YOHANES 7:4 - WUKE SUSI WATTI'U AL᷊AL᷊USASSA

⁴ Tawe taumata apan maapamunin apa apan a'olaanne. Amungkangngu i tou maapulu asingkatannu awadaalla. Amungkangngu i'o maapulu ma'ola'a inolaanna ere udde, ahewallu runia indi ṛinone maasingkatta!” (

YOHANES 7:4 Iomraidhean Croise

1 MARARATU 22:13

Tantal᷊anna udde daroloṛṛanna apan nangal᷊appa si Mikha, nabbisara si Mikha, “Anambon nabi apan waine nami'attu auntungannu ratu. Doronganni Papa lai mami'attu apan mapia ere i mangitou.”

MATIUS 23:5

Sarangkanambone apan niola'i mangitou tumba'u iapa'ellega su taumata. I mangitou malluṛṛen tal᷊in aal᷊iomanna apan mal᷊ala-l᷊alakka wuṛṛu mal᷊o'engnga uatungkele su jubah mangitou!

MATIUS 4:6

See Setanna nabbisara si Tou, “I'o Ana'u Ruata? Amungkangngu aroddi, tumpate; ana sulal᷊ummu Wuke Susi uawoṛṛetta arendi, ‘Ruata sarun mandolokku manga mala'ekanne mandiaga Si'o, i mangitou sarun manal᷊oho Si'o ringannu lima mangitou, tadea'u leddanu tawe mattu'a su watu.’ ”

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

LUKAS 6:45

Taumata mapia mapasabangngu pallal᷊agu mapia ana waugu naungnge napenen apapia. Taumata pallal᷊agune lal᷊eo mapasabangngu inolaanne lal᷊eo ana waugu naungnge napenen al᷊al᷊eo. Ana waugu apa apan suete niwisara moṛṛongnga udde sinabanganne wuassu naungnga.”

YOHANES 18:20

Mawu Yesus sinumimbakka, “I Ya'u sidutu mabbisara ringannu uahahati su saruannu awadaalla. I Ya'u sidutu mangngaṛṛa'a su manga wal᷊em pattataṛṛamawuanna wuṛṛu su Wal᷊e Ruata, su tampan taumatan Yahudi wiasane maammula. Taambe saran paassa i Ya'u mabbisara ringannu itattullampingnga.

YOHANES 7:3

Ne manga tuṛṛangngu Mawu Yesus nabbisara si Tou, “Tantanga'e tampa indi wuṛṛu roote su Yudea, tadea'u manga mallal᷊aṛṛenggen-Nu maasilo lai manara-Nu.

YOHANES 7:5

Ana waugu manga tuṛṛang-Nge sassane tawe mangngimanna si Tou.)