YOHANES 8:15 - WUKE SUSI WATTI'U AL᷊AL᷊USASSA

¹⁵ I yamiu mammarikissa taumata ringannu apulun taumata; i Ya'u tawe mamarikissa saran sangkatou.

YOHANES 8:15 Iomraidhean Croise

AMOS 5:7

Nasilakate i yamiu, i yamiu apan mammal᷊elongngu atatul᷊idda wuṛṛu mandal᷊eo pabbiaṛṛannu taumata!

AMOS 6:12

Wotongngewe awal᷊o tumal᷊angnga su wuiddu watu? Apa buatte taumata mammajeko tahal᷊oangnga ringannu sapi? Arawe i yamiu buatte namal᷊elongngu atatul᷊idda naola'a sukkatta apan naapate, wuṛṛu iapa naṛṛino maola'a nassal᷊a.

HABAKUK 1:4

Tita tate daringiṛṛanna wuṛṛu atatul᷊idda tate iapaamatta. Taumata lal᷊eo nabbal᷊i naauntunnga wuassu taumata mapia, ne atatul᷊idda niwal᷊elongnga.

LUKAS 12:14

Mawu Yesus sinumimbakka, “Tuṛṛangnga, isai namile si ya'u maola'a mallaṛṛuungnga ara'e matatahia darotongnga pussa'a su wallatti raddua?”

YOHANES 12:47

Taumata apan maddaringikka al᷊ara-U, arawe tawe tumuṛṛutta – wal᷊ine i Ya'u makkuumanni tou. Ana waugu i Ya'u nirumanta wal᷊inewe mamarikissa runia indi, arawe rumanta manal᷊amatta.

YOHANES 18:36

Mawu Yesus nabbisara, “Araratuang-Ku wal᷊ine wuassu runia indi. Unnu wisara araratuang-Ku wuassu runia indi, manga taumata-U sarun mando'appa, tadea'u i Ya'u tawe itantilla su manga tembonannu Yahudi. Arawe atonna araratuang-Ku wal᷊ine wuassu runia indi!”

YOHANES 3:17

Ana waugu Ruata nandolokku Anang-Nge wal᷊ine maṛṛuungngu runia indi, arawe manal᷊amatta runia indi.

YOHANES 7:24

Arie mamarikissa taumata ana waugu pinangiananne apan aasiloanna, arawe ana waugu atatul᷊idda.”

YOHANES 8:11

“Tawe, Ama,” sasimbakke. “Aroddite,” unnu Mawu Yesus, “I Ya'u lai tawe makkuumannu. Orassa indi apul᷊ete, imbaṛṛangnga ma'ola'a rosa apia.”]

ROMA 2:1

Ana waugu udde, manga tuṛṛangnga, isai i'o tuṛṛangnga, na'oman sara i'o tuṛṛangnga maapulu mapaasal᷊an taumata waine? Tuṛṛangnga tawe ahidda ipallindumma ririnu. Ana waugu amungkangngu i'o mapaasal᷊an taumata waine, sumbal᷊i tuṛṛangnga sassane ma'ola'a ere inolaanni mangitou, ne tuṛṛangnga naṛṛuumannu watangannu sassane lai.

1 KORINTUS 2:15

Taumata apan uatahuanna Ghaṛṛahon Duata wotongnge maatiala al᷊awo'u inolaanna, arawe tawe saran sangkatou wotongnge maatiala si tou.

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

YAKOBUS 2:4

Ringannu ma'ola'a aroddi, yamiu na'ola'a palal᷊aṛṛae su wallatu sandingananni yamiu wuṛṛu ma'ellega taumata wuassu ṛingiranna apan lal᷊eo.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”