YOHANES 9:31 - WUKE SUSI WATTI'U AL᷊AL᷊USASSA

³¹ I ite masingkatta manungku Ruata tawe madaringikka taumata marosa, ewe'e taumata apan mangngaddatta Ruata, wuṛṛu tuttuṛṛutta apulu-Ne.

YOHANES 9:31 Iomraidhean Croise

PANDARIADDI 19:29

Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

PANDARIADDI 20:7

Arawe orassa indi, paawelenga'e i tou ringannu awingnge. Awingnge sangkatou nabi, wuṛṛu i tou sarun umal᷊iomannu, tadea'u i'o tawe mate. Arawe amungkangngu i'o tawe mapaawelengngi tou, naunge, i'o wuṛṛu anambon tumana'u soanu sarun mate!”

AYUB 35:12

Manga taumata niallangnga i tou ma'ial᷊are, arawe Ruata mal᷊annabba ana waugu i mangitou lal᷊eo wuṛṛu napenen awawunga.

AYUB 35:13

Tawe gunane i mangitou mangngintul᷊i ma'ikka-ikkatta; Apan Lembontaṛṛino tawe maasilo ara'e maaringikka si mangitou.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

DARALO 106:23

Ne Ruata pia pandumma mamate al᷊aṛṛanang-Nge, arawe niwo'anni Musa, taumata nipile-Ne. I Musa nabbal᷊i mananangnga si mangitou, na'oman sara asasa'un Duata nompo'a.

DARALO 143:10

Tantiroiwe i ya'u tumuṛṛutta apulu-Nu, ana waugu ete I'o Ruata'u. I'o masaṛṛionto'a, wuṛṛu sarun mangehetta si ya'u su lal᷊anna apan mal᷊aukka.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

DARALO 18:41

I'o na'ola'a see'u tinumal᷊anga wuassu si ya'u; manga taumata apan maddantina ta'u nipate.

DARALO 40:8

Ana see i ya'u nabbisara, “Indete i ya'u, sulal᷊ummu lul᷊unnu wuke niwoṛetta si ya'u.

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

AMSAL 15:29

Mawu maddaringikka napawe taumata mapia umal᷊iomanna, arawe i Tou tawe mappandumma taumata marosa.

AMSAL 21:13

Isai maddiri maddaringikka sasal᷊iomannu taumata apan awussa tawe daringiṛṛanna amungkangngu i tou sassane maiontolla.

AMSAL 28:9

Amungkangngu i'o tawe tumuṛṛutta titan Duata, Ruata lai sarun masamballu aal᷊iomannu.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

YESAYA 58:9

Amungkangngu i yamiu umal᷊iomanna, i Ya'u sarun maddaringikka. Amungkangngu i yamiu ma'ilal᷊are si Ya'u, i Ya'u sarun sumimbakka. Ariete pangallangnga sansul᷊ungngu, addoa'e pasaseetta wuṛṛu aal᷊uandaga.

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

MIKHA 3:4

Sarun a'omanna tempone i yamiu mangintul᷊i maiontolla su Mawu, arawe i Tou maddiri sumimbaka. i Tou tawe maddaringikka manga aal᷊iomannu, ana waugu i yamiu buatte na'ola'a al᷊al᷊eo.

ZAKARIA 7:13

I Ya'u tawe sumimbakka aal᷊iomanni mangitou, ana waugu i mangitou lai tawe maddaringikka sutempo i Ya'u mabbisara.

YOHANES 11:22

Arawe aroddi i ya'u masingkatta manungku orassa indi lai Ruata sarun mangagillu apa apan radorongannu Mawu si Tou.”

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

YOHANES 9:30

Taumata udde sinumimbakka, “Ma'atiangnga atonna manungku i yamiu wagga wuassuapa inarantan-Ne, wuṛṛu see i Tou suete na'ola'a si ya'u naasilo.

YOHANES 9:32

Ro'en panattaṛṛannu runia taambe niaringiṛṛanna pia taumata ma'apia taumata wuta ro'eniasungkangnga see wotongnge maasilo.

TAHIUL᷊E 1:45

Wua'udde i yamiu nabelengnga wuṛṛu sinumal᷊ande su Mawu maiontolla, arawe i Tou maddiri maddaringikka ara'e ma'ellega si yamiu.”

IBRANI 10:7

See i Ya'u nabbisara, ‘Ete indi Ya'u, oh Ruata! I Ya'u nirumanta tadea'u tumuṛṛutta apulu-Nu, ere uawoṛṛetta su ola'u riri-U sulal᷊ummu Wuke Susi.’ ”