YOHANES 7:32 - WUKE SUSI WATTI'U AL᷊AL᷊USASSA

³² Manga taumatam Farisi naaringikka ereapa taumata nambo udde uasasal᷊imburungnga su ola'u Mawu Yesus. Ana waugu udde su sampunna ringannu manga imam tembonanne, i mangitou nandolokku manga pira mandariaga Wal᷊e Mawu inai manametta Mawu Yesus.

YOHANES 7:32 Iomraidhean Croise

MATIUS 12:14

Arawe manga taumatan Farisi nanantangngu wal᷊em pattataṛṛamawuanna udde, see na'irete mamate Mawu Yesus.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MATIUS 26:58

I Petrus uantantalongnga Mawu Yesus wuassu marau na'oman sara su passalangannu wal᷊en imam bahewa. See i Petrus sinumuttate su passalanganna, wuṛṛu inuma'ianna su sampunna ringannu mandariaga. I tou maapulu maasingkatta ereapa panginsueanne sarangkanambone udde.

YOHANES 11:46

Arawe manga pira su wallatti mangitou inaite ringannu taumatan Farisi wuṛṛu nangalae apa apan suete niola'u Mawu Yesus.

YOHANES 12:19

Ne manga taumatan Farisi uawawisarate sangkatou ringannu sangkatou, “I ite tawe mapa'ola'a apa-apa! Pa'ellege, anambon lal᷊oṛṛon runia uatantalongnga si Tou!”

YOHANES 18:3

Ne i Yudas inaite su tampa udde wuṛṛu uaapiddu sangkawiliṛṛanna tantaran Romawi wuṛṛu manga pira mandariaga Wal᷊e Mawu apan nirolokku manga imam tembonanne wuṛṛu manga taumatan Farisi. I mangitou uaapiddu ahidda, lentera wuṛṛu auttutta.

YOHANES 7:30

Su tempo udde i mangitou ma'apulu manametta Mawu Yesus, arawe tawedu waṛṛani mangagassa si Tou, ana waugu taambe nia'omanna tempone.

WATTI'U MANGA RASUL 5:26

Ne piaṛṛa'u mandariaga Wal᷊e Mawu udde su sambau ringannu mandariagane inaite nangal᷊appa manga rasul udde apia. Arawe i mangitou tawe nangal᷊appu araṛṛagissa ana waugu i mangitou matta'uttu taumata nambo; aṛṛengenne taumata nambo udde mamaretam batu si mangitou.

1 SAMUEL 19:20

Ana waugu udde i Saul nandolokku manga pira daroloṛṛanne inai iapasametta si Daud. Arawe i mangitou naasangkalla ammul᷊annu nabi apan tantal᷊anna massal᷊aingnga wuṛṛu mangngintul᷊i su sambau, ipappiaṛṛa'i Samuel. Ana see manga daroloṛṛanni Saul udde niintaṛṛoannu Ghaṛṛahon Duata na'oman sara i mangitou lai massal᷊aingnga wuṛṛu mangngintul᷊i suadio'a.