YOHANES 8:16 - WUKE SUSI WATTI'U AL᷊AL᷊USASSA

¹⁶ Arawe unnu wisara i Ya'u mamarikissa taumata, i Ya'u maṛṛawessa udde matul᷊ida, ana waugu i Ya'u tawe sassane; Iamangnga apan nandolo-U su sambau lai ringang-Ku.

YOHANES 8:16 Iomraidhean Croise

DARALO 98:9

Ana waugu i Tou nirumanta makkuungngu runia; manga walahanna sarun ṛuungan-Ne ringannu atatul᷊idda wuṛṛu su ṛinone.

DARALO 99:4

Taṛṛino ete Si'o, Ratu apan marangngu tita; I'o buatte napararisikku apapia; I'o buatte napaamattu tita wuṛṛu atatul᷊idda su Israel.

YESAYA 9:7

Mawu buatte nangema'u ṛuumanna su araratuannu Israel.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

YOHANES 16:32

Paanaunge! Tempone sarun rumanta, ewe'e nia'omante, i yamiu sarun massal᷊iawukka. I yamiu sarun mapul᷊e su wal᷊en sangkatou-sangkatou wuṛṛu manantang-Ku sassane. Arawe i Ya'u tawe sassane ana waugu Iamangnga udde ringang-Ku.

YOHANES 8:29

Wuṛṛu i Tou apan nandolo-U indi su sambau ringang-Ku. I Tou tawe mamala-U sassane, ana waugu i Ya'u sidutu ma'ola'a inolaanna apan maal᷊uassa naung-Nge.”

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”