YOHANES 7:38 - WUKE SUSI WATTI'U AL᷊AL᷊USASSA

³⁸ Su ola'u taumata apan mangngimanna si Ya'u, uawoṛṛetta sulal᷊ummu Wuke Susi, ‘Wuassu lal᷊ummu naungnge mangngelekka manga aeleṛṛannu ua'e apan mangngonggolu wiakka.’ ” (

YOHANES 7:38 Iomraidhean Croise

AMSAL 10:11

Pabbawisaran taumata mapia maaola'a wiakka lal᷊umanna'a, arawe wuassu wisaran taumata lal᷊eo uawuni naungnga lal᷊eo.

AMSAL 18:4

Wisaran taumata wotongnge maola'a punnu apapande mal᷊al᷊umma ere laudda, mapia ere ua'e mangngelekka.

YESAYA 12:3

Naal᷊ihidda ua'e masunge ma'al᷊uassa taumata marou, etearoddi lai i yamiu lullala'a ana waugu niapasal᷊amattu Ruata.”

YESAYA 35:6

Taumata lome sussassolo'a ere rusa, taumata mou u'uin al᷊al᷊uassa. Ana waugu matan kua'e sussopate su wadda'u anne, sal᷊ukka mangngelekka su wadda'a mal᷊alangnga.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YESAYA 55:1

Mawu nabbisara, “Wette i yamiu sarangkanambone apan marou, pa'inumpe, ua'e nasaddiate. Rantate i yamiu apan tawe uatahuanna roitta, panengkampe gandumma apan tawe bawaekke, wuṛṛu ante! Anggore wuṛṛu susu nasaddiate, sengkampe ringannu tawe bawaekke.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YESAYA 59:21

I Ya'u nakkiinnu pa'aire ringanni yamiu: I yamiu onggol᷊annu taṛṛino-U wuṛṛu al᷊aṛṛa-U saran mal᷊annu-l᷊annu. Ara'e lai ionggolla su manga anangngu tadea'u i mangitou lai wotongnge mangaṛṛa'u udde su ana'a pulunne orassa indi maddatingngu saran mal᷊annu-l᷊annu.”

ZAKARIA 14:8

Su allo udde, ua'e wakku sarun mangelekka wuassu Yerusalem; sambageanganna wuassu ua'e udde mangelekka watukku Tahal᷊oangnga Nate wuṛṛu sambageanganna lai watukku Tahal᷊oangnga Tangngane. Ua'e udde sarun mangelekka su al᷊o'engngu tonna, mawae sutempon uranna aroddi lai sutempon paddissa.

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

EFESUS 5:9

Ana waugu wuassu asasemakka udde lumapputa al᷊awo'u inolaanna apan mapia, matul᷊idda, wuṛṛu waresi su aellegu Ruata.

TAHIUL᷊E 18:15

Ewe'e mawal᷊i'a lai waussu walahanni ite sassane sarun mandolokku sangkatou nabi ere i ya'u indi, wuṛṛu i yamiu ṛinone maddaringikka si tou.