YOHANES 7:39 - WUKE SUSI WATTI'U AL᷊AL᷊USASSA

³⁹ Mawu Yesus mabbisara su ola'u Ghaṛṛahon Ruata apan sarun sengkamannu manga taumata apan mangngimanna si Tou. Ana waugu su tempo udde Ghaṛṛahon Ruata taambe nionggolla; ana waugu Mawu Yesus taambe niapaawantuga ringannu papate-Ne.)

YOHANES 7:39 Iomraidhean Croise

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

YESAYA 12:3

Naal᷊ihidda ua'e masunge ma'al᷊uassa taumata marou, etearoddi lai i yamiu lullala'a ana waugu niapasal᷊amattu Ruata.”

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

MATIUS 16:14

Manga mallal᷊aṛṛenggen-Ne sinumimbakka, “Piaddu mabbisara i Yohanes Mananaṛṛani. Piaddu lai mabbisara i Elia. Waine lai mabbisara i Yeremia ara'e su wallattu sangkatou nabi.”

MATIUS 21:11

“I Tou Nabi Yesus, wuassu Nazaret su Galilea,” sasimbakku taumata nambo apan uatantalongnga Mawu Yesus.

LUKAS 24:49

Wuṛṛu i Ya'u sassane sarun mandolokka ringanni yamiu apa apan suete pina'iren Iamangnga. Arawe i yamiu ṛinone maṛṛado su soa indi ma'oman sara taṛṛino wuassu Ruata mannilla'uppa si yamiu.”

LUKAS 3:16

Ana waugu udde i Yohanes nabbisara si mangitou sarangkanambone, “I ya'u mannaṛṛani si yamiu ringannu ua'e, arawe paṛṛaddote sarun rumanta sal᷊immurine lembon ahewal᷊anne wuassia'u. Mamu'a tal᷊in sapatune lai ya'u tawe suṛṛinone. I Tou sarun manaṛṛani si yamiu ringannu Ghaṛṛahon Ruata wuṛṛu putungnga.

LUKAS 7:16

Anambon taumata nata'utta wuṛṛu nanattakke maddalo Ruata. I mangitou mabbisara, “Sangkatou nabi apan wahewa suete nirumanta su wallatti ite! Ruata nirumantate manal᷊amatta pabbawalage!”

YOHANES 1:21

“Amungkangngu aroddi, i'o isai?” aiwal᷊o mangitou. “Apa i'o i Elia?” “Wal᷊ine,” sasimbakki Yohanes. “Apa i'o sangkatou Nabi?” aiwal᷊o mangitou apia. “Wal᷊ine,” sasimbakki tou.

YOHANES 1:25

naiwal᷊o, “Amungkangngu i'o wal᷊ine Ratun Punnu Sal᷊amatta, wal᷊ine i Elia, wal᷊ine lai sangkatou Nabi, anio i'o mannaṛṛani?”

YOHANES 1:33

Tempo udde i ya'u ta'e wagga isai i Tou. Arawe Ruata apan nandolo'u manaṛṛani ringannu ua'e suete nabbisara si ya'u, ‘Napawe i'o maasilo Ghaṛṛahon Ruata niumonto'a, see matana'a mangintaṛṛo su sangkatou, ete i Tou apan manaṛṛani ringannu Ghaṛṛahon Ruata.’

YOHANES 12:16

Su tempo udde manga mallal᷊aṛṛenggennu Mawu Yesus taambe naasunna sarangkanambone udde. Arawe napawe Mawu Yesus niapaawantuga ringannu papate-Ne, wakkute udde i mangitou naanaungnga manungku apa apan niola'u manga taumata si Tou uawoṛṛette sulal᷊ummu Wuke Susi su ola'i Tou.

YOHANES 12:23

Mawu Yesus nabbisara si mangitou, “Nia'omante tempone Ana'u Taumata wantuhanna.

YOHANES 14:13

Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a.

YOHANES 14:26

Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.

