YOHANES 8:41 - WUKE SUSI WATTI'U AL᷊AL᷊USASSA

⁴¹ I yamiu ma'ola'a ere apa apan niola'u iamangngu sassane.” Sasimbakki mangitou, “I yami wal᷊ine al᷊aṛṛana'a su liuddu awingnga. Iamangngi yami tumba'u sangkatou eteudde Ruata sassane.”

YOHANES 8:41 Iomraidhean Croise

SASABANGNGA 4:22

Ana see wal᷊oa'e su ratu udde manungku i Ya'u, Mawu, nananata arendi; ‘Israel uddewe ana'U pahul᷊une,

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MALEAKHI 2:11

Umattu Yehuda buatte nilumawangnga paairen Duata si mangitou wuṛṛu ma'ola'a manga inolaanna apan maarantinna su Yerusalem wuṛṛu su ahewallu wanua. I mangitou buatte nandal᷊eo Wal᷊en Mawu apan arangnguanne wuṛṛu naawingngu manga wawine apan massubba manga mongannu walahanna waine.

YOHANES 8:38

Apa apan niasiloang-Ku wuassu Iamang-Ku eteudde apan iwabbisara-U. Arawe i yamiu tuttuṛṛutta apa apan iaaṛṛa'i iamangngu si yamiu.”

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

TAHIUL᷊E 14:1

“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

1 YOHANES 3:12

Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.