YOHANES 8:31 - WUKE SUSI WATTI'U AL᷊AL᷊USASSA

³¹ Wua'udde Mawu Yesus nabbisara su manga taumatan Yahudi apan nangimante si Tou, “Amungkangngu i yamiu mabbiakka tuttuṛṛutta al᷊aṛṛa-U, i yamiu atonna-tonna mallal᷊aṛṛenggeng-Ku,

YOHANES 8:31 Iomraidhean Croise

MATIUS 24:13

Arawe taumata apan matataṛṛangnga saran pangudusanne, sarun masal᷊amatta.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

YOHANES 2:2

Mawu Yesus wuṛṛu mallal᷊aṛṛenggen-Ne niwal᷊oanna lai su andeangnga udde.

YOHANES 6:55

Ana waugu ṛeme-U atonna-tonna udde anna, wuṛṛu raṛṛa-U atonna-tonna udde inumanna.

YOHANES 8:36

Ana waugu udde, amungkangngu ana'a mamallossi yamiu, i yamiu atonna-tonna mapallossa.

WATTI'U MANGA RASUL 13:43

Napawe manga taumata sinumabangke wuassu wal᷊em pattataṛṛamawuanna udde, i Paulus wuṛṛu i Barnabas nitantalongannu manambo taumatan Yahudi wuṛṛu taumatam walahanna waine apan suete sinumutta agaman Yahudi. Ne manga rasul udde nangaṛṛa'a si mangitou tadea'u i mangitou sidutu uaantimma al᷊amattu Ruata.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

WATTI'U MANGA RASUL 26:22

Arawe na'oman sara orassa indi ya'u mangke su lu'addu Ruata, na'oman sara lai ya'u wotongnge dirumarisikka isindi mangonggolu tiala'u su anambon taumata – timmade ara'e dario'a. Apa apan iwabatti'u indi tawe paddaṛṛalanne wuassu apa apan suete niapasingkattu manga nabi wuṛṛu i Musa;

ROMA 11:22

Nariaddi isindi i ite naasilo aroddi apiane Ruata wuṛṛu aroddi aattike lai i Tou. I Tou maṛṛagissa su saruanni mangitou apan marosa, arawe naungngi Tou masaṛṛionto'a si'o – sambal᷊iate i'o sidutu mabbiakka wuassu darangngu-Ne. Amungkangngu tawe, i'o lai sarun iramme.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

1 TIMOTIUS 2:15

Salaiwe aroddi, wawine sarun masal᷊amatta ringannu mangunsiwen ana'a, sambal᷊iate i tou ringannu masaṛṛionto'a sidutu mangngimanna si Kristus wuṛṛu sidutu marangngu taumata waine wuṛṛu mabbiakka hunane su Ruata sassane.

1 TIMOTIUS 4:16

Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

2 TIMOTIUS 3:14

Arawe i'o, Timotius, ṛinone i'o sidutu uaaggasa manga al᷊aṛṛa'a naṛṛino apan suete niaṛṛa'a si'o wuṛṛu pangimanannu atonna; ana waugu i'o masingkata isai manga hurunu.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

IBRANI 8:9

Wal᷊ine ere pa'aire apan niola'u Ruata su iupungngu al᷊amona mangitou su tempo i Ya'u mangngehetta si mangitou sumabangnga wuassu leta'u Mesir. I mangitou mal᷊awangnga su pa'aire apan suete Ta'u niola'a ringanni mangitou; ana waugu udde i Ya'u tate mappanduma si mangitou.

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

1 YOHANES 2:24

Ana waugu udde, watti'a apan suete niaringiṛṛani yamiu ro'en panattaṛṛanne i yamiu mangngimanna, ṛinone rariagganni yamiu mapia-pia sulal᷊ummu naungnga. Amungkangu watti'a udde, tatutuṛṛanni yamiu mapia-pia, i yamiu sarun mabbiakka sidutu uaaukka ringannu Ana'a wuṛṛu Iamangnga.

2 YOHANES 1:9

Taumata apan tawe uaaggassa al᷊aṛṛa'i Kristus, arawe sinumewada wuassu apa apan niaṛṛa'i Kristus, taumata udde tawe maatuahanna Ruata. Taumata apan siddutu uatundeeta su al᷊aṛṛa'i Kristus, atappasanne uatahuanna Ruata Iamangnga aroddi lai Ana'a.

1 SAMUEL 12:14

Lal᷊umanna'a si yamiu amungkangu i yamiu mangngaddatta Mawu wuṛṛu mattaṛṛamawu si Tou, lapiddu maddaringikka wuṛṛu tuttuṛṛutta parenta-Ne, nangillembo lai amungkangu i yamiu wuṛṛu ratunu udde sidutu tuttuṛṛutta Mawu Ruatanu.