YOHANES 8:33 - WUKE SUSI WATTI'U AL᷊AL᷊USASSA

³³ “I yami indi papapulunni Abraham,” unni mangitou. “Taambe saran paassa i yami naola'a allangngi sai-sai! Apa pandumannu ringannu mabbisara, ‘I yamiu sarun ipallossa’? ”

YOHANES 8:33 Iomraidhean Croise

PANDARIADDI 15:13

Mawu nabbisara si tou, “Paanaunge, papapulunnu sarun mabbal᷊i taumata raho su wanua waine; i mangitou sarun maola'a allangnga poiaroddi wuṛṛu sarun mattaṛṛuallangnga appattu ṛasutta su tonnane al᷊annune.

EZRA 9:9

Sutempo i yami ta'e su patataṛṛuallanga, I'o tawe nanantangngi yami. I'o na'ola'a si yami raddangnguannu manga ratun Persia wuṛṛu niwala mabbiakka see na'ola'a apia Wal᷊en-Nu apan ete winal᷊alanna udde. I'o nangongonggolla si yami atanaanna isindi, su Yehuda wuṛṛu Yerusalem.

IMAMATTA 25:42

Taumatan Israel uddewe manga allangngu Mawu; ete i Tou apan nangapiddi mangitou sinumabbangnga wuassu Mesir, wuṛṛu ana waugu udde i mangitou tawe wotongnge iwal᷊u'a maola'a allangnga.

MATIUS 3:9

Arie massunna manungku i yamiu mal᷊iu wuassu ṛuumanna ringannu mabbisara manungku i Abraham uddewe iupungngu al᷊amonang kamiu. Naunge, wuassu manga watu indi lai, Ruata wotongnge ma'ola'a papapulunni Abraham!

LUKAS 3:8

Pasiloa'e ringannu pallal᷊agunu manungku i yamiu nawal᷊ute wuassu manga rosanu! Arie mabbisara manungku Abraham udde iupungngu al᷊amonanu. Naunge: Wuassu manga watu indi lai Ruata wotongnge ma'ola'a papapulunni Abraham!

YOHANES 19:25

Maranin arussa Mawu Yesus uarisikka inangngu Mawu Yesus, wuṛṛu tuṛṛangngu inang-Nge wawine, i Maria awingngi Klopas, wuṛṛu i Maria Magdalena.

YOHANES 8:37

Atonna i Ya'u masingkatta manungku i yamiu indi papapulunni Abraham. Arawe i yamiu maapulu mamate si Ya'u, ana waugu i yamiu maddiri manarimmattu al᷊aṛṛa-U.

YOHANES 8:39

I mangitou sinumimbakka, “Iamangngi yami eteudde i Abraham.” “Unnu wisara atonna-tonna i yamiu ana'i Abraham,” unnu Mawu Yesus, “i yamiu ṛinone ma'ola'a apa apan a'olaanni Abraham.

YOHANES 8:43

Anio i yamiu tawe maasunna apa iwabal᷊o-U? Ana waugu i yamiu tawe maataṛṛangnga maddaringikka al᷊aṛṛa-U.

ROMA 9:7

Wal᷊ine anambon papapulunni Abraham udde maola'a al᷊aṛṛana'u Ruata. Ana waugu Ruata nabbisara si Abraham, “Tumba'u papapulunni Ishak apan isaggo papapulunnu.”

MAL᷊AṚṚUUNGNGA 2:18

Amungkangngu Mawu mangonggolu sangkatou piaṛṛa'a su walahannu Israel, Mawu sidutu ual᷊u'adda piaṛṛa'a udde. Su al᷊o'engngu piaṛṛa'a udde mabbiakka, Mawu sidutu mapal᷊iun mangitou wuassu manga seetti mangitou. I Tou u'akkanni mangitou napawe I Tou maaringikka i mangitou sussal᷊iomanna ana waugu pappateanna ara'e tawe maal᷊ore.

MAL᷊AṚṚUUNGNGA 3:8

Ne Mawu nasa'u su taumatan Israel, wuṛṛu namalan mangitou niwaddon Ratu Kusyan-Risyataim wuassu Mesopotamia. Ual᷊u tonna al᷊annune ratu udde uaparenta si mangitou.

MAL᷊AṚṚUUNGNGA 4:3

I Yabin uatahuanna 900 keretan pangalo wuassu atta'a. Ruan pul᷊o su tonnane al᷊annune i tou uaparenta taumatan Israel ringannu maṛaggissa. Wua'udde i mangitou sinumal᷊ande maiontolla su Mawu.