataṛṛamawuanna.

YOHANES 9:34 Iomraidhean Croise

PANDARIADDI 19:9

Arawe unnu manga taumatan Sodom udde si Lot, “Passal᷊iu, I'o taumata raho mangatokki yami? Ei, passal᷊iu! Amungkangngu tawe massal᷊iu, i'o sarun puul᷊anni yami ma'ikkatanna wuassu taumata ruan katou udde.” Ana see i mangitou nanuṛṛuddi Lot wuṛṛu nangelekka nanggohakka ngara.

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

AYUB 14:4

Wotongngewe taumata apan marosa mandantan inolaanna apan nasuungnga?

AYUB 25:4

Wotongngewe taumata na'ukkassa su matan Duata? Wotongngewe i tou waresi su aellegu Mawu?

DARALO 51:5

Ana waugu i ya'u mangnga'u manga pasasal᷊a'u, rosa'u sidutu nanaungangku.

SASABANGNGA 2:14

Taumata udde sinumimbakka, “Isai namile si'o maola'a piaṛṛangnge wuṛṛu mallaṛṛuungngi yami? I'o maapulu lai mamate si ya'u, ere lai taumata Mesir apan nipatenu udde?” Ana see i Musa nata'utta wuṛṛu naṛṛingidda, “Nasilakate! Inolaangku udde niasingkatante.”

AMSAL 22:10

Limbuaṛṛete taumata apan taṛṛa al᷊uandaga, ne naddote patatiakka, pasaseetta wuṛṛu ual᷊al᷊obbossa.

AMSAL 26:12

Taumata woddo ta'e lai mappianne wuassu taumata apan massunna watanganne pande.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

YESAYA 65:5

I mangitou mabbisara ‘Roote paarau, arie pangeṛṛetta si yami ana waugu i yami na'ukkassa wuṛṛu uaṛṛae wuassi yamiu!’ I Ya'u tawe maaṛṛaddanna maasilo pallal᷊aghu mangitou! Asasa'u-U si mangitou naal᷊ihidda putungnga apan tawe mappaddumma.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

LUKAS 11:45

Sangkatou hurun agama nabbisara Mawu Yesus, “Iamangnga Huru, ringannu manga wisara udde, Iamangnga mangngadio'a lai si yami!”

LUKAS 14:11

Ana waugu suapan taumata apan mannaggakku watanganne sarun iapaawawo, arawe isai mammawon batanganne sarun iapaatanggakka.”

LUKAS 18:17

Naungete! Taumata apan tawe sumaruanna Ruata ere sangkatou ana'a, tawe maola'a lal᷊oṛṛon araratuannu Ruata.”

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.

YOHANES 8:41

I yamiu ma'ola'a ere apa apan niola'u iamangngu sassane.” Sasimbakki mangitou, “I yami wal᷊ine al᷊aṛṛana'a su liuddu awingnga. Iamangngi yami tumba'u sangkatou eteudde Ruata sassane.”

YOHANES 9:2

Manga mallal᷊aṛṛenggennu Mawu Yesus naiwal᷊o Mawu Yesus, “Iamangnga Huru, anio taumata indi niasungkangnga matane wuta? Apa ana waugu i tou sassane marosa ara'e hagurangnge marosa?”

YOHANES 9:22

Inangnga iamangngu taumata udde sinumimbakka aroddi ana waugu i mangitou matta'uttu manga piaṛṛa'u Yahudi; ana waugu i mangitou na'irete, manungku taumata apan manga'u Mawu Yesus Ratum Punnu Sal᷊amatta, tate wotongnge sumutta su wal᷊em pattataṛṛamawuanna.

YOHANES 9:35

Mawu Yesus naaringikka manungku i mangitou suete naningaddu taumata udde sumutta su wal᷊en pattataṛṛamawuanna. I Tou nadea'e taumata udde see nabbisara si tou. “Apa i'o mangngimanna Ana'u Taumata?”

YOHANES 9:40

Manga pira taumatan Farisi naaringikka Mawu Yesus nabbisara aroddi, see i mangitou naiwal᷊o si Tou, “Pandumannu i yami indi lai wuta?”

GALATIA 2:15

Atonna tumuṛṛuttu tampa inariadianna, i yami indi taumatan Yahudi wuṛṛu wal᷊ine “taumata wal᷊ine Yahudi apan marosa.”

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

3 YOHANES 1:10

Napawe i ya'u rumanta, i ya'u sarun mamasingkattu al᷊awo'u inolaanne, eteudde inolaanna apan lal᷊eo wuṛṛu awusu apan niwisaran tou su ola'i yami! Arawe sarangkanambone udde taambe nasuungnga maola'a hunane. Su tempo manga hawe labissa taumatan Saṛṛani udde nirumanta, i tou maddiri manarimmatti mangitou. Ewe'e lai tou naningaddu manga taumata apan maapulu manarimmattu manga tuṛṛangnga udde, wuṛṛu i tou nandolokku manga taumata udde sumabbanga wuassu jamaatta!

3 YOHANES 1:9

I ya'u suete namoṛṛettu suratta apan maautta su jamaatta, arawe Diotrefes apan maapulu maola'a piaṛṛa'u jamaatta, maddiri tumuṛṛutta si ya'u.

SONDAPPA 13:17

Tawe saran sangkatou wotongnge mamalli ara'e mabbal᷊u'u sarannapa, amungkangu i tou tawe tatiala udde, eteudde arannu winatangnga udde sassane, ara'e woṛṛetta papasingkatu aranna udde.