YOHANES 16:14

I Tou sarun mamantuga si Ya'u, ana waugu apa apan suete niapaasingkatta si yamiu, sinengkamma wuassia-U.

YOHANES 16:7

Arawe i Ya'u mamasingkatta atonna si yamiu: Mappianne si yamiu amungkangngu i Ya'u inai; ana waugu amungkangngu i Ya'u tawe inai, Mantatal᷊ungnga udde tawe rumanta ringanni yamiu. Arawe amungkangngu i Ya'u inai, i Ya'u sarun mandolokki Tou ringanni yamiu.

YOHANES 17:1

Wua nabbisara aroddi, Mawu Yesus naningngara langitta wuṛṛu nabbisara, “Iamangnga, orassa indi nia'omante tempone. Wantuhete Anangngu, tadea'u Anangngu lai mamantuga Iamangnga.

YOHANES 17:5

Iamangnga! Wantuhete i Ya'u orassa indi ringannu Iamangnga, ringannu awawantuga apan tatahuanang-Ku suadio'a ringannu Iamangnga ro'en runia indi taambe nariaddi.

YOHANES 20:22

See i Tou napaasabangngu singangu-Ne si mangitou wuṛṛu nabbisara, “Sengkampe Ghaṛṛahon Ruata.

YOHANES 6:14

Napawe taumata nambo udde naasilo al᷊aṛṛindu'a apan niola'u Mawu Yesus, i mangitou nabbisara, “Atonna, ete indi Nabi apan a'antimanna rumanta su runia!”

YOHANES 7:12

Manambo taumata mannattake uasasal᷊imburungnga su ola'i Tou. Piaddu mabbisara, “I Tou taumata mapia.” Piaddu lai mabbisara, “Tawe! I Tou mangngal᷊iwun taumata nambo.”

YOHANES 8:54

Mawu Yesus sinumimbakka, “Unnu wisara i Ya'u maddea'a awawantugu riri-U sassane, awawantugu udde tawe gunane. Apan mangngaddata si Ya'u eteudde Iamang-Ku apan unni yamiu Ruatang kamiu,

WATTI'U MANGA RASUL 19:2

I tou naiwal᷊o si mangitou, “Manga tuṛṛangnga suete naasengkamma Ghaṛṛahon Ruata, su tempo i yamiu nangngimanna Mawu Yesus?” I mangitou sinumimbakka, “Taambe, Ewe'e i yami taambe naaringikka manungku pia Ghaṛṛahon Ruata.”

WATTI'U MANGA RASUL 2:17

Ruata nabbisara, ‘Su panginsueannu runia I Ya'u sarun mangonggolu Ghaṛṛaho-U su anambon taumata. Al᷊aṛṛanangngu esakka wuṛṛu al᷊aṛṛanangngu wawine sarun mamasingkatta si yamiu manga inolaanna apan Ta'u ipaasingkatta si mangitou. Manga dario'a sarun maasilo inolaanna apan Ta'u iapasilo si mangitou. Manga taumata timmaddenu sarun mabal᷊iawa su ola'u wal᷊iawa apan Ta'u ionggolla si mangitou.

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

WATTI'U MANGA RASUL 2:4

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

WATTI'U MANGA RASUL 3:13

Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou.

WATTI'U MANGA RASUL 4:31

Napawe i mangitou suete inumal᷊iomanna, tampa i mangitou uaammulla udde inumio'a. I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara ringannu waṛṛani atonna, su ola'u watti'u Ruata.

ROMA 8:9

Arawe i yamiu tawe mabbiakka tuttuṛṛutta apulun taumata. I yamiu mabbiakka tuttuṛṛutta Ghaṛṛahon Duata – amungkangngu atonna-tonna Ghaṛṛahon Duata uaparenta sulal᷊ummu watanganni yamiu. Taumata apan tawe uatahuanna Ghaṛṛahon Kristus, taumata udde wal᷊ine tatahuananni Kristus.

2 KORINTUS 3:8

asinungka paaola'a paaire apan nionggolu Ghaṛṛaho Ruata nitenega lembo mawantuga lai.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.